12-Apr-2025

ଡୁଙ୍ଗୁରିପାଲି (ଅରବିନ୍ଦ ମିଶ୍ର):  ସୁବର୍ଣ୍ଣପୁର ଜିଲ୍ଲା ରାମପୁରର ପଣ୍ଡକିଟାଲ ଗାଁ ରେ  ସକାଳ ପାଖାପାଖି ୧୨ ଟା ରେ ପହଞ୍ଚିଥିଲା ଜିଲ୍ଲା ଯୋଗାଣ ବିଭାଗର ପାଞ୍ଚ ଜଣିଆ ଟିମ୍ l ଗାଁ ର ଭକ୍ତରାମ ପଧାନଙ୍କ ଘରେ ବେନିୟମ ଭାବର ଗଚ୍ଛିତ ରଖି ଥିବା ଡିଜେଲ୍ ଉପରେ ପକାଇଥିଲା ନଜର l ଗୋଟେ ଘରେ ବିନା ଅଗ୍ନି ନିର୍ବାପକ୍ ଯନ୍ତ୍ରରେ ବିପୁଳ ପରିମାଣର ଡିଜେଲ୍ ରଖିଥିବା ଦେଖି ତାଜୁବ ହୋଇ ଯାଇଥିଲା ଯୋଗାଣ ବିଭାଗ ।
 ଦର୍ଶକ ବନ୍ଧୁ !  ପ୍ରଥମେ ଏହି ଫଟୋ ଟିକୁ ଦେଖନ୍ତୁ  l ଏ ଫଟୋ ହେଉଛି ବିଜେଡି ସରକାର ସମୟରେ ଭକ୍ତରାମ ପଧାନଙ୍କ ସାନଭାଇ ସତ୍ୟ ନାରାୟଣ ପଧାନ ବ୍ୟାନର ଧରି  ପେଟ୍ରୋଲ ଓ ଡିଜେଲ ଦର ଦାମ୍ ବୃଦ୍ଧି ପ୍ରତିବାଦରେ କେନ୍ଦ୍ର ସରକାରକୁ ପ୍ରତିବାଦ କରିଥିବାର ଫଟୋ l କିନ୍ତୁ ଆଜି ସେହି ବିଜେଡି କର୍ମୀ ଙ୍କ ବଡ ଭାଇ ଭକ୍ତରାମ ପଧାନଙ୍କ ଘରେ  ବିପୁଳ ପରିମାଣରେ  ଡିଜେଲ୍ ରଖିଥିବା ଦେଖିବାକୁ ମିଳିଛି l ଅନ୍ୟ ପକ୍ଷରେ ଦୀର୍ଘ ଦିନରୁ ଏ ପ୍ରକାର ବେନିୟମ ଡିଜେଲ୍ ରଖି ଆସୁଥିଲେ ସୁଦ୍ଧା ସ୍ଥାନୀୟ ପ୍ରଶାସନ ତଥା ସ୍ଥାନୀୟ ପୋଲିସ ଏହାର ଟେର କେମିତି ପାଇ ପାରୁ ନ ଥିଲା ? ନା ଏ ବିଷୟରେ ପ୍ରଶାସନ 

ଜାଣିଶୁଣି ଜଣେ ବିଜେଡି କର୍ମୀର ଭାଇ ବୋଲି ଚୁପ୍ ରହି ଯାଉଥିଲା ?  ଏ ପ୍ରକାର ପ୍ରଶ୍ନ ଏବେ ସଭିଙ୍କ ମନରେ l
 ଅନ୍ୟ ପକ୍ଷରେ ଜିଲ୍ଲା ଯୋଗାଣ ବିଭାଗ ,ଭକ୍ତରାମ ପଧାନ ଙ୍କ ଘରୁ ୯୩୫ ଲିଟର ଡିଜେଲ୍ ସିଜ୍ କରି  ଏକ ପେଟ୍ରୋଲ ଟଙ୍କି ରେ ଜିମା ଦେଇଥିବା ବେଳେ  ଭକ୍ତରାମ ପଧାନଙ୍କ ନାମରେ  ବିଭାଗ ପକ୍ଷରୁ   ବିହୀତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଯୋଗାଣ ବିଭାଗ ସୂଚନା ଦେଇଥିବାର ଜଣାପଡିଛି l

(ଡୁଙ୍ଗୁରିପାଲିରୁ ଅରବିନ୍ଦ ମିଶ୍ରଙ୍କ  ରିପୋର୍ଟ)