06-Apr-2025

ବିନିକା(ହିମାଂଶୁ ଶେଖର ପୁଟେଲ)ଆଜି ରାମ ନବମୀ। ପ୍ରଭୁ ରାମଚନ୍ଦ୍ରଙ୍କ ଜନ୍ମଦିନ ।ଏଥିପାଇଁ ସାରା ବିନିକା ଅଞ୍ଚଲ ମୁଖରିତ ହୋଇଉଠିଛି। ବିନିକା ଏନଏସି ଅଧିନସ୍ତ ଉର୍ଲ୍ଲେ ଗ୍ରାମର ରଘୁନାଥ ନାଟ୍ୟ ସଂସଦ ପକ୍ଷରୁ ଧୁମଧାମରେରେ ଶ୍ରୀରାମ ନବମୀ ପାଲିତ ହୋଇଯାଇଛି । ଶ୍ରଦ୍ଧାଳୁ ଭକ୍ତଙ୍କ ଜୟ ରାମ ଶ୍ରୀରାମ ଧ୍ବନିରେ ମନ୍ଦିର ଗୁଡିକ ପ୍ରକମ୍ବିତ ହୋଇଛି।ରୀତିନୀତି ଅନୁଯାୟୀ ଆଜି ସକାଳେ ମନ୍ଦିରରେ ଯଥାରୀତି ପୂଜାର୍ଚ୍ଚନା କରାଯାଇଥିଲା l ସନ୍ଧ୍ୟାରେ ରାମଲୀଳା ଆରମ୍ଭ ହୋଇଥିଲା l ଏଥିରେ ପୂଜକ ଭାବେ ଶଶାଙ୍କ ଷଡ଼ଙ୍ଗୀ ଓ କର୍ତ୍ତା ଭାବେ ରଞ୍ଜିତ ପଣ୍ଡା ସପତ୍ନିକ ଦାୟିତ୍ୱ ତୁଲାଇଥିଲେ l ୧୫ ଦିନ ଧରି ହେବାକୁଥିବା ରାମଲୀଳାର ପ୍ରଥମ ଦିନରେ ରାମ ଜନ୍ମ,ପ୍ରଭୁଙ୍କ ବ୍ରତୋପନୟନ,ବିଶ୍ଵାମିତ୍ରଙ୍କ ଜାଗରକ୍ଷା ଆଦି ଦୃଶ୍ୟ ମଞ୍ଚସ୍ଥ ହୋଇଥିଲା l ଏଥିରେ ରାମ ଭୂମିକାରେ ବନମାଳି ମିଶ୍ର, ଅଭିନୟ କରିଥିବା ବେଳେ ଲକ୍ଷ୍ମଣ - ମୁନl ମିଶ୍ର,ସୀତା - ବିନୋଦ କୁଁଅର,ବିଶ୍ଵାମିତ୍ର - ପ୍ରମୋଦ ପଣ୍ଡା,ବଶିଷ୍ଠ ଋଷି - ସର୍ବେଶ୍ଵର ପୁରୋହିତ, ଦରୁଆଁନ - ରମେଶ ଦାସ, ଶଙ୍ଖନାଦ ସାଲମା ପ୍ରମୁଖ ଅଭିନୟ କରିଥିଲେ l ରାମଲୀଳାର ଗୀତକୁ ପ୍ରଶନ୍ନ ଷଡ଼ଙ୍ଗୀ ପଠନ କରିଥିଲେ l ରାମଲୀଳା ପରିଚାଳନାରେ ରଘୁନାଥ ନାଟ୍ୟ ସଂସଦର ସମସ୍ତ ସଦସ୍ୟ ସହଯୋଗ କରିଥିଲେ l ସେହିପରି ଚରଦା,କଇଁନ୍ତରl,ଶିଆଳି, ମହାଦେବପାଲି ଆଦି ଗ୍ରାମ ମାନଙ୍କରେ ମଧ୍ୟ ରାମଲୀଳା ଅନୁଷ୍ଠିତ ହୋଇଛି।ଅନ୍ୟ ପକ୍ଷରେ ବିନିକା ବ୍ଲକ ଶଙ୍କରl ପଞ୍ଚାୟତ କୌଡ଼ିଆମୁଣ୍ଡା ଭାଗବତ ମନ୍ଦିର ଠାରେ ଶ୍ରୀରାମ ନବମୀ ପାଲିତ ହୋଇଯାଇଛି l ଏହି ଅବସରରେ ମନ୍ଦିରରେ ବାଲ୍ମିକୀ ରାମାୟଣ ପଠନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ଏଥିରେ ଗୋବିନ୍ଦ ପଣ୍ଡା,ନରେନ୍ଦ୍ର ପଣ୍ଡା, ତ୍ରିନାଥ ପଣ୍ଡା,ଯଜ୍ଞେଶ୍ୱର ପଣ୍ଡା, ରଞ୍ଜିତ ପଣ୍ଡା,ପଦ୍ମନାଭ ହୋତା ପ୍ରମୁଖ ରାମାୟଣ ପଠନ କରିଥିଲେ l