07-Apr-2025

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲା ପାଇକମାଲ ସଡ଼କପଡା ଠାରେ  ଅନୁଷ୍ଠିତ ହେବାକୁଥିବା  ୨୪ପ୍ରହର ନାମ ଯଜ୍ଞ ନିମନ୍ତେ କଳସ ଶୋଭାଯାତ୍ରା ମହାସମାରୋହରେ ପାଳିତ ହୋଇଯାଇଛି। ସମସ୍ତ ଶ୍ରଦ୍ଧାଳୁ ନିକଟସ୍ଥ ନାଳକୁ ଯାଇ ମାଁଗଙ୍ଗା ଙ୍କୁ ପୂଜାର୍ଚ୍ଚନା କରି କଳସରେ ଜଳପୂର୍ଣ୍ଣକରି ଶତାଧିକ ମହିଳା ଶ୍ରଦ୍ଧାଳୁ କଳସ ଧାରଣ କରି ପାଇକମାଲ ସହର ପରିକ୍ରମା କରିଥିଲେ।ଘଣ୍ଟ ,ଶଙ୍ଖ,ସଂକୀର୍ତ୍ତନ, ହରିବୋଲ ହୁଳହୁଳି ଧ୍ୱନିରେ ସହର ପରିକ୍ରମା ପରେ କୁଞ୍ଜ ମଣ୍ଡପରେ ସ୍ଥାପନ କରିଯାଇଥିଲା ।ପୂଜା କାର୍ଯ୍ୟରେ ପଣ୍ଡିତ ଦିଗିରି ଦିପ୍ତା ପୌରାହିତ କରିଥିବା ବେଳେ ଘନ ସୁପକାର ଏବଂ ତାଙ୍କ ଧର୍ମପତ୍ନୀ ସଂଗୀତା ସୁପକାର କର୍ତ୍ତା କାର୍ଯ୍ୟ ତୁଲାଇଥିଲେ । ଅନ୍ୟମାନଙ୍କ ମଧ୍ୟରେ ବରିଷ୍ଠ ସଦସ୍ୟ ସଭାପତି କାଜୁ ପ୍ରଧାନ,ଉପସଭାପତି ଗୁପେନ୍ଦ୍ର ପ୍ରଧାନ,ସମ୍ପାଦକ ଡୁଳାମଣି ସାହୁ,ସହସମ୍ପାଦକ ଘନ ସୁପକାର,ନୀଳସାହୁ, ଦିଲୀପ ସାହୁ,ଜୟଦେବ ମଟାରି, ନାରାୟଣ ନାୟକ,ଦୁଲହରି ସାହୁ, ତରଣୀ ସାହୁ,ଗିତୁ ମହାକୁର, ଶୁକଦେବ ପ୍ରଧାନ ପ୍ରମୁଖ ସହଯୋଗ କରିଥିଲେ।