12-Apr-2025

ତୁଷୁରା (ପଞ୍ଚାନନ ନାଏକ) ବଲାଙ୍ଗୀର ଜିଲ୍ଲା ତୁଷୁରା ସହର ସ୍ଥିତ ସରକାର ସ୍ବାସ୍ଥ୍ୟକେନ୍ଦ୍ର ପରିସରରେ ଶୁକ୍ରବାର ରାଜ୍ଯ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଆଯୋଜିତ ଆୟୁଷ୍ମାନ ଭାରତ ପ୍ରଧାନମନ୍ତ୍ରୀ ଜନ ଆରୋଗ୍ଯ ଯୋଜନା, ଗୋପବନ୍ଧୁ ଜନ ଆରୋଗ୍ଯ ଓ ଆୟୁଷ୍ମାନ ବୟୋ ବନ୍ଦନା ଯୋଜନାର ନୂଆ ଏକକ କାର୍ଡ ବିତରଣ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। କିନ୍ତୁ ପ୍ରଚାର ପ୍ରସାର ଅଭାବରୁ ବହୁତ କମ ଲୋକ ଉପସ୍ଥିତ ହୋଇଥିଲେ। ଏହି ଯୋଜନାକୁ ସଚେତନ କରିବା ପାଇଁ ରାଜ୍ଯ ସରକାର ପ୍ରତି ବ୍ଲକକୁ ଦୁଇ ଲକ୍ଷ ଟଙ୍କା ଲେଖାଁଏ ଅନୁଦାନ ପ୍ରଦାନ କରିଥିବା ବେଳେ ଗୁଡଭେଲାବ୍ଲକରେ ସଚେତନ କାର୍ଯ୍ୟକ୍ରମ ଫେଲ ମାରିଥିବା ସାଧାରଣରେ ଚର୍ଚ୍ଚାର କେନ୍ଦ୍ର ବିନ୍ଦୁ ପାଳଟିଛି। ଏହି କାର୍ଯ୍ୟକ୍ରମରେ ତୁଷୁରା ଏନଏସି ଅଧ୍ୟକ୍ଷ ଅଜୟ କୁମାର ଜୟଶ୍ବାଳ, ଗୁଡଭେଲାବ୍ଲକ ଉପାଧ୍ୟକ୍ଷ ଟୁକୁରାମ ପାଣିଗ୍ରାହୀ, ପୂର୍ବତନ ବ୍ଲକ ଅଧ୍ୟକ୍ଷ ଅଶୋକ ଚନ୍ଦ୍ର ଦୋରା, ଗୁଡଭେଲାବ୍ଲକ ବିଡିଓ ରାମଦତ୍ତ ଭୋଇ,  ତୁଷୁରା ତହସିଲଦାର ଆର୍ତ୍ତତ୍ରାଣ ଥାର୍ଟି ଉପସ୍ଥିତ ରହିବା ସହ  ଆଶା ମାଁ, ଅଙ୍ଗନୱାଡି, ଏଏନଏମ, ବ୍ଳକ ଓ ସ୍ବାସ୍ଥ୍ୟକେନ୍ଦ୍ର କର୍ମଚାରି ଉପସ୍ଥିତ ଥିଲେ। କିନ୍ତୁ ସରକାର କର୍ମଚାରୀ ଯେତିକି ଥିଲେ ତା ଠାରୁ ଦଶ ପ୍ରତିଶତ ଜନସାଧାରଣ ଲୋକ ଉପସ୍ଥିତ ଥିଲେ । ଏତେ କମ ସଂଖ୍ୟକ ଲୋକ ଉପସ୍ଥିତ ନେଇ ଗୁଡଭେଲାବ୍ଲକ ବିଡିଓ ରାମଦତ୍ତ ଭୋଇଙ୍କୁ ପଚାରିବାରୁ କହନ୍ତି ଯେ, ସବୁ ବର୍ଗ ଲୋକ ଆସିଛନ୍ତି ବୋଲି ସଫେଇ ଦେଇ ଥିଲେ। ଏନେଇ ପୂର୍ବତନ ବ୍ଲକ ଅଧ୍ୟକ୍ଷ ଅଶୋକ ଚନ୍ଦ୍ର ଦୋରାଙ୍କୁ ପଚାରିବାରୁ କହନ୍ତି ଯେ, ବହୁତ ଖରା ହେଉଛି, ଏଣୁ ଲୋକଙ୍କ ସଂଖ୍ୟା କମିଛି ବୋଲି ମତ ପ୍ରକାଶ କରିଥିଲେ। ପାଞ୍ଚ ଜଣ ହିତାଧିକାରୀଙ୍କୁ ଅତିଥିବୃନ୍ଦ କାର୍ଡ ପ୍ରଦାନ କରିଥିବା ବେଳେ ପ୍ରକୃତ କାର୍ଡ ନଦେଇ ନକଲି କାର୍ଡ ପ୍ରଦାନ କରାଯାଇଥିଲା। ହିତାଧିକାରୀମାନେ ପ୍ରକୃତ କାର୍ଡ ସମ୍ପର୍କରେ କହିବାରୁ ପରେ ଦିଆଯିବ ବୋଳି ସ୍ବାସ୍ଥ୍ୟ ବିଭାଗ ପକ୍ଷରୁ କୁହାଯାଇଥିଲା। ହିତାଧିକାରୀମାନଙ୍କ ମଧ୍ଯରେ ଅସନ୍ତୋଷ ଦେଖା ଦେଇଥିବା ବେଳେ ତୁଷୁରା ଏନଏସି ଅଧ୍ୟକ୍ଷ ଅଜୟ କୁମାର ଜୟଶ୍ବାଳ ମଧ୍ଯ ପ୍ରକୃତ କାର୍ଡ ନଦେବାରୁ ଅସନ୍ତୋଷ ପ୍ରକାଶ କରିଥିଲେ। ସରକାର ଫଟୋ ଉଠାଇବାରେ ବ୍ୟସ୍ତ ରହୁଥିବା ପ୍ରକାଶ କରିଥିଲେ। ସରକାରଙ୍କ ଲକ୍ଷ ଲକ୍ଷ ଟଙ୍କା ଅଯଥାରେ ପାଣି ପଡିଲା ବୋଳି ସାଧାରଣରେ ଚର୍ଚ୍ଚା ହୋଇଛି।