31-Mar-2025

ବିନିକା(ହିମାଂଶୁ ଶେଖର ପୁଟେଲ)ବଲାଙ୍ଗିର ଠାରେ ସଦ୍ୟ ସମାପ୍ତ ପଶ୍ଚିମ ଓଡ଼ିଶା ସ୍ତରୀୟ ବଡି ବିଲ୍ଡର୍ସ ଅର୍ଥାତ ସୁନ୍ଦର ପ୍ରତିଯୋଗିତାରେ ଭାଗ ନେଇ ଦ୍ଵିତୀୟ ସ୍ଥାନ ଅଧିକାର କରି ବିନିକା ପାଇଁ ଗୌରବ ଆଣିଥିବା ଯୁବ ପ୍ରତିଭା ବୈରାଗୀ ପ୍ରଧାନ ଶ୍ରୀକ୍ଷେତ୍ର ପୁରୀ ଗସ୍ତ କରିଛନ୍ତି ।ସୂଚନା ଯୋଗ୍ୟ ଯେ ମାର୍ଚ୍ଚ ୩୧ ଓ ଏପ୍ରିଲ ୧ତାରିଖ ଦୁଇଦିନ ଧରି ଶ୍ରୀକ୍ଷେତ୍ର ପୁରୀ ଟାଉନହଲ ଠାରେ ତୃତୀୟ ବୀର କଳିଙ୍ଗ ପୁତ୍ର ରାଜ୍ୟ ସ୍ତରୀୟ ବଡି ବିଲ୍ଡର୍ସ ଚାମ୍ପିଅନସିପ ଅନୁଷ୍ଠିତ ହେବ ।ଏଥିପାଇଁ ବୈରାଗୀ ଗତ ଦୁଇଦିନ ହେଲା ନିଜର ବଡ଼ି ଫିଟନେସ ଅର୍ଥାତ ତାଲିମକୁ ଜୋରଦାର କରିଛନ୍ତି ।ସେ ପ୍ରାକଟିକସ କରୁଥିବା ସମୟରେ ସକାଳ ପ୍ରତିନିଧିଙ୍କ ସହିତ ଏକ ସାକ୍ଷାତ ରେ କହିଛନ୍ତି ଦଶନ୍ଧି ଦଶନ୍ଧି ଧରି ବଡି ବିଲ୍ଡର୍ସ ଚାମ୍ପିଅନସିପ ପ୍ରତିଯୋଗିତାରେ ଏହି ଅଞ୍ଚଳରୁ କେହି ଭାଗ ନେଉନାହାନ୍ତି ।ଯେହେତୁ ମୁଁ ଜଣେ ଜିମ ପ୍ରଶିକ୍ଷକ ଏବଂ ନୀତି ପ୍ରତିଦିନ ଯୁବକ ଯୁବତୀଙ୍କୁ ପ୍ରଶିକ୍ଷଣ ଦେଉଛି ।ନିଜ ଫିଟନେସ ମଧ୍ୟ ମଜଭୁତ ରହିବା କଥା ସେ ଭାବନା ନେଇ ଦୀର୍ଘ ୩ମାସ ଧରି ଶରୀରର ସ୍ବାସ୍ଥ୍ୟ କୁ ଜଗି ଶିକ୍ଷାଲାଭ କଲି ଏବଂ ବଲାଙ୍ଗିର ଠାରେ ଆୟୋଜିତ ପଶ୍ଚିମ ଓଡ଼ିଶା ସ୍ତରୀୟ ପ୍ରତିଯୋଗିତାରେ ଭାଗ ନେଲି ।ହେଲେ ପୁରସ୍କାର ପାଇବା ନେଇ କଳ୍ପନା କରି ନଥିଲି କି ମନରେ ବି ଆଶା ନଥିଲା   ଲକ୍ଷ୍ୟ କିନ୍ତୁ ସଫଳ ହେଲା ଦ୍ଵିତୀୟ ପୁରସ୍କାର ମିଳିଲା ଘରକୁ ଫେରିବା ପରେ ବିନିକା ପାଇଁ ଗୌରବ ଆଣିଥିବାରୁ ସଚେତନ ନାଗରିକ ମହଲ ତରଫରୁ ସମ୍ବର୍ଦ୍ଧିତ ହେଲି । ଏହି ସଫଳତା ପରେ ରାଜ୍ୟ ସ୍ତରୀୟ ପ୍ରତିଯୋଗିତାରେ ଭାଗନେବା ପାଇଁ ସୁଯୋଗ ମିଳିଥିବାରୁ ଆଗାମୀ ଦିନରେ ମୋର ପ୍ରେରଣାରେ ଅଞ୍ଚଳର ବହୁ ଯୁବ ପ୍ରତିଭା ଉକ୍ତ ପ୍ରତିଯୋଗିତାରେ ଭାଗନେବେ ବୋଲି ଆଶା ପ୍ରକଟ କରିଛନ୍ତି ।