10-Apr-2025

ବିନିକା/ଉଲୁଣ୍ଡା(ପ୍ରେରଣା ନ୍ୟୁଜ)ସନ୍ଥକବି ଭୀମ ଭୋଇଙ୍କ ଦାର୍ଶନିକ ବାଣୀ ଏକ ସୁସ୍ଥ ଓ ଆଧ୍ୟାତ୍ମିକ ସମାଜ ଗଠନପାଇଁ ଏକାନ୍ତ ଅପରିହାର୍ଯ୍ୟ ବୋଲି ଢେଲେ଼ଇ ଉଚ୍ଚ ପ୍ରାଥମିକ ବିଦ୍ୟାଳୟର ବାର୍ଷିକ ଉତ୍ସବରେ ମୁଖ୍ୟ ଅତିଥି ଭାବରେ ଯୋଗଦେଇ ମାନ୍ୟବର ବୀରମହାରାଜପୁର ବିଧାୟକ ଇଞ୍ଜିନିୟର ରଘୁନାଥ ଜଗଦଲା ତାଙ୍କ ଅଭିଭାଷଣରେ କହିଛନ୍ତି ।ଉଲୁଣ୍ଡା ଗୋଷ୍ଠୀ ଶିକ୍ଷା ଅଧିକାରୀ ଅଜୟ କୁମାର ଲୁହାଙ୍କ ପୌରୋହିତ୍ୟରେ ଅନୁଷ୍ଠିତ ଏଇ ସ୍କୁଲର ବାର୍ଷିକ ଉତ୍ସବ "ମହୁଲି ଚଇତି"ରେ ବିଦ୍ୟାଳୟର ଶିକ୍ଷକ ସ୍ଵାଧୀନ ପ୍ରଧାନ ସ୍ବାଗତ ସମ୍ଭାଷଣ, ପୁରନ୍ଦର ଭୋଇ ଅତିଥି ପରିଚୟ ଓ ଆଶିଷ କୁମାର୍ ପର୍ଡିଆ ବିବରଣୀ ପାଠ କରିଥିଲେ । ମୁଖ୍ୟ ଅତିଥି ଭାବରେ ବିଧାୟକ ଇଞ୍ଜିନିୟର ରଘୁନାଥ ଜଗଦଲା ବିଦ୍ୟାଳୟରେ ସନ୍ଥ ଭୀମଭୋଇଙ୍କ ପ୍ରତିମୂର୍ତ୍ତି ଉନ୍ମୋଚନ କରି ଛାତ୍ରଛାତ୍ରୀ ଶିକ୍ଷକ ଅଭିଭାବକ ଓ ଗ୍ରାମବାସୀଙ୍କ ଉଦ୍ଦେଶ୍ୟରେ ତାଙ୍କର ଶୁଭେଛା ବାର୍ତ୍ତା ପ୍ରଦାନ କରିଥିଲେ । ମୁଖ୍ୟ ବକ୍ତା ଭାବରେ ବୀରମହାରାଜପୁର,ସପ୍ତଦୀପା ସାହିତ୍ୟ ସଂସଦର ସଭାପତି ଡକ୍ଟର ଦ୍ଵିତିକୃଷ୍ନ ପଣ୍ଡା ସମାଜରେ ପିତାମାତା, ଗୂରୁ ଓ ଭଗବାନଙ୍କର ସେବା ଓ ତାର ସୁଫଳ ସଂପର୍କରେ ଆଲୋକପାତ କରିଥିଲେ । ସମ୍ମାନିତ ଅତିଥି ଭାବରେ ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀଯୁକ୍ତ ମୁକେଶ ଭୋଇ ଓ ସମାଜସେବୀ ତ୍ରିନାଥ ଭୋଇ ସାମ୍ପ୍ରତିକ ସମାଜରେ ଶିକ୍ଷା ଓ ମୂଲ୍ୟବୋଧ ସଂପର୍କରେ ଆଲୋକପାତ କରିଥିଲେ । କଳା ସସ୍କୃତି ଓ ଶିକ୍ଷାର ପ୍ରସାର ଦିଗରେ ମହତ୍ତ୍ୱପୂର୍ଣ୍ଣ ଅବଦାନଯୋଗୁଁ ଆଦର୍ଶ ଶିକ୍ଷକ ଭାବରେ ଲକ୍ଷ୍ମୀ ନାରାୟଣ ସାହୁ, ପ୍ରାଣବନ୍ଧୁ ସାହୁ, ହୃଷିକେଶ ଚାନ୍ଦ, ବେଣୁଧର ସୁରୁଜାଲ, ଦିଲ୍ଲୀପ କୁମାର ମିଶ୍ର, ମୋନାଲିସା ପରମାଣିକ, ହିଂମାଶୁ ଭୂଷଣ ପଣ୍ଡା, ଅଶୋକ କୁମାର୍ ବିଶି, ବନବାସ ମେହେର, ସଂଜୀବ ସେଠି, ବିଉଟି ପାଢ଼ୀ , ମାଟିର କଳାକାର ପ୍ରଦେଶୀ ଭରାସାଗର ଓ ଇନ୍ଦ୍ରଜିତ କୁମ୍ଭାର, ଦୀପାନ୍ଵିତା ମହାରଣା ଶିକ୍ଷା ସଂଗଠକ ବନମାଳୀ ପାଢ଼ୀ ଓ ଦୟାନିଧି ଦେବତାଙ୍କୁ ମାନପତ୍ର ଏବଂ ଉତ୍ତରୀୟ ପ୍ରଦାନ କରି ସମ୍ବର୍ଦ୍ଧନା ପ୍ରଦାନ କରାଯାଇଥିଲା । ବିଦ୍ୟାଳୟର ବିବିଧ ବିଭାଗରେ ଶ୍ରେଷ୍ଠ କୃତିତ୍ୱପାଇଁ ବିଷ୍ଣୁପ୍ରିୟା, ଗୀତାଞ୍ଜଳି, ରେସ୍ମା,ଶୁଭମ୍, ଲିଲିମା, ଶାଶ୍ଵତ,ରଞ୍ଜିତା ,ମିକିରାଣୀ ,ଭାrତୀ, ସଲମନ୍, ପୂଜାଲିଜା, ସୋନାଲି ରୋପାଲି, ସାଇ ଆଶିଷ, ରାକେଶ , ମାଳତି ପ୍ରଭୁତି ୫୦ ଜଣ ଛାତ୍ରଛାତ୍ରୀ ଙ୍କୁ ପ୍ରମାଣପତ୍ର ଓ ଟ୍ରଫି ଦେଇ ପ୍ରଶଂସା କରାଯାଇଥିଲା । ତାପରେ ବିଦ୍ୟାଳୟର ଛାତ୍ରଛାତ୍ରୀଙ୍କ ଦ୍ବାରା ପରିବେଷିତ ସାଂସ୍କୃତିକ କାର୍ଯ୍ୟକ୍ରମ ଦର୍ଶକଙ୍କ ମନକୁ ବେଶ୍ ଛୁଇଁ ପାରିଥିଲା । ବିଦ୍ୟାଲୟର ପ୍ରଧାନ ଶିକ୍ଷକ ଡକ୍ଟର ଅନିରୁଦ୍ଧ କୁରୁକୁରିଆ ମଞ୍ଚ ପରିଚାଳନା କରିଥିବାବେଳେ ଧନ୍ୟବାଦ୍ ଅର୍ପଣ କରିଥିଲେ ବିଦ୍ୟାଳୟ ପରିଚାଳନା କମିଟି ଅଧକ୍ଷ ଆନନ୍ଦ ପାଢ଼ୀ ।