10-Apr-2025

ଆଗଲପୁର, (ବିନୋଦ ଦୀପ) ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ଉପରବାହାଲ ଅଞ୍ଚଳରେ ଜଣେ ଅଜଣା ବୃଦ୍ଧା ଅସହାୟ ହୋଇ ଭିକ୍ଷା ବୃତ୍ତି କରି ପେଟ ପୋଷୁ ଥିଲେ। କିନ୍ତୁ ଗତ କିଛି ଦିନ ହେଲା ସେ ଖାଇବାକୁ ନ ପାଇଁ ଉପରବାହାଲ ଗ୍ରାମର ଏକ ପଡିଆର ନିଛାଟିଆ ଜାଗାରେ 2 ଦିନ ହେବ ଅନାହାରରେ ମୃତ୍ୟୁ ହୋଇ ପଡି ରହିଥିଲେ। ଦୁଇ ଦିନ ପରେ ସେହି ଗ୍ରାମର କିଛି ବ୍ୟକ୍ତି ଅଜଣା ବ୍ୟକ୍ତି ମୃତୁବରଣ ହେଇଥିବା ଦେଖି ସ୍ଥାନୀୟ ଆଗଲପୁର ଥାନାକୁ ଖବର ଦେଇଥିଲେ। ସଙ୍ଗେ ସଙ୍ଗେ ଆଗଲପୁର ଥାନା ଅଧିକାରି ଘଟଣା ସ୍ଥଳରେ ପହଞ୍ଚି ଘଟଣା ସମ୍ପର୍କରେ ସ୍ଥାନୀୟ ଲୋକଙ୍କୁ ପଚାରି ବୁଝାବୁଝି କରିବା ପରେ ସ୍ଥାନୀୟ ଲୋକ ଅଜଣା ବ୍ୟକ୍ତି ଜଣେ ଆମ ଅଞ୍ଚଳରେ ଭିକ୍ଷା ବୃତ୍ତି କରି ପେଟ ପୋଷଣ କରି ଚଲୁଥିଲେ ଓ ସେ କିଛି ଦିନ ହେଲା ନ ଖାଇ ନ ପିଇ ଅନାହାରରେ ମୃତ୍ୟୁହୋଇ ଦୁଇ ଦିନ ପଡି ରହିଥିବା ସ୍ଥାନୀୟ ଲୋକ ମାନେ ପୋଲିସ କୁ ଜଣେଇ ଥିଲେ। ତାପରେ ଆଗଲପୁର ଥାନା ଅଧିକାରୀ ଙ୍କ ଉପସ୍ଥିତିରେ ଥାନା କର୍ମଚାରି ଏବଂ ଆଗଲପୁର ଅଗ୍ନିଶମ ବାହିନୀ ଉଦ୍ଧାର କରି ଭୀମ ଭୋଇ ହସ୍ପିଟାଲ କୁ ନେଇ ଥିଲେ |ଆଗଲପୁର ଥାନା ଅଧିକାରି ବାସୁଦେବ ଭୋଇ ବଲାଙ୍ଗୀର ସ୍ବେଛାସେବୀ ସଂଗଠନ କୁ ଯୋଗାଯୋଗ କରି ଘଟଣା ସମ୍ପର୍କରେ ଅବଗତ କରିଥିଲେ ଏବଂ ଶବଦାହ କରିବା ପାଇଁ ଅନୁରୋଧ କରିଥିଲେ।

ଔପଚାରିତା ଦୃଷ୍ଟିରୁ ପୋଲିସ ପକ୍ଷରୁ ଶବକୁ ବ୍ୟବଚ୍ଛେଦ ପରେ ୭୨ ଘଣ୍ଟା ପର୍ଯ୍ୟନ୍ତ ଭୀମ ଭୋଇ ମେଡିକାଲ କଲେଜ ଓ ହସ୍ପିଟାଲ ସ୍ଥିତ ଶବ ସଂରକ୍ଷଣ କେନ୍ଦ୍ରରେ ରଖା ଯାଇଥିଲା । ଆଗଲପୁର ଥାନା ଅଧିକାରୀ ଶ୍ରୀ ଭୋଇ ଙ୍କ ତତ୍ଵାବଧାନ ରେ ଆଜି ବଲାଙ୍ଗୀର ସ୍ବେଛାସେବୀ ସଂଗଠନ ଶବକୁ ଶବ ବ୍ୟବଚ୍ଛଦ ଗୃହରୁ ଆଣି ବାଲାଙ୍ଗୀର ସ୍ଥିତ ବିଭୁତିପଡା ସ୍ମଶାନ ଘାଟରେ ସସମ୍ମାନ ର ସହ ଶବଦାହ କରାଗଲା l ବଲାଙ୍ଗିର ସ୍ବେଚ୍ଛାସେବୀ ସଂଗଠନର ରବୀନ୍ଦ୍ର ପ୍ରଧାନ , ଗୋବିନ୍ଦ ଚନ୍ଦ୍ର ଶତପଥୀ, ଲିଙ୍କନ ସେଠ, ଉତ୍ତମ୍ ନନ୍ଦ, ତନ୍ମୟ ପୁଟେଲ, ସରୋଜ ଜାଲ, ସାଗର ଚନ୍ଦନ ପ୍ରମୁଖ ଉପସ୍ଥିତ ରହି ସମସ୍ତ ସଦସ୍ୟ ସହଯୋଗ କରିଥିଲେ l ସବୁବେଳେ ସବୁ ସମୟରେ ହାତ ବଢ଼ାଇ ସାହାଯ୍ୟ କରିଥାଏ ଏହି ସଙ୍ଗଠନ l