30-Mar-2025

ବୀରମହାରାଜପୁର,(ବିନୋଦ ପାଣ୍ଡେ): ଜୋର ଜବରଦସ୍ତ ବିଦ୍ୟୁତ ବିଲ ସଂଗ୍ରହ କୁ ବିରୋଧ କରି ଆନ୍ଦୋଳନ।ବିଦ୍ୟୁତ ବିଲ ନ ଦେବାରୁ ଟାଟା ପାୱାର ବୀରମହାରାଜପୁର ବ୍ଲକ ଅନ୍ତର୍ଗତ ବହଳପଦର ରୁ ବିଦ୍ୟୁତ ବିଚ୍ଛିନ୍ନ କରିଥିଲା। ଫଳରେ ରବିବାର ସକାଳୁ ଗ୍ରମଲୋକେ ରାସ୍ତା କୁ ଓହ୍ଲାଇ ଆନ୍ଦୋଳନ କରିଛନ୍ତି। ସକାଳ ୬ ଟା ରୁ ବହଳପଦର ମୁଖ୍ୟ ଛକରେ ରାସ୍ତା ରୋକୋ କରିଛନ୍ତି। ଫଳରେ ବୀରମହାରାଜପୁର - ଅମରପାଲି ରାସ୍ତା ରେ ଯାତାୟାତ ବାଧାପ୍ରାପ୍ତ ହୋଇଛି। ଏହି ରାସ୍ତା ଦେଇ ବୀରମହାରାଜପୁର ରୁ ମୋଚିବହାଲ ଦେଇ ରେଢାଖୋଲ, ବୀରମହାରାଜପୁର  ରୁ ଯୁଯୁମୁରା ଦେଇ ସମ୍ବଲପୁର କୁ ଗାଡିଚଳାଚଳ ବନ୍ଦ ରହିଛି। ରାସ୍ତା ରୋକ ଯୋଗୁଁ ରାସ୍ତାର ଉଭୟ ପାର୍ଶ୍ଵରେ ଗାଡିମଟର ଚଳାଚଳ ବନ୍ଦ ରହିଛି। ଫଳରେ ଯାତ୍ରୀମାନେ ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଛନ୍ତି। ଖବର ପାଇ ଠେଙ୍ଗୋ ଡ୍ୟାମ ଫାଣ୍ଡି ପୋଲିସ ଘଟଣା ସ୍ଥଳକୁ ପହଞ୍ଚି ଲୋକଙ୍କୁ ବୁଝାସୁଝା କରୁଛନ୍ତି।