21-Mar-2025

ସମ୍ବଲପୁର ଜିଲ୍ଲା ରେଢ଼ାଖୋଲ -ବୌଦ୍ଧ ରାସ୍ତାର କଦଳୀ ଗଡ ଟୋଲ୍ ଗେଟ୍ ନିକଟରୁ ଗୁରୁବାର ସକାଳେ ଅବକାରୀ ବିଭାଗ ପକ୍ଷରୁ ଚଢାଉ କରାଯାଇ ଏକ କାର (ଓଡି-୧୯-ଏକ୍ସ-୫୬୦୧ )ସହ ୩୭ କେଜି  ଗଞ୍ଜେଇ ଜବତ କରି ୪ ଜଣକୁ ଗିରଫ କରି କୋର୍ଟ ଚାଲାଣ କରାଯାଇଛି । ଗିରଫ  ଅଭିଯୁକ୍ତ ମାନେ ହେଲେ  ବୌଦ୍ଧ ଜିଲ୍ଲା ରମ୍ଭିକଟା ଗାଁର ମୁକେଶ ସେଠି (୩୮) ,  ଦେବଗଡ଼ ଜିଲ୍ଲା କଲା ଗାଁର ରଞ୍ଜିତା ନାଏକ (୩୦) ,  ଉତର ପ୍ରଦେଶ କୁଶିନଗର ସେଓରାହି ଅଞ୍ଚଳର ପ୍ରଦିପ, ବିହାର ରାଜ୍ୟ ଓ୍ବେଷ୍ଟ ଚାମ୍ପାରନ ଜିଲ୍ଲା ବିହିପକଡି ମଚ୍ଛାଉର୍ପ ଗାଁ ର  ରବି ଶାନ୍ତି(୨୮)  । ଏମାନେ ଗୁରୁବାର ସକାଳେ ବୌଦ୍ଧ ରୁ ରେଢ଼ାଖୋଲ ପଟକୁ ଏକ କାରରେ ଗଞ୍ଜେଇ ଚାଲାଣ କରୁଥିଲେ ।  ଏନେଇ ଖବରପାଇ ରେଢ଼ାଖୋଲ ଅବକାରୀ ବିଭାଗ ପକ୍ଷରୁ  କଦଳୀ ଗଡ ଟୋଲଗେଟ୍ ରେ  ଚଢାଉ କରି କାର ସହ ଗଞ୍ଜେଇ ଜବତ କରି ଏମାନଙ୍କୁ ଗିରଫ କରି କୋର୍ଟ ଚାଲାଣ କରାଯାଇଥିବା ଅବକାରୀ ବିଭାଗ ପକ୍ଷରୁ ସୂଚନା ଦିଆଯାଇଛି ।