09-Apr-2025

    ବରଗଡ଼:(ନିରଞ୍ଜନ ତ୍ରିପାଠୀ)- ପରିଚାଳନା କମିଟି ସଭାପତି ଡା:ଦିଲ୍ଲୀପ କୁମାର ପଣ୍ଡା ଙ୍କ ସଭାପତିତ୍ୱ ରେ ଅନୁଷ୍ଠିତ  ଉତ୍ସବରେ ମାନ୍ୟବର ବରଗଡ଼ ବିଧାୟକ  ଅଶ୍ୱିନୀ କୁମାର ଷଡ଼ଙ୍ଗୀ ମୁଖ୍ୟ ଅତିଥି ଭାବେ ଯୋଗଦେଇ  ବାପୁଜୀ ସ୍ୱତନ୍ତ୍ର ବିଦ୍ୟାଳୟ ଅନ୍ତର୍ଗତ ବଧିର ବିଦ୍ୟାଳୟରେ ଅଷ୍ଟମ ଶ୍ରେଣୀ ର ଶୁଭ ଉଦଘାଟନ କରିବା ସହିତ ୨୦୨୪-୨୫  ବର୍ଷ ନିମନ୍ତେ ତିନି ବିଦ୍ୟାଳୟ ର  ଜଣେ ଲେଖାଏଁ ପ୍ରତିଭା ସମ୍ପନ୍ନ ଛାତ୍ର ଛାତ୍ରୀ ଙ୍କୁ ଦେବହୁତୀ ସ୍ମୃତି ସମ୍ମାନ  ପ୍ରଦାନ କରିଛନ୍ତି। ଅନିତା ବରିହା, ଅବିନାଶ ଭୁଏ ଓ ଆକାଶ ମେହେର ଙ୍କୁ  ଏହି ସମ୍ମାନ ପ୍ରଦାନ କରାଯାଇଛି। ପ୍ରତ୍ୟେକ ଙ୍କୁ ମାନପତ୍ର, ଟ୍ରଫି ସହ ଦୁଇହଜାର ନଗଦ ରାଶି ପ୍ରଦାନ କରି ସମ୍ବର୍ଦ୍ଧିତ କରାଯାଇଥିଲା। ରାଜ୍ୟପାଳ ତଥା ରାଷ୍ଟ୍ରପତି ପୁରସ୍କାର ପାଇଥିବା ଅବସରପ୍ରାପ୍ତ ପ୍ରଧାନ ଶିକ୍ଷକ ଗୌର ଚନ୍ଦ୍ର ଭୋଇ ଙ୍କ ପକ୍ଷରୁ ୨୦୨୧ ମସିହା ଠାରୁ ତାଙ୍କ ଧର୍ମପତ୍ନୀ ସ୍ବର୍ଗତା ଦେବହୁତୀ ଭୋଇ ଙ୍କ ସ୍ମୃତି ରକ୍ଷା ନିମନ୍ତେ ଏହି ସ୍ମୃତି ସମ୍ମାନ ପ୍ରଦାନ କରାଯାଉଅଛି। କାର୍ଯ୍ୟକାରୀ ସଭାପତି ସୌଭାଗ୍ୟ ରଞ୍ଜନ ନାୟକ. ସମ୍ପାଦକ ଇଂ ଅରୁଣ କୁମାର ହୋତା, ଶିକ୍ଷବିତ ଗୌରଚନ୍ଦ୍ର ଭୋଇ, ପ୍ରଧାନ ଶିକ୍ଷକ ମେଘନାଦ ସାହୁ, କିଶୋର ଚନ୍ଦ୍ର ସାହୁ ଓ ଅଭୟ କୁମାର ପଧାନ ମଂଚାସୀନ ଥିଲେ। ଗୌର ଚନ୍ଦ୍ର ଭୋଇ ଙ୍କ ପୁତ୍ର ମାଧବ  ସପତ୍ନୀକ ଉପସ୍ଥିତ ଥିଲେ.।  ବରିଷ୍ଠ କମିଟି ସଦସ୍ୟ ସମାରୁ ପଧାନ, ଅଶୋକ ପ୍ରଧାନ, ମନୋରଞ୍ଜନ ସାହୁ, ପୂର୍ବତନ ସମ୍ପାଦକ ତଥା ସଦସ୍ୟ ରବିନାରାୟଣ ସାହୁ, ମନୋରଞ୍ଜନ ସାହୁ କାର୍ଯ୍ୟକ୍ରମ ରେ ଉପସ୍ଥିତ ଥିଲେ।  ମୁଖ୍ୟ ଅତିଥି ଏହି ବିଦ୍ୟାଳୟ କୁ ଏକ ଅଗ୍ରଣୀ ଆଦର୍ଶ ଅନୁଷ୍ଠାନ ରେ ପରିଣତ କରିବା ସହଆଗାମୀ ଦିନରେ ହାଇସ୍କୁଲ ଖୋଲିବା ପାଇଁ ନିଜେ ପଦକ୍ଷେପ ନେବେ ବୋଲି ସୂଚନା ଦେବା ସହ ସମସ୍ତଙ୍କର  ସହଗୋଗ କାମନା କରିଥିଲେ। ବିଦ୍ୟାଳୟ ର ଭିତ୍ତିଭୂମି ର ବିକାଶ ସହ ସମସ୍ତ ପ୍ରକାର ସାହାଯ୍ୟ ଓ ସହଯୋଗ ପ୍ରଦାନ କରିବାକୁ ଦୃଢ଼ ପ୍ରତିଶୃତି ଦେଇଥିଲେ।  ସଂଗୀତ ଶିକ୍ଷକ ଅମରେଶ ଚନ୍ଦ୍ର ବାରିକ ଓ କାମଦେବ ବେହେରା ଙ୍କ ସହଯୋଗରେ ଛାତ୍ରୀ ମାନେ ସ୍ୱାଗତ ସଂଗୀତ ଗାନ କରଥିଲେ। ସମ୍ପାଦକ ଅରୁଣ କୁମାର ହୋତା ଅତିଥି ପରିଚୟ, କିଶୋର ଚନ୍ଦ୍ର ସାହୁ ଉଦ୍ଦେଶ୍ୟ ଜ୍ଞପନ  କରିଥିବା ବେଳେ ଅଭୟ କୁମାର ପଧାନ ଧନ୍ୟବାଦ ଅର୍ପଣ କରିଥିଲେ। ଅଭିଵାବକ, ଶିକ୍ଷକ ଶିକ୍ଷୟତ୍ରୀ, ଛାତ୍ରବାସ  କର୍ମଚାରୀ ଓ ପରିଚାଳନା କମିଟି ର ଏକ ମିଳିତ ବୈଠକ ଉତ୍ସବ ପୂର୍ବରୁ ଅନୁଷ୍ଠିତ ହୋଇଥିଲା। ଏଥିରେ ଜିଲ୍ଲା ସାମାଜିକ ସୁରକ୍ଷା ଅଧିକାରୀ ବରଗଡ଼ ଶ୍ରୀଯୁକ୍ତ ତlହିର ହୁସେନ  ଯୋଗଦେଇ ନିଜର ସୁ ଚିନ୍ତିତ ପରାମର୍ଶ ପ୍ରଦାନ କରିଥିଲେ। ଏହି ବୈଠକରେ ବହୁ ଗୁରୁତ୍ୱପୁର୍ଣ୍ଣ ବିଷୟଗୁଡିକ ଉପରେ ବିଷଦଭାବେ ଆଲୋଚନା କରାଯାଇଥିଲା।