05-Apr-2025

ବୌଦ୍ଧ,.୦୫l ୦୩ (ପ୍ରେରଣା ଖବର ) : ବୌଦ୍ଧ ଜିଲ୍ଲା ଅନ୍ତର୍ଗତ ଦହ୍ୟା ପିଏମ୍ ଶ୍ରୀ ନୋଡାଲ ଉଚ୍ଚ ବିଦ୍ୟାଳୟର ଜୁନିଅର ରେଡ଼କ୍ରସ୍ ଆନୁକୁଲ୍ୟରେ ପ୍ରାଥମିକ ଚିକିତ୍ସା ତାଲିମ ଶିବିର ଅନୁଷ୍ଠିତ ହୋଇଯାଇଛି। ପ୍ରଧାନ ଶିକ୍ଷୟିତ୍ରୀ ରାଜେଶ୍ୱରୀ ସ୍ୱାଇଁ କାର୍ଯ୍ୟକ୍ରମକୁ ଉଦ୍ଘାଟନ ସହ ସଭାପତିତ୍ବ କରିଥିଲେ।ଏହି କାର୍ଯ୍ୟକ୍ରମରେ ରାଜ୍ୟ ରେଡ଼କ୍ରସ୍ ସାଧନକର୍ମୀ ରାମ ନାରାୟଣ ଦାସ, ବଲାଙ୍ଗୀର ଜିଲ୍ଲା ରେଡକ୍ରସ ସାଧନା କର୍ମୀ ପ୍ରଭାକର ଛନ୍ଦ ଓ ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ଜୁନିଅର ରେଡକ୍ରସ୍ ସଂଯୋଜକ ବନମାଳୀ ମେହେର ସାଧନ କର୍ମୀ ଭାବେ ଯୋଗଦେଇ ଛାତ୍ରଛାତ୍ରୀ ମାନଙ୍କୁ ତାଲିମ ପ୍ରଦାନ କରିଥିଲେ। ହଠାତ୍ ମୂର୍ଚ୍ଛା ହେବା,ସାପ କାମୁଡା,ଏବଂ ନିଆଁ ରୁ ରକ୍ଷା ପାଇବା ପାଇଁ ପ୍ରତିରକ୍ଷାତ୍ମକ ବ୍ୟବସ୍ଥା ତଥା ହାଡ଼ ଭଙ୍ଗା,ମୁଣ୍ଡ ଫଟା,ରକ୍ତସ୍ରାବ ର ତତ୍କାଳ ଚିକିତ୍ସା ଓ ବ୍ୟବସ୍ଥା ସମ୍ପର୍କରେ ଛାତ୍ରଛାତ୍ରୀମାନଙ୍କୁ  ସୂଚନା ପ୍ରଦାନ କରାଯାଇଥିଲା।କାର୍ଯ୍ୟକ୍ରମକୁ ଶିକ୍ଷକ ରାକେଶ କୁମାର ସାହୁ ସଂଯୋଜନା କରିଥିଲେ।ଶିକ୍ଷକ ବିରେନ୍ଦ୍ର କୁମାର ପ୍ରଧାନ,ସ୍ଵାଧୀନ ରାଜହଂସ, ଅଶେଷ କୁମାର ନାୟକ,ସୌମିତ୍ରି ପ୍ରଧାନ, ଶିକ୍ଷୟିତ୍ରୀ ପ୍ରଗତିବାଲା ମଲ୍ଲିକ, ଅନିତା ମିଞ୍ଜ,ଶିକ୍ଷକ ରମେଶ ରଞ୍ଜନ ସେଠୀ,ସିଦ୍ଧାନ୍ତ ପ୍ରଧାନ,ପ୍ରଶାନ୍ତ ମିଶ୍ର,ପ୍ରକାଶ ଡାଙ୍ଗ,ହେମକାନ୍ତ ମେହେର ,ରଶ୍ମି କିଶାନ,ସରସିବାଲା ପ୍ରଧାନ,ଉମେଶ ମେହେର,ଚିତ୍ତରଞ୍ଜନ ମେହେର,ଗୋବର୍ଦ୍ଧନ ମଲ୍ଲିକ,ସତ୍ୟ ଦଣ୍ଡିଆ ସମେତ ସମସ୍ତ କର୍ମଚାରୀ ଓ ଛାତ୍ରଛାତ୍ରୀମାନେ ଉକ୍ତ କାର୍ଯ୍ୟକ୍ରମରେ ପୂର୍ଣ୍ଣ ସହଯୋଗ କରିଥିଲେ ।ପରିଶେଷରେ  ବିଦ୍ୟାଳୟର ଜୁନିଅର ରେଡକ୍ରସ୍ ପରାମର୍ଶଦାତା ସୁଶାନ୍ତ ଵେଜୀ ଧନ୍ୟବାଦ ଅର୍ପଣ କରିଥିଲେ।