29-Mar-2025

ସିନାପାଲି (ଚିନ୍ତାମଣି  ନେତାମ )
ନୂଆପଡା ଜିଲ୍ଲା ଅନ୍ତର୍ଗତ ସିନାପାଲି ବ୍ଲକର  ବ୍ଲକସ୍ତରୀୟ "ନିପୁଣ ଓଡିଶା ମେଳା "ନୀଳଜି ଉଚ୍ଚ ପ୍ରାଥମିକ ବିଦ୍ୟାଳୟ ପରିସରରେ ମହାସମାରୋହରେ ଅନୁଷ୍ଠିତ ହୋଇଯାଇଛି  l ଏହି ଅବସରରେ ହୋଇଥିବା ସଭା କାର୍ଯ୍ୟରେ ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀଯୁକ୍ତ ଯତୀନ୍ଦ୍ର କୁମାର ସେଠ୍ ସଭାପତିତ୍ୱ କରିଥିବା ବେଳେ  ମୁଖ୍ୟ ଅତିଥି ଭାବରେ ପଂଚାୟତ ସମିତି ଅଧକ୍ଷା ଶ୍ରୀମତୀ ମାଧୁରୀ ମାଝୀ, ବିଶିଷ୍ଟ ଅତିଥି ଭାବରେ ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀମତୀ କାର୍ମି ଓରାମ, ମୁଖ୍ୟ ବକ୍ତା ଭାବରେ ସହ ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀଯୁକ୍ତ ପ୍ରଦୀପ କୁମାର ପଣ୍ଡା ଏବଂ ସମ୍ମାନିତ ଅତିଥି ଭାବରେ  ନୀଳଜି ଗ୍ରାମପଞ୍ଚାୟତ ସରପଞ୍ଚ ଶ୍ରୀଯୁକ୍ତ ଲକ୍ଷ୍ମଣ ପ୍ରଧାନ, ସ୍ଥାନୀୟ ଉପ୍ରା ବିଦ୍ୟାଳୟର ପ୍ରଧାନ ଶିକ୍ଷକ ଶ୍ରୀଯୁକ୍ତ ସତ୍ୟ ବ୍ରତ ଗହୀର ତଥା ପ୍ରାଥମିକ ଶିକ୍ଷକ ସଂଘ ସଭାପତି ଶ୍ରୀଯୁକ୍ତ ପ୍ରସନ୍ନ କୁମାର ମାଝୀ ଯୋଗ ଦେଇଥିଲେ  l ଶିକ୍ଷକ ଶ୍ରୀଯୁକ୍ତ ପରେଶ ନାଥ ପାଣିଗ୍ରାହୀ ଅତିଥିଗଣଙ୍କୁ ମଞ୍ଚକୁ ଆମନ୍ତ୍ରଣ କରିବା ସହିତ ସଭା କାର୍ଯ୍ୟର ସଂଯୋଜନା କରିଥିଲେ  l ବ୍ଲକର ଏଫ ଏଲ ଏନ ଶିକ୍ଷୟିତ୍ରୀ ଗଣ  ଫୁଲ ଗୁଛ ଓ  ଓପଢୌକନ ଦେଇ ଅତିଥିମାନଙ୍କୁ ସମ୍ମର୍ଦ୍ଧିତ କରିଥିଲେ  l
ସ୍ଥାନୀୟ ବିଦ୍ୟାଳୟର ଛାତ୍ରୀ ଗଣ ସୁଲଳିତ କଣ୍ଠରେ ପ୍ରାରମ୍ଭିକ ସଂଗୀତ  "ବନ୍ଦେମାତରଂ ଓ  "ନିପୁଣ ଓଡିଶା "ତଥ୍ୟ ଭିତ୍ତିକ ଗୀତ ଗାନ କରିଥିଲେ  l ବାଦ୍ୟଯନ୍ତ୍ରରେ ଶିକ୍ଷକ ଧୀରେନ୍ଦ୍ର କୁମାର ସା,ଦୀପକ ସା ଓ ନିକୁଞ୍ଜ ବିହାରୀ ସା ସହଯୋଗ କରିଥିଲେ  l ଦେବପୂଜନ ପରେ ସଭାକାର୍ଯ୍ୟ ପ୍ରାରମ୍ଭରେ   ନିପୁଣ ଓଡିଶା କାର୍ଯ୍ୟ କ୍ରମର ଲକ୍ଷ୍ୟ ଓ ଉଦ୍ଦେଶ୍ୟ ପାଳନ ପାଇଁ ଅତିଥିଗଣ ଉପସ୍ଥିତ ଶିକ୍ଷକ ଶିକ୍ଷୟିତ୍ରୀ ଓ ଛାତ୍ରଛାତ୍ରୀ ଶପଥ ପାଠ କରିଥିଲେ  l  ସଭାପତି  ଆଜିର ମେଳାର ଉଦ୍ଦେଶ୍ୟ ଜ୍ଞାପନ କଲାପରେ  ଅତିଥିଗଣ   ନିଜ ନିଜ ବକ୍ତବ୍ୟ ରେ  ଶିକ୍ଷକ ଓ ଛାତ୍ରଛାତ୍ରୀ ଙ୍କୁ   ପ୍ରାଥମିକ ଶିକ୍ଷା କ୍ଷେତ୍ରରେ  ବୈ ପ୍ଲବିକ   ପରିବର୍ତନ ଆଣିବା ପାଇଁ ଉତ୍ସାହିତ କରିଥିଲେ  l ଏହି ସଭାରେ ବ୍ଲକର ବିଭିନ୍ନ ବିଦ୍ୟାଳୟର ଏଫ ଏଲ ଏନ ଶିକ୍ଷକ ଶିକ୍ଷୟିତ୍ରୀ  ମାନଙ୍କୁ  ସେମାନଙ୍କ ଉତ୍ସର୍ଗୀ କୃତ ଶିକ୍ଷା ଦାନ ପାଇଁ ମାନପତ୍ର ପ୍ରଦାନ ପୂର୍ବକ ସମ୍ମାନିତ କରାଯାଇଥିଲା  l ସଭା ଶେଷରେ  ନୀଳଜି ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ଶ୍ରୀଯୁକ୍ତ ରାକେଶ କୁମାର ମିଶ୍ର ଅତିଥି ଗଣଙ୍କୁ  ଧନ୍ୟବାଦ ଅର୍ପଣ କରିଥିଲେ  l ପରେ ଅତିଥିଗଣ   ମୌଳିକ ଭାଷା ଓ ଗଣିତ ଶିକ୍ଷା ଦାନ ପାଇଁ ପ୍ରସ୍ତୁତ ପଠନ ସାମଗ୍ରୀ ମେଳା ପରି ଦର୍ଶନ କରି  ଏଫ ଏଲ ଏନ ଶିକ୍ଷକ ଶିକ୍ଷୟିତ୍ରୀଙ୍କୁ ଭୁରି ଭୁରି ପ୍ରସଂଶା କରିଥିଲେ  l ଏହି ସଭାରେ  ବ୍ଲକର  ଷୋହଲଟି କ୍ଲଷ୍ଟର ସୀ ଆର ସୀ ସୀ ଏଫ ଏଲ ଏନ ଶିକ୍ଷକ ଶିକ୍ଷୟିତ୍ରୀ ଏବଂ ଦୁଇ ଶହ ରୁ ଉର୍ଦ୍ଧ ଛାତ୍ରଛାତ୍ରୀ  ଉପସ୍ଥିତ ରହି ଥିଲେ  l ଏହି ମେଳା ଆୟୋଜନ କରିବାରେ ସ୍ଥାନୀୟ ସୀ ଆର ସୀ ସୀ  ଶ୍ରୀଯୁକ୍ତ ରାକେଶ କୁମାର ମିଶ୍ର ମୁଖ୍ୟ ଭୂମିକା ଗ୍ରହଣ କରିଥିବା ବେଳେ ସମସ୍ତ ସୀ ଆର ସୀ ସୀ ଗୋଷ୍ଠୀ ଶିକ୍ଷା କାର୍ଯ୍ୟାଳୟର ଏକାଉଣ୍ଟେଣ୍ଡ ଶ୍ରୀଯୁକ୍ତ ଗୁପ୍ତେଶ୍ୱର ମାଝୀ ଓ ଶ୍ରୀଯୁକ୍ତ ସନ୍ତୋଷ କୁମାର ବନ୍ଦୀଛୋର ଏବଂ ସ୍ଥାନୀୟ ଉପ୍ରା ବିଦ୍ୟାଳୟ ର  ଶିକ୍ଷକ ଗଣ ସହଯୋଗ କରିଥିଲେ  l