07-Apr-2025

ବିନିକା(ହିମାଂଶୁ ଶେଖର ପୁଟେଲ)ଐତିହାସିକ ତାରାପୁର ଗଡ ମିନି ଷ୍ଟାଡିୟମରେ ଦୀର୍ଘ ୧୬ଦିନ ଧରି ଚାଲିଥିବା ବିନିକା ପାଲିପଡା କ୍ରିକେଟ ଲିଗର ଅନ୍ତିମ ମ୍ୟାଚରେ ବଜରଙ୍ଗୀ ଫାଇଟରକୁ ହରାଇ ସ୍କାଏ ଇଗଲ ପିପିଏଲ ଚମ୍ପିୟାନ ହୋଇଛି।ଆଇପିଏଲ ଢାଞ୍ଚାରେ ଅନୁଷ୍ଠିତ ଏହି ଟୁର୍ଣ୍ଣାମେଣ୍ଟରେ ୬ମାଲିକଙ୍କ ଦ୍ବାରା ୬ଟିମ ଭାଗନେଇଥିଲା ।ଶେଷ ଦିନର ଫାଇନାଲ ମ୍ୟାଚ ବଜରଙ୍ଗି ବନାମ ସ୍କାଏ ଇଗଲ ମଧ୍ୟରେ ଅନୁଷ୍ଠିତ ହୋଇଥିଲା ।ପ୍ରଥମେ ସ୍କାଏ ଇଗଲ ବ୍ୟାଟିଂ କରି ୧୦ଓଭରରେ ୪ୱିକେଟ ହରାଇ ୧୦୯ରନ କରିଥିଲା ତାର ଜବାବରେ ବଜରଙ୍ଗୀ ନିର୍ଦ୍ଧାରିତ ଓଭରରେ ୭ୱିକେଟ ହରାଇ ୮୮ରନ କରି ପରାଜିତ ହୋଇଥିଲା । ଖେଳକୁ ବିନୋଦ ପାତ୍ର ଓ ପ୍ରଦୀପ ମହାଳିଂ ପରିଚାଳନା କରିଥିବା ବେଳେ ମ୍ୟାଚ ଧାରାବିବରନୀ ବୈରାଗୀ ପ୍ରଧାନ,ଆନନ୍ଦ ନାଗ ଏବଂ ସ୍କୋରର ଭାବେ ମହେନ୍ଦ୍ର,ଅଂଶୁ ଦାୟିତ୍ଵ ତୁଲାଇଥିଲେ। ପିପିଏଲ କମିଟି ଅଧ୍ୟକ୍ଷ ଅମିତ ବିକ୍ରମ ମିଶ୍ରଙ୍କ ତତ୍ତ୍ୱାବଧାନରେ ଓ ଶିକ୍ଷକ ହିମାଂଶୁ ଭୂଷଣ ପଣ୍ଡାଙ୍କ ସଂଯୋଜନାରେ ଅନୁଷ୍ଠିତ ଉଦଯାପନୀ ଉତ୍ସବରେ ବଲାଙ୍ଗିର ସାଂସଦ ପ୍ରତିନିଧି ପ୍ରଶାନ୍ତ ଦଣ୍ଡସନା, ଯୁବ ଉଦ୍ୟୋଗୀ ଗୌରବ ପାଢ଼ୀ,ଅଜିତ ପଣ୍ଡା,ସତ୍ୟ ନାରାୟନ ମିଶ୍ର,ଅଶ୍ଵିନୀ ଦଣ୍ଡସନା,ମାନଗୋବିନ୍ଦ ମେହେର ପ୍ରମୁଖ ଅତିଥି ଭାବେ ଯୋଗଦେଇ ଟିମ ଓନର,ଅମ୍ପାୟରଙ୍କୁ ଉତ୍ତରୀୟ ପ୍ରଦାନ ଏବଂ ଟୁର୍ଣ୍ଣାମେଣ୍ଟରେ ଚମ୍ପିୟାନ ହୋଇଥିବା ସ୍କାଏ ଇଗଲ ଓ ରନର ଅଫ ବଜରଙ୍ଗୀ ଦଳକୁ ଟ୍ରଫି ସହ ନଗଦ ଟଙ୍କା ପ୍ରଦାନ କରାଯାଇଥିଲା ସେହିପରି ଟୁର୍ଣ୍ଣାମେଣ୍ଟରେ ମ୍ୟାନ୍ ଅଫ ଦି ମ୍ଯାଚ ଜିତୁ ନାଗ,ବେଷ୍ଟ ବ୍ୟାଟସମ୍ୟାନ ଅଫ୍ ଦି ସିରିଜ୍ ସୁବ୍ରତ ରାବଣ,ବେଷ୍ଟ ବଲର  ଜୟସିଂହ ଖଣ୍ଡାୟତ,ବେଷ୍ଟ ଫିଲ୍ଡର ଅଫ୍ ଦି ସିରିଜ୍ ମାନସ ରଞ୍ଜନ ଭୋଇ,ମ୍ୟାନ୍ ଅଫ ଦି ସିରିଜ ଜିତୁ ନାଗ,ବିଜୟୀ ଟିମ୍ ର ସମସ୍ତ ପ୍ଲେୟାର ଙ୍କୁ ସ୍ଵର୍ଣ୍ଣ ପଦକ  ଓ ରନର ଟିମ୍ ଙ୍କୁ ରୋପ୍ୟ ପଦକ ପ୍ରଦାନ କରାଯାଇଥିଲା ତା ପରେ ସ୍କାଏ ଇଗଲ ର ମାଲିକ ବବୁନ୍ ମିଶ୍ର ଓ ତାଙ୍କ କ୍ୟାପଟାନ ମାନସ ରଞ୍ଜନ ଭୋଇ ଙ୍କୁ ୱିନର୍ ପ୍ରାଇଜ୍ ଆଓ ବଜରଙ୍ଗୀ ଦଳ ମାଲିକ ଆନନ୍ଦ ନାଗ ଓ କ୍ୟାପଟେନ ବବୁଲୁ ରାଉତଙ୍କୁ ରନର୍ ପ୍ରାଇଜ୍ ଦିଆ ଯାଇଥିଲା।ଶେଷରେ ପିସିସି ସଦସ୍ୟ ଆଲୋକ ରାଜହଂସ ଧନ୍ୟବାଦ ଅର୍ପଣ କରିଥିଲେ।