09-Apr-2025

ତୁରେକେଲା(କୈଳାସ ସଗ୍ରିଆ):  ବଲାଙ୍ଗିର ଜିଲ୍ଲା ତୁରେକେଲା ବ୍ଲକ ଯୁବାମାଲ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ଗତ ମଙ୍ଗଳବାର ଦିନ ବାର୍ଷିକ ଉତ୍ସବ ପାଳିତ ହୋଇଯାଇଛି। ଆମ ଖେଳଣା ଆମ ସଂସ୍କୃତି କର୍ମଶାଳା ଉତ୍ସବ"  ରାଜ୍ୟ ସରକାରଙ୍କ ନିର୍ଦେଶାନୁ କ୍ରମେ ତଥା ପ୍ରଧାନଶିକ୍ଷୟିତ୍ରୀ ସବିତା କୁମ୍ଭାରଙ୍କ ତତ୍ୱାବଧାନରେ କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି।
ଉକ୍ତ ଉତ୍ସବରେ ସମ୍ମାନୀତ ଅତିଥି ଭାବରେ ସାଲେମୁଡ଼ଗା କ୍ଲଷ୍ଟର ର ସିଆରସିସି  ମୋହନ ବରିହା, କନ୍ଦେଇ ଉନ୍ନୀତ ଉଚ୍ଚ ବିଦ୍ୟାଳୟର ବିଜ୍ଞାନ ଶିକ୍ଷକ ସୁରେଶ କୁମାର ନାୟକ, ମାଝୀପଡ଼ା ପ୍ରାଥମିକ ବିଦ୍ୟାଳୟର ପ୍ରଧାନଶିକ୍ଷକ ପ୍ରସନ୍ନ କୁମାର ଲୁହା ପ୍ରମୂଖ ଉପସ୍ଥିତ ଥିଲେ। ଅନ୍ୟମାନଙ୍କ ମଧ୍ୟରେ ଯୁବାମାଲ ସ୍କୁଲର ସମସ୍ତ ଶିକ୍ଷକଶିକ୍ଷୟିତ୍ରୀ, ରାଜକିଶୋର ବାରିକ ସହକାରୀ ଶିକ୍ଷକ, ଶ୍ରୀମତୀ ସଞ୍ଜୁ ପଟେଲ ସହକାରୀ ଶିକ୍ଷୟିତ୍ରୀ, ସ୍ଥିତିପ୍ରଜ୍ଞା ସ୍ୱାଇଁ (ଜୁନିଅର ଟିଚର ସ୍କିମାଟିକ), ଚେତସ୍ୱିନୀ ନାଏକ (ଜୁନିଅର ଟିଚର ସ୍କିମାଟିକ) ଏବଂ ସ୍କୁଲ ପରିଚାଳନା କାମିଟି ର ସଭାପତି ପ୍ରଫୁଲ୍ଲ ହାତୀ ସମେତ ସମସ୍ତ ସଦସ୍ୟ ତଥା ଅବିଭାବକ ଅବିଭାବିକା, ମାତାପିତା ଓ ସମସ୍ତ ଛାତ୍ରଛାତ୍ରୀ ପ୍ରମୂଖ ଉପସ୍ଥିତ ଥିଲେ । ପ୍ରଥମେ ସମସ୍ତ ମୁଖ୍ୟ ଅଥିତିଙ୍କୁ ଫୁଲମାଳ ଉପଢୌକନ ଦେଇ ସ୍ୱାଗତ ସମ୍ବର୍ଦ୍ଧନା, ସମ୍ମାନୀତ କରାଯାଇଥିଲା ଓ ଛାତ୍ରଛାତ୍ରୀ ମାନଙ୍କ ଦ୍ୱାରା ସ୍ବାଗତଂ ଗୀତରେ ନୃତ୍ୟପରିବେଷଣ କରା ଯାଇଥିଲା । ଏହି ବାର୍ଷିକ ଉତ୍ସବ ଓ ଆମ ଖେଳଣା ଆମ ସଂସ୍କୃତି କର୍ମଶାଳା ଉତ୍ସବ ଶୁଭାରମ୍ଭ ରେ ସମସ୍ତ ଅତିଥି ମାନଙ୍କ ଦ୍ୱାରା ସର୍ବପ୍ରଥମେ ମାଆ ବୀଣାପାଣି ଓ ବିଘ୍ନ ବିନାଶକ ଗଣେଷଙ୍କ ଫୋଟୋରେ ଧୂପ ଦୀପ ଦେଇ ପୂଜାର୍ଚନା କରାଯାଇଥିଲା | ଉତ୍ସବର ପ୍ରାରମ୍ଭରେ ପ୍ରଧାନ ଶିକ୍ଷୟିତ୍ରୀ ସବିତା କୁମ୍ଭାର ବାର୍ଷିକ ଉତ୍ସବ ଓ ଆମ ଖେଳଣା ଆମ ସଂସ୍କୃତି ର ଲକ୍ଷ୍ୟ ଉଦ୍ଦେଶ୍ୟ ବିଷୟରେ ସମସ୍ତ ଙ୍କୁ ତାଙ୍କ ଅବିଭାଷଣ ପୁ୍ଖାନୁପୁଙ୍ଖ ପ୍ରାଞ୍ଜଳ ଭାବରେ ବୁଝାଇଥିଲେ ଏବଂ କହିଥିଲେ ଯେ ରାଜ୍ୟ ସରକାରଙ୍କର ଏହା ଏକ ଯୁଗାନ୍ତକାରୀ ପଦକ୍ଷେପ ଓ ସ୍ୱାଗତ ଯୋଗ୍ୟ ଏହି ଭଳି ବିଭିନ୍ନ କାର୍ଯ୍ୟକ୍ରମ କରିବା ଦ୍ୱାରା ଛାତ୍ର ଛାତ୍ରୀ ମାନଙ୍କର ପ୍ରତିଭା ଜାଣି ହେବ, ଚିହ୍ନଟ ହେବ ଏବଂ ଉପଯୁକ୍ତ ସାହାଯ୍ୟ ସୁଯୋଗ, ପର୍ଯ୍ୟାପ୍ତ ସୁବିଧା ମିଳିଲେ ଛାତ୍ର ଛାତ୍ରୀ ମାନେ ନିହାତି ଭାବରେ ତାଙ୍କର ଭବିଷ୍ୟତ ଜୀବନରେ ଯେକୌଣସି ସ୍ଥାନରେ ପ୍ରଦର୍ଶନ କରିପାରିବେ ବୋଲି ଆସ୍ଥା ପ୍ରକଟ କରିଥିଲେ।
ଏହା ପରେ ଶ୍ରୀମତୀ ସଞ୍ଜୁ ପଟେଲ ବାର୍ଷିକ ବିବରଣୀ ପଠନ କରିଥିଲେ ଓ ସ୍ଥିତିପ୍ରଜ୍ଞା ସ୍ୱାଇଁ ମଞ୍ଚ ପରିଚାଳନା କରିଥିଲେ।ଏହି ଭଳି ଜଣେ ପରେ ଜଣେ ସମସ୍ତ ଅତିଥି ନିଜର ନିଜର ଅବିଭାଷଣ ମାଧ୍ୟମରେ ବକ୍ତବ୍ୟ ରଖି ସମସ୍ତ ଛାତ୍ରଛାତ୍ରୀ ଅଭିଭାବକ ମାନଙ୍କୁ ଉତ୍ସାହିତ କରିବା ଭଳି ପ୍ରେରଣାଦାୟୀ ମୂଲ୍ୟବାନ ପରାମର୍ଶ ପ୍ରଭୃତୀ ଦେଇଥିଲେ।ଏହା ପରେ ଛାତ୍ର ଛାତ୍ରୀ ମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ହୋଇଥିଲା l ଛାତ୍ରଛାତ୍ରୀଙ୍କ ଆମ ଖେଳଣା ଆମ ସଂସ୍କୃତି ନିମନ୍ତେ ହାତ ତିଆରି ବିଭିନ୍ନ ସାମଗ୍ରୀ ସମସ୍ତଙ୍କ ଦ୍ୱାରା ପରିଦର୍ଶନ କରା ଯାଇଥିଲା।ପରେ ପୂର୍ବରୁ କରା ଯାଇଥିବା ବିଭିନ୍ନ ପ୍ରତିଯୋଗିତା ଯଥା ଡିବେଟ, ବକୃତା, ରଚନା ଲିଖନ, ଶ୍ରୁତ ଲିଖନ ଚିତ୍ରାଙ୍କନ,ଗୀତ, ନାଚ, ଅଭିନୟ, ଡ୍ରାମା,ଦୌଡ଼, ପୁଚି ଖେଳ, ଅଖା ଡିଆଁ,ରଶି ଡିଆଁ,ମ୍ୟୁଜିକ ଚେୟାର ଇତ୍ୟାଦି ଖେଳରେ ପ୍ରତିଯୋଗିତାରେ ଯେଉଁ ଛାତ୍ରଛାତ୍ରୀ ମାନେ ପ୍ରଥମ, ଦ୍ଵିତୀୟ ଓ ତୃତୀୟ ସ୍ଥାନ ଅଧିକାର କରିଥିଲେ ସେମାନଙ୍କୁ ସମ୍ମାନୀତ ଅତିଥି ମାନଙ୍କ ଦ୍ୱାରା ପୁରସ୍କୃତ କରାଯାଇଥିଲା।ଶେଷରେ ଚେତସ୍ୱିନୀ ନାଏକ ସମସ୍ତଙ୍କୁ ଧନ୍ୟବାଦ ଜଣାଇ ଥିଲେ ।ଓ ଉକ୍ତ ଉତ୍ସବକୁ ସମାପନ ଘୋଷିତ କରା ଯାଇଥିଲା ।