04-Apr-2025

ବଲାଙ୍ଗିର ତା.୦୪.୦୪( )- ଓଡିଶା ଫୁଟବଲ ସଂଘ(ଫାଓ)ତରଫରୁ ଆସନ୍ତା ମାସ ରେ ଆନ୍ତଃ ଜିଲ୍ଲା ୧୯ ବର୍ଷରୁ କମ୍ ଫୁଟବଲ ଚମ୍ପିୟନସିପ ର ଆୟୋଜନ ହେବ । ଏହି ଟୁର୍ଣ୍ଣାମେଣ୍ଟ ରେ ବଲାଙ୍ଗିର ଜିଲ୍ଲା ଅଂଶ ଗ୍ରହଣ କରିବା ପାଇଁ ନିଷ୍ପତ୍ତି ହୋଇଛି । ଜିଲ୍ଲା କ୍ରୀଡା ସଂସଦ ର ଏହି ନିଷ୍ପତ୍ତି ଅନୁଯାୟୀ ଆଜି ଫୁଟବଲ ସମ୍ପାଦକ ଶରତ ନନ୍ଦ ଙ୍କ ତତ୍ୱାବଧାନ ରେ ବଲାଙ୍ଗିର ଗାନ୍ଧୀ ଷ୍ଟଡିୟମ ଠାରେ ଜିଲ୍ଲା ଦଳ ପାଇଁ ଖେଳାଳୀ ଚୟନ କରାଯାଇଥିଲା । ଜିଲ୍ଲାର ସମସ୍ତ ବ୍ଲକରୁ ୮୪ ଜଣ ଖେଳାଳୀ ଯୋଗଦାନ କରିଥିଲେ । ସମସ୍ତ ଖେଳାଳୀ ଙ୍କ ପ୍ରତିଭା ତଥା ଦକ୍ଷତା ଦେଖି ଖେଳାଳୀ ଚୟନ କରାଯାଇଛି । ଶ୍ରୀକାନ୍ତ ରାଉତ, ଡା. ସିଦ୍ଧେଶ୍ୱର ମିଶ୍ର, ସୁଧାଂଶୁ ସେଠ, ପ୍ରଦୀପ ମହାରଣା, ଜିତୁ ଦଳାଇ, ହେମନ୍ତ ପଧାନ ଆଦି ଚୟନ କର୍ତ୍ତା ଦାୟୀତ୍ୱ ତୁଳାଇଥିବା ବେଳେ ଜିଲ୍ଲା କ୍ରୀଡା ସଂସଦ ର କାର୍ଯ୍ୟକାରୀ ସଭାପତି ଡ. ଶ୍ରୀକର ମିଶ୍ର, କୋଷାଧ୍ୟ୍ୟକ୍ଷ ହେମନ୍ତ ବେହେରା, ସଦସ୍ୟ କୈଳାସ କର୍ତ୍ତି, ଭୁପେନ୍ଦ୍ର ସିଂହ, ପ୍ରଭାତ ମିଶ୍ର, ବିଭୁତି ପଣ୍ଡା ତଥା ଜିଲ୍ଲା କ୍ରୀଡାଧିକାରୀ ପରାସର ବାଗ ଆଦି ସହଯୋଗ କରିଥିଲେ ।