09-Apr-2025

ବଲାଙ୍ଗୀର, ଆଜି ସଂଧ୍ୟାରେ ବଲାଙ୍ଗୀର ଜିଲ୍ଲା ପୁଇଁନ୍ତଳା ବ୍ଲକ ଗାଇଁନ୍ତଳା ଗ୍ରାମ ବୀଣାପାଣୀ ଶିକ୍ଷାସୌଧ ପରିସରରେ ଛାତ୍ରଛାତ୍ରୀ ତଥା ଅଂଚଳର ଲୋକଙ୍କ ମଧ୍ୟରେ ସ୍ଥାନୀୟ ଲୋକନୃତ୍ୟର ବିକାଶ ତଥା ପ୍ରଚାର ପ୍ରସାର ପାଇଁ କୋଶଳ ଫୋକ୍ ଏକାଡେମୀ ଆନୁକୂଲ୍ୟରେ ତଥା ରାଜ୍ୟ ଭାଷା ସାହିତ୍ୟ ସଂସ୍କୃତି ବିଭାଗ ସହାୟତାରେ ଲୋକକଳା ଉତ୍ସବ-୨ଠ୨୫ ଉଦ୍‌ଘାଟିତ ହୋଇଯାଇଛି। ଦୁଇଦିନ ଧରି ଚାଲିବାକୁ ଥିବା ଏହି ଉତ୍ସବର ପ୍ରଥମ ଦିବସରେ କଳାକାର ମାନଙ୍କ ଦ୍ୱାରା ଆଦିବାସୀ ଓ ଲୋକନୃତ୍ୟ ପରିବେଷଣ ହୋଇଥିଲା । ଏହି ଅବସରରେ ଅନୁଷ୍ଠିତ ସଭାରେ କୋଶଳ ଫୋକ୍ ଏକାଡେମୀର ସଂପାଦକ ନବଘନ ଦାସ ସଭାପତିତ୍ୱ କରିଥିଲେ । ଏହି ଉତ୍ସବରେ ମୁଖ୍ୟ ଅତିଥି ଭାବରେ ବଲାଙ୍ଗୀରର ବରିଷ୍ଠ କଳାକାର ତଥା ବିଦ୍ୟାଳୟର ପରିଚାଳନା ନିର୍ଦ୍ଦେଶକ ଅଶୋକ କୁମାର ମେହେର ଯୋଗ ଦେଇ ଆଂଚଳିକ ନୃତ୍ୟର ବିକାଶ ଦିଗରେ କଳାକାର ଓ କଳାପ୍ରେମୀ ମାନେ କାର୍ଯ୍ୟ କରିବା ଉଚିତ ବୋଲି ପରାମର୍ଶ ଦେଇଥିଲେ । କାର୍ଯ୍ୟକ୍ରମକୁ ସଫଳ କରିବାରେ ଶିକ୍ଷକ ମିତ୍ରଭାନୁ ସାହୁ, ମାନସ ପ୍ରଧାନ, ସଙ୍ଗୀତା ମିର୍ଦ୍ଧା ଓ ବିଦ୍ୟାଳୟର ଅନ୍ୟ କର୍ମଚାରୀ ସହଯୋଗ କରିଥିଲେ ।