29-Mar-2025

ପଦ୍ମପୁର:(ନିରଞ୍ଜନ ତ୍ରିପାଠୀ)-ଅଗ୍ରଣୀ ନାଟ୍ୟ ସଂସ୍ଥା ଲୁ ଆନୁକୁଲ୍ୟରେ ଗତ ୨୭ ଓ ୨୮ ଦୁଇ ଦିନ ଧରି ସ୍ଥାନୀୟ ଲୁ  ନାଟ୍ୟଶ୍ରମ ପରିସରରେ ଦ୍ଵୀ-ଦିବସୀୟ ଅଙ୍ଗ ମହୋତ୍ସବ-୨୦୨୫ ମହା ସମାରୋହରେ ଅନୁଷ୍ଠିତ ହୋଇ ଯାଇଅଛି।ପ୍ରଥମ ଦିବସରେ ବରିଷ୍ଠ ଆଇନଜୀବୀ ଗୌନ୍ତିଆ କୁମାର ସାହୁ, ମାଁ ସମଲେଇ ଙ୍କ ଠାରେ ଦୀପ ପ୍ରଜ୍ବଳନ ପୂର୍ବକ ମହୋତ୍ସବର ଉଦ୍ଘାଟନ କରିଥିଲେ। ଲୁ ନାଟ୍ୟ ଅନୁଷ୍ଠାନର ସଭାପତି ମେଜର ଚିତ୍ତରଞ୍ଜନ ଦାସ ସ୍ବାଗତ ଭାଷଣ ପ୍ରଦାନ କରି ଥିବା ବେଳେ ସମ୍ପାଦକ ପ୍ରଫେସର କେଶ ରଞ୍ଜନ ପ୍ରଧାନ ବିଶ୍ଵ ନାଟ୍ୟ ଦିବସ ଅବସରରେ ସମ୍ବଲପୁରୀ ଭାଷାରେ ଅନୁଦିତ ବାର୍ତ୍ତା ପଠନ କରିଥିଲେ। ସମ୍ମାନିତ ଅତିଥି ଭାବେ ଶ୍ରୀ ଭଗବାନ ଜୀ ସ୍ଵକୀୟ ମତ ପ୍ରଦାନ କରିଥିଲେ। ନବ ପ୍ରଭାତ  ସ୍ୱ ଜ୍ୟୋତି କନ୍ୟା ଗୁରୁକୁଳ ର କନ୍ୟା ମାନଙ୍କର ବେଦ ଧ୍ବନୀ ସମଗ୍ର ପରିବେଶକୁ ଭାବମୟ କରି ଦେଇଥିଲା।  କେଶ ରଞ୍ଜନ ପ୍ରଧାନ ଙ୍କ ରଚିତ ଓ ନିର୍ଦ୍ଦେଶିତ ଅଦ୍ଭୁତ ପର୍ବତ ନାଟକ ସେମାନଙ୍କ ଦ୍ଵାରା ପରିବେଷିତ ହୋଇ ବେଶ୍ ଚର୍ଚ୍ଚିତ ହୋଇଥିଲା। ମନୋରଞ୍ଜନ ସିଂ ବରିହା ଓ ଦିଲ୍ଲୀପ ଦେବତା ସେମାନଙ୍କୁ ପ୍ରଶଂସାପତ୍ର ଦେଇ ସମ୍ବର୍ଦ୍ଧିତ କରିଥିଲେ। ପରେ ଜଗନ୍ନାଥ ସେଟ ଙ୍କ ଦ୍ଵାରା ରଚିତ ଓ ନିର୍ଦ୍ଦେଶିତ ନାଟକ ଆଦମ୍ ଖୋର୍ ଲୁ ନାଟ୍ୟ ସଂସ୍ଥାର କଳାକାର ମାନଙ୍କର ଦ୍ଵାରା ପରିବେଷିତ ହୋଇ ବେଶ୍ ଦର୍ଶକ ସ୍ଵୀକୃତି ହାସଲ କରିଥିଲା। ଜୟ ନାରାୟଣ ତ୍ରିପାଠୀ ଓ ଚନ୍ଦ୍ର ଶେଖର ପୁରୋହିତ କଳାକାର ମାନଙ୍କୁ ସମ୍ବର୍ଦ୍ଧିତ କରିଥିବା ବେଳେ ନାଟ୍ୟକାର ଅଶୋକ ବହିଦାର ଧନ୍ୟବାଦ ଅର୍ପଣ କରିଥିଲେ। 
ଶେଷ ଦିବସରେ ପୂର୍ବତନ ଶିକ୍ଷକ ତାରା ଚାନ୍ଦ ସାହୁ ଅତିଥି ଭାବେ ଯୋଗଦାନ କରି ଥିଲେ।

ଏହି ଅବସରରେ କେଶ ରଞ୍ଜନ ପ୍ରଧାନ ଙ୍କ ରଚିତ ଘେଁସ ଜମିଦାରଙ୍କ ଉପରେ ଆଧାରିତ ନାଟକ "ଘାଟି" ଦୟାସାଗର ଧରୁଆ ଙ୍କ ନିର୍ଦ୍ଦେଶନାରେ ଶିଶୁ ବିଦ୍ୟା ମନ୍ଦିରର ଛାତ୍ରୀ ମାନଙ୍କ ଦ୍ଵାରା ଅଭିନୀତ ହୋଇ ଉଚ୍ଚ ପ୍ରଶଂସିତ ହୋଇ ଥିଲା। ଅଧ୍ୟାପକ ସୁଶାନ୍ତ ମିଶ୍ର ଓ ପୂର୍ବତନ ପଦ୍ମପୁର ବିଜ୍ଞାପିତ ଅଞ୍ଚଳ ପରିଷଦର ଅଧ୍ୟକ୍ଷ ପ୍ରିତମ ମେହେର କଳାକାର ମାନଙ୍କୁ ସମ୍ବର୍ଦ୍ଧିତ କରିଥିଲେ। ଡକ୍ଟର ସରୋଜ ନାୟକ, ଡକ୍ଟର ସମୀର ମେହେର, କୁଞ୍ଜ ବିହାରୀ ସରାଫ ଓ ଶେଷଦେବ ମେହେର ପ୍ରମୁଖ ନାଟକ ଉପରେ ସମୀକ୍ଷା କରିଥିଲେ। ମହୋତ୍ସବର ଶେଷରେ ଅଶୋକ ବହିଦାର ଙ୍କ ରଚିତ ଓ ନିର୍ଦ୍ଦେଶିତ ନାଟକ "ତୋର ପାର କେ ମୋର ପାହା" ଅବର୍ଣ୍ଣିଗୁଣା ର କଳାକାରଙ୍କ ଦ୍ଵାରା ପରିବେଷିତ ହୋଇ ଦର୍ଶକ ମାନଙ୍କର ହୃଦୟକୁ ଛୁଇଁ ପାରିଥିଲା । ଅଞ୍ଚଳ କଲେଜ ର ଅଧ୍ୟକ୍ଷ ଡକ୍ଟର ଲଳିତ ମୋହନ ପଣ୍ଡା ଓ ମହୁଲପାଲି ଗୌନ୍ତିଆ ଝସ କେତନ ସାହୁ କଳାକାର ମାନଙ୍କୁ ସମ୍ବର୍ଦ୍ଧିତ କରିଥିଲେ। ରମେଶ ଗୁର୍ଲାଙ୍କ ସଂଗୀତ ନିର୍ଦ୍ଦେଶନାରେ ନାଟକ ଗୁଡ଼ିକ ବେଶ୍ ଉପଭୋଗ୍ୟ ହୋଇ ଥିଲା। ସମଗ୍ର କାର୍ଯକ୍ରମକୁ ଲୁ ଏବଂ ଅବର୍ଣ୍ଣିଗୁଣା ର ସଦସ୍ୟ ମାନେ ପରିଚାଳନା ରେ ସହଯୋଗ କରି ମହୋତ୍ସବକୁ ସଫଳତା ଶିର୍ଷରେ ପହଞ୍ଚାଇ ପାରିଥିଲେ