06-Apr-2025

ବରଗଡ଼:(ନିରଞ୍ଜନ ତ୍ରିପାଠୀ)-ଆଜି ସ୍ଥାନୀୟ ଆଗ୍ରଗାମୀ ଯୁବକ ସଂଘ ଠାରେ ବାଲେଶ୍ୱର ରୁ ପ୍ରକାଶିତ 'ଅପରାହ୍ନ'ଦୈନନ୍ଦିନ ସମ୍ବାଦପାତ୍ର ର ସାହିତ୍ୟର ସ୍ୱର କାର୍ଯ୍ୟକ୍ରମ ଅଧ୍ୟାପକ ନବକୃଷ୍ଣ ମିଶ୍ର ଙ୍କ ସଭାପତିତ୍ୱରେ ଅନୁଷ୍ଠିତ ହୋଇଥିଲା।ଏହି କାର୍ଯ୍ୟକ୍ରମରେ ବିଶିଷ୍ଟ କବି ମନୋଜ ଦାଶ ମୁଖ୍ୟ ଅତିଥି ,ମୁଖ୍ୟ ବକ୍ତା ଭାବେ ପ୍ରାଧ୍ୟାପକ ସନ୍ତୋଷ କୁମାର ପଣ୍ଡା ଯୋଗଦେଇ ସାହିତ୍ୟର ସୃଷ୍ଟି ଓ ସାହିତ୍ୟ ଚେତନା ଜାଗ୍ରତ କରିବାରେ ସାହିତ୍ୟର ଭୂମିକା  ଗୁରୁତ୍ୱପୂର୍ଣ  ବୋଲି ମନ୍ତବ୍ୟ ରଖିଥିଲେ। ବିଶିଷ୍ଟ ଅତିଥି ଭାବେ ଅପରାହ୍ନ ସମ୍ପାଦକ ଶ୍ରୀ ବଂଶୀଧର ଜେନା ଓ ପ୍ରକାଶିକା ଶ୍ରୀମତୀ ଲକ୍ଷ୍ମୀପ୍ରିୟା ଦାସ, ବାଲେଶ୍ୱର ଯୋଗଦେଇ ଥିଲେ।ବରଗଡ଼ ଜିଲ୍ଲାରୁ ନିୟମିତ ଭାବେ ପ୍ରକାଶ ପାଇ ଆସୁଥିବା ଯୁଗୋପଯୋଗୀ ସୁବର୍ଣ୍ଣଦୀପର ସମ୍ପାଦକ ତଥା ବରଗଡ଼ ଜିଲ୍ଲା ସଂଯୋଜକ ଶ୍ରୀ ପ୍ରଦୀପ୍ତ ଭାନୁ ମହାନ୍ତି ଅତିଥି ପରିଚୟ କରାଇଥିଲେ।ଉକ୍ତ ସଭାରେ ଶ୍ରୀ ପ୍ରଦୀପ  ପଣ୍ଡାଙ୍କ ଦ୍ୱାରା ରଚିତ ରତ୍ନ ପାଖୁଡା ପୁସ୍ତକ ଉନ୍ମୋଚିତ ହେବା ସହ ସାରସ୍ୱତ ସାଧାନା ପାଇଁ ଶ୍ରୀମତୀ ସନ୍ତୋଷିନୀ ଦାଶ, ଆଶୁତୋଷ ରଥ, ଦୟାନିଧି ମହାପାତ୍ର, ଧର୍ମରାଜ ପ୍ରଧାନ, ଭୂମିସୁତା ସାହୁ ଓ ମୁନତାଜ ଖାତୁନଙ୍କୁ ସମ୍ବର୍ଦ୍ଧିତ କରାଯାଇଥିଲା।ମାନପତ୍ର ପଠନ 
ସୁଦୃମା ପଣ୍ଡା, ମିନତୀ ଦାଶ, ସଂଗୀତା ରଥ, ମନୋରଞ୍ଜନ ମେହେର, ରାଧାରାଣୀ ପଟ୍ଟନାୟକ ଓ ନୂରାବତୀ ସାହୁ କରିଥିଲେ।ସଭା ପ୍ରାରମ୍ଭରେ ଏକ କବିତା ପାଠୋତ୍ସବ କରାଯାଇଥିଲା। କବିତା ପାଠୋତ୍ସବରେ ସଭାପତି ଭାବେ ଶ୍ରୀ ସୁରେନ୍ଦ୍ର ମୋହନ ଚାନ୍ଦ, ସମ୍ମାନନୀୟ ଅତିଥି ଶ୍ରୀମତୀ ସ୍ମୃତି ଶେଫାଳୀ ମେହେର ମଞ୍ଚାସୀନ ଥିବାବେଳେ ଶ୍ରୀମତୀ ସାଗରୀକା ପାଣିଗ୍ରାହୀ ଓ ଶ୍ରୀମତୀ ମୁନତାଜ ଖାତୁନ ସଂଚାଳନ କରିଥିଲେ।କବି ବାସନ୍ତୀ ଗୁରୁ, ହୈମବତୀ ମିଶ୍ର, ମୀନା ପଣ୍ଡା, ମାନସ ରଞ୍ଜନ ଦାଶ, ରାମଚନ୍ଦ୍ର କୁଅଁର, ବିଷ୍ଣୁ ଚରଣ ପ୍ରଧାନ,ଡ. ସଂଗୀତା ରଥ, କାମାକ୍ଷୀ ଶତପଥି ଙ୍କ ସହ ଵରଗଡ଼ ଜିଲ୍ଲାର ୪୦ ଜଣ କବି କବିତା ପାଠ କରିଥିଲେ।ଶେଷରେ ଶ୍ରୀମତୀ ସୁପ୍ରଭା ସାମଲ ଧନ୍ୟବାଦ ଅର୍ପଣ କରିଥିଲେ।