21-Mar-2025

ଅତାବିରା: ଅତାବିରା ସହର ଠାରୁ ବସ୍ତି ପର୍ଯ୍ୟନ୍ତ ଆଜି ଚଳ ଚଞ୍ଚଳ ।ଯୁବ ପୀଢ଼ି ଙ୍କ ମନରେ ଉତ୍ସାହ ଓ ଉତ୍କଣ୍ଠା , ସମସ୍ତେ ଆଜି କର୍ମତତ୍ପର ହୋଇ ଉଠିଥିବା ବେଳେ  ପରିଣତ ବୟସ ରେ ଉପନୀତ ହୋଇଥିବା ବୃଦ୍ଧ  ଓ ବୃଦ୍ଧା ଙ୍କ ମନରେ ଶ୍ରଦ୍ଧା ଓ  ଭକ୍ତି ଦ୍ଵିଗୁଣିତ ହେବା ସହ  ପୁଣିଥରେ ମନ୍ଦିର ର ପୁରୁଣା ଇତିହାସ  ତାଙ୍କ ଆଖିରେ  ଜୀବନ୍ତ ହୋଇ  ଆନନ୍ଦାଶ୍ରୁ  ହୋଇ ବହି ଯାଉଛି । ୧୭୦୦ ମସିହାରୁ ଯେଉଁ ମନ୍ଦିର ନିର୍ମାଣ ନିମନ୍ତେ ଲୋକେ ସ୍ବପ୍ନ ଦେଖିଥିଲେ, ତାହା ପୁରଣ ହୋଇଥିଲା ୧୯୭୪ ମସିହାରେ । ସେତେବେଳେ ପ୍ରଭୁ ଶ୍ରୀ ଜଗନ୍ନାଥ ପୂଜା

ପାଉଥିଲେ ଏକ ଚାଳ ଛପର କୁଡ଼ିଆରେ ।  ଆଜି କିନ୍ତୁ ପାଖାପାଖି ୧୯ ଏକର ଜମି ରହିଛି ମନ୍ଦିର ନାମରେ । ଏହି ମନ୍ଦିର ପାଇଁ ଅନେକ ବଦାନ୍ୟ ବ୍ୟକ୍ତି ସ୍ଵତଃ ସ୍ପୂର୍ତ୍ତ ଭାବରେ ଜମି ଦାନ କରିଥିଲେ, ସେମାନଙ୍କ ମଧ୍ୟରୁ  ହୁଏତ ଆଉ କେହି ଜୀବିତ ନାହାନ୍ତି , କିନ୍ତୁ ତାଙ୍କ ଦାନର ସ୍ମୃତି ସ୍ତମ୍ଭ ସ୍ୱରୂପ  ଆଜି ଏହି ଜଗନ୍ନାଥ ମନ୍ଦିର ଟି  ଛିଡ଼ା ହୋଇ ରହିଛି ।ଆସନ୍ତା ୨୧ ତାରିଖରୁ ଏହାର ସୁବର୍ଣ୍ଣ ଜୟନ୍ତୀ ଆରମ୍ଭ ହେବ । ଏ ନେଇ  ପ୍ରସ୍ତୁତି ଜୋର୍ ଧରିଛି ।
  ତିନି ଦିନ ଧରି ଚାଲିବ ଏହି ଜୟନ୍ତୀ ଉତ୍ସବ ।ଏଥିପାଇଁ  ବିଭିନ୍ନ ସ୍ଥାନ ଗୁଡିକ ବଛାଯାଇଛି । ନବ କୁଣ୍ଡିୟ ଯଜ୍ଞ ପାଇଁ ଯଜ୍ଞ ସ୍ଥଳୀ ରୂପେ ବଛାଯାଇଛି ମାଧବ ପ୍ରଧାନ ଙ୍କ ଜମି,  ପାରାୟଣ କାର୍ଯ୍ୟକ୍ରମ ପାଇଁ ନରସିଂହ ମନ୍ଦିର ସମ୍ମୁଖ ସ୍ଥାନ, ହେଲୋ କିଡ୍ସ ସ୍କୁଲ୍ ପାଖରେ ମୀନା ବଜାର ଓ ଅନ୍ନ ପ୍ରସାଦ ବଣ୍ଟନ ର ବ୍ୟବସ୍ଥା  ପାଇଁ ସ୍ଥାନ ନିରୂପଣ କରାଯାଇ ତାର ସlଜ ସଜ୍ଜା  କାମ ଚାଲିଛି ।ସୁଦୂର ସମ୍ବଲପୁର ଜିଲ୍ଲାର ବାମରା ଅଞ୍ଚଳରୁ ୧୫ ଜଣ ମହିଳା ମାନେ  ଆସି ଯଜ୍ଞ କୁଣ୍ଡ ର ନିର୍ମାଣ, ଲିପା ପୋଛା  କାମରେ ଲାଗିଛନ୍ତି ।ସେହିପରି ଆକର୍ଷଣୀୟ ଆଲୋକ ସାଜସଜ୍ଜା ପାଇଁ ଅତାବିରା  ବ୍ଲକ ଅନ୍ତର୍ଗତ ତାଜଟିକ୍ରା ର ଲାଇଟ୍ ଆଣ୍ଡ ସାଉଣ୍ଡ  ପାଞ୍ଚ ଦିନ ହେଲା କାମରେ ଲାଗିଛନ୍ତି ।  ଅତାବିରା ସହର ତଥା ବସ୍ତି  ର  ଦକ୍ଷତା ସମ୍ପନ୍ନ  ବ୍ୟକ୍ତି ମାନଙ୍କୁ ଦାୟିତ୍ଵ ବଣ୍ଟନ ତଥା ଜୟନ୍ତୀ ମହୋତ୍ସବ କୁ ସୁଚାରୁ ରୂପେ ସଂପାଦନ ଓ ସଫଳ କରିବା ପାଇଁ  କାର୍ଯ୍ୟଭାର ମାନ ଅର୍ପଣ କରାଯାଇଛି । ଏହି ଜୟନ୍ତୀ ପାଇଁ ପ୍ରଚାର ପ୍ରସାର ମଧ୍ୟ

ଜୋର୍ ଧରିଛି ।କେମିତି ଅଧିକରୁ ଅଧିକ ଶ୍ରଦ୍ଧାଳୁ ଏହି ଜୟନ୍ତୀ ରେ ସାମିଲ ହୋଇ ଜଗନ୍ନାଥ ଙ୍କ ଦର୍ଶନ କରି ପାରିବେ ,ସେ ନେଇ ସୁରକ୍ଷା ଓ ଶୃଙ୍ଖଳା  ବ୍ୟବସ୍ଥା  ପ୍ରତି ମଧ୍ୟ ବିଶେଷ ଧ୍ୟାନ ଦିଆଯାଉଛି ।  ବିପୁଳ ଶ୍ରଦ୍ଧାଳୁ ଙ୍କ ଭିଡ଼  ଜମିବାର ସମ୍ଭାବନା  କରାଯାଉଛି, ତେଣୁ ଗ୍ରୀଷ୍ମ ପ୍ରବାହ କୁ ଦୃଷ୍ଟି ରେ ରଖି  , ସେମାନଙ୍କ ସୁରକ୍ଷା କୁ ପ୍ରାଥମିକତା ଦିଆଯାଉଥିବା  କର୍ମକର୍ତ୍ତା ମାନଙ୍କ ଠାରୁ ସୂଚନା ରହିଛି ।