10-Apr-2025

ବରୀ(ରଞ୍ଜିତ ମହାନ୍ତି): ବରୀ ଛକରେ ଥିବା ପୂର୍ତ୍ତ ବିଭାଗ କାର୍ଯ୍ୟାଳୟରୁ ଶହେ ମିଟର ଦୂରରେ ବିଭାଗୀୟ ରାସ୍ତା ଅବସ୍ଥା ଶୋଚନୀୟ ହୋଇ ପଡିଛି । ରାସ୍ତାର ଏହି ଶୋଚନୀୟ ଅବସ୍ଥା ଫଳରେ ଗାଡି ଚାଳକ ଦୁର୍ଘଟଣାର ସମୁଖୀନ ହେଉଛନ୍ତି । ରାସ୍ତାରେ ସୃଷ୍ଟି ହୋଇଥିବା ଖାଲ ମରାମତି ଅଭାବରୁ ଦିନକୁ ଦିନ ବୃଦ୍ଧି ପାଉଛି । ହେଲେ ଚିନ୍ତାର ବିଧ୍ୱ ବିଭାଗୀୟ ଅଧିକାରୀ କିମ୍ବା କର୍ମଚାରୀଙ୍କ ନଜରକୁ ଏହା ଆସୁନାହିଁ । ଯଦି ଅଫିସରୁ ଶହେ ମିଟର ଦୂରରେ ଥିବା ରାସ୍ତାର ଏହି ଅବସ୍ଥା ତେବେ କାର୍ଯ୍ୟାଳୟରୁ ଦୂରରେ ଥିବା ରାସ୍ତାର ଅବସ୍ଥା କଣ ଥିବ ତାହା ଜଳଜଳ ହୋଇ ଦେଖା ଯାଉଛି । ବରୀ-କଳାମାଟିଆ ରାସ୍ତା ଜିଲ୍ଲାର ଅନ୍ୟତମ ବ୍ୟସ୍ତ ବହୁଳ ରାସ୍ତା, ହେଲେ କେବଳ ଏହି ସ୍ଥାନ ନୁହେଁ ରାସ୍ତାର ବିଭିନ୍ନ ସ୍ଥାନରେ ଏହି ପିଚୁ ଉଠି ରାସ୍ତା ଶୋଚନୀୟ ହୋଇ ପଡିଛି ।