21-Mar-2025

ବଲାଙ୍ଗୀର ଜିଲ୍ଲା ଦାଦନ ପ୍ରଣବ ଜିଳ୍ଲା ଭାବରେ ସାରା ଦେଶରେ ନାମକରା ହୋଇଥିବା ବେଳେ କିଛି ଯୁବକ ଚାକିରି ଅନ୍ବେଷଣ ରେ ରହି ବିଫଳ ହେବାପରେ ବିଭିନ୍ନ ବ୍ଯବସାୟୀକ ପ୍ରତିଷ୍ଠାନ ଆରମ୍ଭ କରି ନିଜ ଓ ନିଜ ପରିବାରର ପେଟପାଟଣା କରୁଥିବାର ଦେଖାଯାଏ। କିନ୍ତୁ ପୂର୍ବ ସରକାର ହୁଅନ୍ତୁ କି ବର୍ତ୍ତମାନର ଡବଲ ଇଞ୍ଜିନ ସରକାର ହୁଅନ୍ତୁ ଏହି କ୍ଷୁଦ୍ର ବ୍ୟବସାୟୀ ମାନଙ୍କ ଉପରେ ଜିଲ୍ଲାପ୍ରଶାସନକୁ ହାତବାରିସ କରି ବିଭିନ୍ନ ସମୟରେ ନାଲିଆଖି ଦେଖାଇ ଜୁଲୁମ କରୁଥିବାର ଦେଖିବାକୁ ମିଳୁଛି। ଏକ ପ୍ରକାର ଏହି କ୍ଷୁଦ୍ର ବ୍ୟବସାୟୀ ମାନଙ୍କୁ ଦାଦନ ଶ୍ରମିକ ଭାବରେ ଯିବାକୁ ବାଧ୍ଯ କରୁଛି ସରକାର। 
ଗତ କିଛିଦିନ ହେବ ସାରା ରାଜ୍ୟରେ ବାଲି ଚୋରାଚାଲାଣ କୁ ବନ୍ଦ କରିବାପାଇଁ ବିଭିନ୍ନ ବିଭାଗରକୁ ଦାୟିତ୍ବ ହସ୍ତାନ୍ତର କରିବା ପରେ ବିଶେଷ କରି ପୋଲିସ ବିଭାଗ କୁ ହସ୍ତାନ୍ତର କରିବା ପରେ ଟ୍ରାକ୍ଟର ମାଲିକ ଓ ଡ୍ରାଇଭ ମାନଙ୍କୁ ନାହିଁ ନ ଥିବା ଅସୁବିଧାରେ ପକାଉ ଥିବାର ଦେଖିବାକୁ ମିଳିଛି। ବିଶେଷ କରି ଗିରଫ କରି ଜେଲ ହାଜତ କୁ ମଧ୍ଯ କେତେକ ଟ୍ରାକ୍ଟର ମାଲିକ ଓ ଡ୍ରାଇଭ କୁ ପଠାଇ ଦେବାର ମଧ୍ଯ ନଜରରେ ରହିଛି। ଆଜି ବିଭିନ୍ନ ପ୍ରସଙ୍ଗ କୁ ନେଇ ବଲାଙ୍ଗୀର ଟ୍ରାକ୍ଟର ମାଲିକ ସଂଘ ଜିଲ୍ଲାପାଳ ମହୋଦୟ ସହ ବରିଷ୍ଠ ଭାଜପା ନେତା ଗୋପାଳଜୀ ପାଣିଗ୍ରାହୀ ଓ ସଂଘ ସମ୍ପାଦକ ପିତାମ୍ବର ଖମାରୀ ନେତୃତ୍ବ ରେ ଶତାଧିକ ଟ୍ରାକ୍ଟର ମାଲିକ ଲିଖିତ ଭାବରେ ଏକ ଦାବିପତ୍ର ପ୍ରଦାନ କରିଛନ୍ତି।