09-Apr-2025

ଶିକ୍ଷା ମନ୍ତ୍ରୀ ଦୃଷ୍ଟି ଦେବା ପାଇଁ ଜନସାଧାରଣରେ ଦାବି

କେସିଙ୍ଗା(ପ୍ରେରଣା ଖବର): କଳାହାଣ୍ଡି ଜିଲା କେସିଙ୍ଗା ବ୍ଲକ ରେ ଥିବା ବିଭିନ୍ନ ପ୍ରାଥମିକ ସ୍କୁଲ ଠାରୁ ହାଇ ସ୍କୁଲ ଯାଏ ବିଭିନ୍ନ ସ୍କୁଲରେ ଛତ୍ରୀଛାତ୍ର ନିର୍ଯ୍ୟାତନା ର ଶିକାର ହେଉଛନ୍ତି।ଶିକ୍ଷା କ୍ଷେତ୍ରରେ  ସମସ୍ୟା ଦେଖା ଯାଉଚି। ଆସନ୍ତା କାଲି ଗୁରୁବାର ଗଣ  ଶିକ୍ଷା ମନ୍ତ୍ରୀ  ନିତ୍ୟାନନ୍ଦ ଗଣ୍ଡ କେସିଙ୍ଗା ପରିଦର୍ଶନ ଆସିବାବାର କାର୍ଯ୍ୟକ୍ରମ ରହିଛି।ବିଜେପି କର୍ମୀ ଙ୍କ ମଧ୍ୟରେ ଉସ୍ଛାହ ସହ ତପ୍ତର ଦେଖା  ଦେଉଛି। ଏଥିପାଇଁ ଏକ ଖବରଦାତା ସମ୍ମିଳନୀ ଅନୁଷ୍ଠିତ ହୋଇଥିଲା।ରାଜ୍ୟ ସରକାର ଶିକ୍ଷା ଦାନ ପାଇଁ ନୂତନ ପ୍ରଣାଳୀରେ ଶିକ୍ଷାଦାନ ଦେବା ପାଇଁ ଯୋଜନା କରିବାକୁ ନିଷ୍ପତ୍ତି ନିଆଯାଇଛି। ସମଗ୍ର କେସିଙ୍ଗା ବ୍ଳକରେ ପ୍ରଥମ ରୁ ପଞ୍ଚମ ଯାଏ ୮୯ ସ୍କୁଲ ରେ ପ୍ରାଯ ୭ହଜାର ଛାତ୍ରୀଛାତ୍ର ଅଧ୍ୟୟନ କରୁଛନ୍ତି। ।ସେହିପରି ପ୍ରଥମ ରୁ ଅଷ୍ଟମ ଯାଏ ୩୬ଟି ସ୍କୁଲରେ ୧୩ ହାଜର ୩୦୦ଛତ୍ରୀଛାତ୍ର ପାଠ ପଢୁଛନ୍ତି।  ୩୨ଟି ହାଇ ସ୍କୁଲ ରେ ପ୍ରାୟ ୪ହାଜର ପିଲା ପାଠ ପଢୁଛନ୍ତି।। ଏହି ସବୁ ସ୍କୁଲରେ ଶିକ୍ଷା ଦାନ ଦେବାପାଇଁ  ୪୬୫ଜଣ ଶିକ୍ଷକ ଶିକ୍ଷୟିତ୍ରୀ ଙ୍କୁ ନିଯୁକ୍ତି ଦିଆଯାଇଛି। କିନ୍ତୁ ରାଜ୍ୟ ସରକାର   ଗ୍ରୀଷ୍ମପ୍ରବାହ  ପ୍ରବାହକୁ  ରୁ ଛାତ୍ରୀ ଛାତ୍ର ମାନେ କିପରି ରକ୍ଷା ପାଇବେ ତାହାକୁ ଦୃଷ୍ଟି ରଖି  ସକାଳୁଆ ସ୍କୁଲ  ଖୋଲିବା ପାଇଁ  ନିମ୍ନ ମତେ ସମୟ  ସାରଣୀ ନିର୍ଧାରିତ କରିଛନ୍ତି । ସକାଳ ୬.୩୦ମିଟି ରେ ସ୍କୁଲ ଖୋଲିବ ଓ ୧୦.୩୦ମି ରେ ସ୍କୁଲ ବନ୍ଧରହିବା ପାଇଁ  ଘୋଷଣା କରିଛନ୍ତି।କିନ୍ତୁ ବହୁ ଶିକ୍ଷକ ଶିକ୍ଷୟିତ୍ରୀ ସକାଳ ୮ ଟା ସମୟ ରେ ସ୍କୁଲ ଯାଉଥିବାର ଦେଖିବାକୁ ମିଳୁଛି।
କେତେକ ସ୍କୁଲରେ ପ୍ରଧାନ ଶିକ୍ଷକ ଛାତ୍ରୀ ଛାତ୍ରଙ୍କୁ  ରୋଷେୟା କାମରେ ନିୟୋଜିତ କରୁଛନ୍ତି ତ କେତେକ ସ୍କୁଲ ରେ ଦଶମ ଶ୍ରେଣୀ ର ପିଲାଙ୍କୁ ସ୍କୁଲ ର ବିଭିନ୍ନ କାମ ରେ ନିୟୋଜିତ କାରାଉଛନ୍ତି।ବହୁ ସ୍କୁଲରେ ପ୍ରଧାନ ଶିକ୍ଷକ,ଶିକ୍ଷୟିତ୍ରୀ ସକାଳ ୮ଟା ରେ ମଧ୍ୟ ସ୍କୁଲ ଯାଉଛନ୍ତି।ଯାହାଫଳରେ  ଶିକ୍ଷା ଦାନ କ୍ଷେତ୍ରରେ ଘୋର ସମସ୍ୟା ଦେଖା ଯାଉଛି।ଛାତ୍ରୀ ଛାତ୍ରଙ୍କୁ ମେନୁ ଅନୁସାରେ ମଧ୍ୟାହ୍ନ ଭୋଜନ ଦିଆ ଯାଉ ନାହିଁ।ନିମ୍ନ ମାନର  ମଧ୍ୟାହ୍ନ ଭୋଜନ ଦିଆ ଯାଉଛି।ବହୁ ସ୍କୁଲରେ ଶୌଚାଳୟ ସଫା କରା ଯାଉ ନ ଥିବାରୁ ଦୁର୍ଗନ୍ଧ  ହେଉଛି।ପାନୀୟଜଳ ର ସମସ୍ୟା ରହୁଛି।ରୋଷେୟା ସାମଗ୍ରୀର ଅଭାବ ମଧ୍ୟ ରହୁଛି।ଏହି ସବୁ ସମସ୍ୟାକୁ ତଦନ୍ତ କରିବା ପାଇଁ   ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ଏବଂ ସି.ଆର. ସି.ଙ୍କୁ  ନିଯୁକ୍ତି ଦିଆଯାଇଛି ।କିନ୍ତୁ କେତେକ ସି ଆର ସି,ନିଜ ଘୋରେଇ କାମରେ ରହି ସ୍କୁଲ ପରିଦର୍ଶନ କରୁ ନାହାନ୍ତି।କେତେକ ସି ଆର ସି ନିର୍ଧାରିତ ସମୟରେ ସ୍କୁଲ ପରିଦର୍ଶନ କରୁ ନାହାନ୍ତି।ଯାହାଫଳରେ ଏହି ସମସ୍ୟା ଦେଖା ଯାଉଛି।

ଆଶ୍ରମରେ ଗୁଡ଼ିକରେ  ଛାତ୍ରୀଛାତ୍ରଙ୍କୁ ମଧ୍ୟାହ୍ନ ଭୋଜନରେ ମେନୁ ହିସାବରେ ଖାଦ୍ୟ ଦିଆ ଯାଉ ନାହିଁ। ଏଥିପାଇଁ ରାଜ୍ୟ ସରକାର ଙ୍କ ଗଣ ଶିକ୍ଷା ମନ୍ତ୍ରୀ କେସିଙ୍ଗା  କୁ ପରିଦର୍ଶନ ଆସୁଥିବାରୁ ଏହି ସମସ୍ୟା  ପ୍ରତି ଦୃଷ୍ଟି ଦେବା ପାଇଁ ଜନସାଧାରଣରେ ଦାବି ହେଉଛି। ଏ ସଂକ୍ରାନ୍ତରେ କେସିଙ୍ଗା ଗୋଷ୍ଠୀ ଶିକ୍ଷା ଅଧିକାରୀ ଆନନ୍ଦ କୁମାର ବେହେରା ଙ୍କୁ ପଚାରିବାରୁ ଯେଉଁ ସ୍କୁଲରେ ଅବ୍ୟସ୍ଥା ରହିଛି,କିମ୍ବା ଯେଉଁ ସିଆରସି ଠିକ ଟାଇମ ରେ ସ୍କୁଲ ପରିଦର୍ଶନ ନ କରିବ ,ଯେଉଁ ସ୍କୁଲରେ ଛାତ୍ରୀଛାତ୍ରଙ୍କୁ କାମରେ ନିୟୋଜିତ  କାରାଉଛନ୍ତି, ସେହି ସ୍କୁଲର ପ୍ରଧାନଶିକ୍ଷକଙ୍କ ନାମରେ କଡା କାର୍ଯ୍ୟାନୁଷ୍ଠାନ ନିଆ ଯିବ ବୋଲି ପ୍ରକାଶ କରିଥିଲେ।