10-Apr-2025

କଣ୍ଟାମାଳ: ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ସଦର କଣ୍ଟାମାଳ ଗ୍ରାମରେ ଶ୍ରୀରାମକୃଷ୍ଣ ନାଟ୍ୟ ସଂସଦ ପକ୍ଷରୁ ଆୟୋଜିତ ରାମଲୀଳା ୨୮ ବର୍ଷ ରେ ପଦାର୍ପଣ କରିଛି l ଏହି ଅବସରରେ କଣ୍ଟାମାଳ ଗାଁ ରାମଲୀଳା ମଣ୍ଡପରେ ଗତ ୬ ତାରିଖରୁ ଆରମ୍ଭ ହୋଇଥିବା ନାଟକର ବୁଧବାର ଚତୁର୍ଥ ସଂନ୍ଧ୍ୟାରେ ନାଟକ ମର୍ଯ୍ୟାଦା ପୁରୁଷ ପ୍ରଭୁ ଶ୍ରୀରାମଙ୍କ ବନବାସଗମନ ଏବଂ ଭ୍ରାତା ଭରତଙ୍କ ମିଳନ ମଞ୍ଚସ୍ଥ ହୋଇଥିଲା l ପୌରାଣିକ କଥାବସ୍ତୁ ଉପରେ ଆଧାରିତ ନାଟକକୁ ଦର୍ଶକ ମାନେ ଶ୍ରଦ୍ଧାର ସହ ମନଭରି ଉପଭୋଗ କରିଥିଲେ। ନାଟକରେ ବନମାଳି ସେଠୀ-ଶ୍ରୀରାମ,ସନ୍ତୋଷ ରଥ-ଲକ୍ଷ୍ମଣ,ହେମନ୍ତ ସାହୁ-ସୀତା, ପ୍ରତାପ ସାହୁ-ଦଶରଥ, ନେତ୍ରାନନ୍ଦ ବାଘ-ଭରତ, ସଂଗ୍ରାମ ବଗର୍ତ୍ତି-ଶତ୍ରୁଘ୍ନ ଭୂମିକାରେ ଅଭିନୟ କରିଥିବା ବେଳେ ଶ୍ରୀରାମକୃଷ୍ଣ ନାଟ୍ୟ ସଂସଦ  ସଭାପତି ଖଗେଶ୍ବର ସାହୁ ଓ ସମ୍ପାଦକ ହେମନ୍ତ ସାହୁ, ସହ ସଂପାଦକ-କୈଳାସ ଛତ୍ରିଆ ଏବଂ କୋଷାଧ୍ୟକ୍ଷ ବସନ୍ତ ସାହୁ ପ୍ରମୁଖ ରାମଲୀଳା ପରିଚାଳନା ଦାୟିତ୍ଵ ତୁଲାଉଛନ୍ତି। ଉତ୍ତର ସାହୁ, ପତ୍ନୀ ଯଶୋବନ୍ତି ସାହୁ କର୍ତ୍ତା ଓ ସନ୍ତୋଷ ରଥ ପୂଜା ଦାୟିତ୍ଵ ତୁଲାଇଛନ୍ତି। କମିଟିର ଅନ୍ୟ ସଦସ୍ୟମାନେ ବିଭିନ୍ନ ଭୂମିକାରେ ଅଭିନୟ କରିଛନ୍ତି