09-Apr-2025

ବିନିକା(ହିମାଂଶୁ ଶେଖର ପୁଟେଲ)ବିନିକା ବ୍ଲକ ଅନ୍ତର୍ଗତ ଫୁଲମୁଠି ସରକାରୀ ପ୍ରାଥମିକ ବିଦ୍ୟାଳୟର ବାର୍ଷିକ ଉତ୍ସବ ବୁଧବାର ଅନୁଷ୍ଠିତ ହୋଇଯାଇଛି।ପ୍ରଧାନ ଶିକ୍ଷକ ରାମଚନ୍ଦ୍ର ପୂଜାରୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଉତ୍ସବରେ ମୁଖ୍ୟଅତିଥି ଭାବେ ଅତିରିକ୍ତ ଶିକ୍ଷା ଅଧିକାରୀ ସସ୍ମିତା ପଟ୍ଟନାୟକ,ମୁଖ୍ୟବକ୍ତା ଅବସରପ୍ରାପ୍ତ ଶିକ୍ଷକ ପ୍ରସନ୍ନ ରଥ,ସମ୍ମାନିତ ଅତିଥି ମା ମାହେଶ୍ୱରୀ ସ୍କୁଲର ପ୍ରଧାନ ଶିକ୍ଷକ ନିତେଇ ପୁଝାରୀ,ସୁବର୍ଣ୍ଣପୁର ଜିଲ୍ଲା ସିଆରସିସି ସଂଘ ସଭାପତି ଜୟନାରାୟଣ ପୁଝାରୀ,ସାମ୍ବାଦିକ ହିମାଂଶୁ ଶେଖର ପୁଟେଲ,ସ୍କୁଲ ପରିଚାଳନା କମିଟି ସଭାପତି ବୃନ୍ଦାବନ ଦାଶ ପ୍ରମୁଖ ଯୋଗଦେଇ ପୂର୍ବର ଶିକ୍ଷା ବ୍ୟବସ୍ଥାରେ ସରକାର ପରିବର୍ତନ ଆଣି ବର୍ତ୍ତମାନ ଛାତ୍ରଛାତ୍ରୀଙ୍କ ପାଇଁ ଆନନ୍ଦମୟ ଶିକ୍ଷା ଦିଗରେ ଗୁରୁତ୍ତ୍ଵ ଦେଇଛନ୍ତି ।ତେଣୁ ଅଧ୍ୟୟନ କରୁଥିବା ସମସ୍ତ ଛାତ୍ରଛାତ୍ରୀ ଏହାର ଫାଇଦା ନେବା ସହିତ ଅଧିକରୁ ଅଧିକ ଶିଶୁ ଯେପରି ସ୍କୁଲ ମୁହାଁ ହେବେ ସେଥିପ୍ରତି ଅଭିଭାବକ/ଅଭିଭାବିକା ଦୃଷ୍ଟି ଦେବା ଆବଶ୍ୟକ ବୋଲି ମତବ୍ୟକ୍ତ କରିଥିଲେ ।ଏହି ଅବସରରେ ଖେଳକୁଦ,ନାଚ,ଗୀତ,ଗଳ୍ପ,ସୃଜନ ଶିଲତା,ଚିତ୍ରାଙ୍କନ ଆଦି କ୍ଷେତ୍ରରେ ଅନୁଷ୍ଠିତ ପ୍ରତିଯୋଗିତାରେ କୃତକାର୍ଯ୍ୟ ହୋଇଥିବା ୮୧ଜଣଙ୍କୁ ଅତିଥି ମାନେ ମାନପତ୍ର ଦେଇ ସମ୍ମାନିତ କରିଥିଲେ ।କାର୍ଯ୍ୟକ୍ରମରେ ଶିକ୍ଷୟତ୍ରୀ ରାତ୍ର ହାତଖୁଜିଆ ବାର୍ଷିକ ବିବରଣୀ ପଠନ କରିଥିବା ବେଳେ ଶେଷରେ କନିଷ୍ଠ ଶିକ୍ଷୟତ୍ରୀ ପ୍ରଶାନ୍ତି ସେଠୀ ଧନ୍ୟବାଦ ଅର୍ପଣ କରିଥିଲେ।ପରେ ଛାତ୍ରଛାତ୍ରୀ ମାନଙ୍କ ଦ୍ଵାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ହୋଇଥିଲା।