25-Sep-2020

ଗ୍ରାମାଞ୍ଚଳ ଭାରତ ବନ୍ଦ ଉପଲକ୍ଷେ ଏଆଇକେକେଏମ୍‌ଏସ୍ ତରଫରୁ ରାଲି ଓ ପଥପ୍ରାନ୍ତ ସଭା
ବଲାଙ୍ଗୀର,୨୫.୦୯.୨୦୨୦- ଚାଷୀ ଉତ୍ପାଦନର ବାଣିଜ୍ୟ କାରବାର ପ୍ରୋତ୍ସାହନ ଓ ସୁଗମୀକ ବିଲ ୨୦୨୦ ଉତ୍ପାଦନ ଦର ସ୍ୱିକୃତି ଉପରେ କୃଷକର ରାଜିନାମା ବିଲ ୨୦୨୦, ଅତ୍ୟାବସ୍ୟକ ସାମଗ୍ରୀ (ସଂଶୋଧନ) ବିଲ ୨୦୨୦, ଚୁକ୍ତି ଚାଷ ଅଧ୍ୟାଦେଶ ୨୦୨୦ ପ୍ରତ୍ୟାହାର, ବିଦ୍ୟୁତ ବିଲ ୨୦୨୦ ଅଧ୍ୟାଦେଶ ପ୍ରତ୍ୟାହାର ଏବଂ ପେଟ୍ରୋଲ ଡିଜେଲର ମୁଲ୍ୟବୃଦ୍ଧି ବନ୍ଦ କରିବା ଦାବୀରେ ସର୍ବ ଭାରତୀୟ ବନ୍ଦ ଅବସରରେ ଅଲ ଇଣ୍ଡିଆ କୃଷକ କ୍ଷେତ ମଜଦୁର ସଂଗଠନ ଏଆଇକେକେଏମ୍‌ଏସ୍  ବଲାଙ୍ଗିର ଶାଖା ତରଫରୁ ଜିଲ୍ଲାର ବିଭିନ୍ନ ବ୍ଲକମାନଙ୍କରେ ସଭା, ବିକ୍ଷୋଭ ଅନୁଷ୍ଠିତ ହୋଇଯାଇଛି । ଦେଓଗାଁ ବ୍ଲକର ରତାଖଣ୍ଡି, ଗୁଡଭେଳା ବ୍ଲକର ତେନ୍ତୁଳିଖୁଣ୍ଟି, ବେଲପଡା ବ୍ଲକର କୟସାପଲା, କତ୍ରିଟାଲ, ବେହେରାମୁଣ୍ଡା ଓ ପାଟଣାଗଡ ବ୍ଲକର ବରବାହାଲ ଗ୍ରାମରେ ରାଲି ଜରିଆରେ କେନ୍ଦ୍ର ସରକାରଙ୍କର ଚାଷୀ ମାରଣ ନୀତି ପୁଞ୍ଜିପତି ତୋଷଣ ନୀତି ବିରୁଦ୍ଧରେ ଦୃଢ ପ୍ରତିବାଦ କରାଯାଇଛି । ଏହି ସବୁ ଚରମ ଜନ ବିରୋଧି ବିଲ ଯୋଗୁଁ କେବଳ ଚାଷ ସର୍ବସ୍ୱାନ୍ତ ହେବ ନାହିଁ ସମଗ୍ର ଜନସାଧାରଣ ଆର୍ଥିକ ଶୋଷଣର ଶିକାର ହେବେ । ଚାଷୀ ଓ ଚାଷର କଷ୍ଟାଜିତ ଫସଲ ସବୁ କଂମ୍ପାନୀ ଓ ବଡବଡ ବ୍ୟବସାୟୀଙ୍କର ଏକ ଚାଟିଆ ଅଧିକାରରେ  ପରିଣତ ହେବ । ତେଣୁ ସବୁ ଜନ ବିରୋଧି ପଦକ୍ଷେପ ତୁରନ୍ତ ପ୍ରତ୍ୟହାର କରିବା ଦରକାର । ଏହି ସବୁ କାର୍ଯ୍ୟକ୍ରମ ଜିଲ୍ଲା ସଂଯୋଜକ ହୃଦାନନ୍ଦ କରୁଁଆ, ମଧୁ ସୁଦନ ବାଗ, ରାଜେନ୍ଦ୍ର ରଣା, ସୁନିଲ ଭୋଇ, ହୃଷିକେଶ ବୁଡେକ, ପିତାମ୍ବର ପଧାନ,  ଫକିର ସାହୁ, ତୁଷାର ହିନ୍ନା, ରେଣୁ ମଲ୍ଲିକ, ଆନନ୍ଦ ପୁଟେଲ, ଡୋଳାମଣି ରଣା ନେତୃତ୍ୱ ନେଇଥିଲେ ।