07-Apr-2025

ଅମ୍ବାଭୋନା (ପ୍ରକାଶ ଚନ୍ଦ୍ର ରଥ )ବରଗଡ ଜିଲ୍ଲା ଅମ୍ବାଭୋନା ବ୍ଲକ ଅନ୍ତର୍ଗତ ପଶ୍ଚିମ ଓଡିଶା ର ପ୍ରସିଦ୍ଧ ଅଷ୍ଟଶମ୍ଭୁ ଶୈବ ପୀଠ ବାବା କେଦାରନାଥ ଙ୍କ ମନ୍ଦୀର ପରିସରରେ ସ୍ୱଚ୍ଛତା ଅଭିଯାନ ଅନୁଷ୍ଠିତ ହୋଇଯାଇଛି। କେନ୍ଦ୍ର ସରକାର ଓ ରାଜ୍ୟ ସରକାର ଙ୍କ ମିଳିତ ଉଦ୍ୟମ ରେ ଏପ୍ରିଲ ୧ ତାରିଖ ରୁ ଆରମ୍ଭ ହୋଇ ଏପ୍ରିଲ ୧୪ ତାରିଖ ପର୍ଯ୍ୟନ୍ତ ବିଭିନ୍ନ ସଚେତନତା କାର୍ଯ୍ୟକ୍ରମ ମାଧ୍ୟମରେ ଓଡ଼ିଆ ପକ୍ଷ ପାଳନ ସହିତ ସ୍ୱଚ୍ଛତା ଅଭିଯାନ କରାଯାଉଛି।ବରଗଡ ପ୍ରଶାସନ ତରଫରୁ ଅମ୍ବାଭୋନା ବ୍ଲକ ଅଧୀନରେ ଥିବା ବିଭିନ୍ନ ଦେବାଳୟ ମାନଙ୍କ ରେ ଗୋଷ୍ଠୀ ଉନ୍ନୟନ ଅଧିକାରୀ ଡ. ଲଳିତ ବାଗ ଙ୍କ ନିର୍ଦେଶ କ୍ରମେ ସ୍ୱଚ୍ଛତା ଅଭିଯାନ କରାଯାଇଛି। ଏହି ଅବସରରେ ବାବା କେଦାରନାଥ ଙ୍କ ମନ୍ଦୀର ପରିସରରେ ମନ୍ଦୀର ଟ୍ରଷ୍ଟ ର ସଭାପତି ତଥା ଅମ୍ବାଭୋନା ସରପଞ୍ଚ ପ୍ରତିନିଧି ଗଜେନ୍ଦ୍ର ଦାସ, ବ୍ଲକ କର୍ମଚାରୀ,ସି ଆର ପି, ସ୍ୱୟଂ ସହାୟକ ଗୋଷ୍ଠୀ ଏବଂ ସ୍ବେଛାସେବୀ ଅଭୟ ପଣ୍ଡା, ସୁରେଶ ପଧାନ, ସୁବୋଧ ପଧାନ, ମହେନ୍ଦ୍ର, ଟ୍ରଷ୍ଟି ସଚ୍ଚିଦାନନ୍ଦ ପୁରୋହିତ ଓ ବିଭିନ୍ନ ସଂଗଠନ ମାନଙ୍କ ସହିତ ମିଶି ସ୍ୱଚ୍ଛତା ଅଭିଯାନ ରେ ସାମିଲ ହୋଇ ସହଯୋଗ କରିଥିଲେ।