08-Mar-2025

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲା ପଦ୍ମପୁର ରାଜବୋଡାସମ୍ବର ପଞ୍ଚାୟତ ସମିତି ଅଧିନସ୍ଥ ଦର୍ଲିଗୁଡା ଗ୍ରାମ ଦାଶ ପରିବାର ର ଅବସର ପ୍ରାପ୍ତ ସିଆଇଏସଏଫ ଡେପୁଟି କମାଣ୍ଡେଣ୍ଟ ମନୋଜ କୁମାର ଦାଶ ଙ୍କୁ ପ୍ରେସିଡେଣ୍ଟ ପୋଲିସ ମେଡାଲରେ ସମ୍ବର୍ଦ୍ଧିତ କରାଯାଇଛି।ଭାରତୀୟ କେନ୍ଦ୍ରୀୟ ଆଦୌତିକ ସୁରକ୍ଷା ବଳ ସିଆଇଏସଏଫ ତାଳିମ କେନ୍ଦ୍ର ଆରାକେନ୍ନମ (ଚେନ୍ନାଇ) ଠାରେ ଆୟୋଜିତ ୫୬ତମ ପ୍ରତିଷ୍ଠା ଦିବସରେ ଏହି ସମ୍ମାନ ପ୍ରଦାନ କରାଯାଇଛି।କେନ୍ଦ୍ର ଗୃହ ମନ୍ତ୍ରୀ ଅମିତ ସାହା ମୁଖ୍ୟ ଅତିଥି ଭାବରେ ଯୋଗଦାନ କରିଥିଲେ।ଶ୍ରୀ ଦାଶ ୨୦୧୪ରେ ମଧ୍ୟ ଦେଶ ମାତୃକାର ଉତ୍ତମ ସେବା କରି ପ୍ରେସିଡେଣ୍ଟ ପୋଲିସ ମେଡାଲ ସହ ଅନେକ ପୁରସ୍କାର ପାଇଥିଲେ।ମନ୍ତ୍ରୀ ଶ୍ରୀ ସାହା ନିଜର ଭାଷଣ କ୍ରମରେ ମନୋଜ ଦାଶ ଙ୍କ କାର୍ଯ୍ୟକଳାପର ଉଚ୍ଚ ପ୍ରଶଂସା କରିଥିଲେ।ପଦ୍ମପୁର ର ଏକ ପଲ୍ଲୀରୁ ଯାଇ ଉଚ୍ଚ ପଦବୀରେ ଥାଇ ଉତ୍ତମ ସେବା ଦେଇ ସମ୍ବର୍ଦ୍ଧିତ ହେବା ଏହା ଅଞ୍ଚଳ ପାଇଁ ଏକ ଗୌରବ।