07-Mar-2025

ବରଗଡ଼:(ନିରଞ୍ଜନ ତ୍ରିପାଠୀ)-ଭାଷା ଓ ସାହିତ୍ୟ ଏକତା ର ସୂତ୍ର ।ଦେଶର ଅଖଣ୍ଡତା ଓ ଏକତା ରକ୍ଷା ର ବାର୍ତ୍ତା  ସାହିତ୍ୟ ରେ ହିଁ ପ୍ରତିଫଳିତ ହୋଇଥାଏ ।ସାହିତ୍ୟ ର ଆଦର ସବୁଠାରେ ରହିଥାଏ ତାହା ପ୍ରମାଣିତ ହୋଇଛି । ଗତ ବୁଧବାର ବରଗଡ଼ ର ଜଣା ଶୁଣା କବି ବିଷ୍ଣୁ ଚରଣ ପ୍ରଧାନ ପଡୋଶୀ ରାଜ୍ୟ ଛତିଶଗଡ ମୁଖ୍ୟ ମନ୍ତ୍ରୀ ବିଷ୍ଣୁ ଦେବ ସହାୟ ଙ୍କୁ ଭେଟି "ସତ୍ କଥା","ସାନ ଭାଇ ଟା କାଇଁ ଯେ ଦେଇ ନେ ପାରେ",ଆର୍ କୋଶଳ ରାଏଜ୍ ଆମର ହକ୍ " ନାମକ ତିନି ଖଣ୍ଡ କୋଶଲୀ ପୁସ୍ତକ ଉପହାର ପ୍ରଦାନ କରିଛନ୍ତି ।ଏହି ଅବସର ରେ ମୁଖ୍ୟମନ୍ତ୍ରୀ ଶ୍ରୀ ସହାୟ କବି ଙ୍କ ସାରସ୍ଵତ ସୃଷ୍ଟି କୁ ପ୍ରଶଂସା କରିବା ସହ ପୁସ୍ତକ ଉପହାର ଦେଇଥିବାରୁ ଧନ୍ୟବାଦ୍ ଜଣାଇଥିଲେ । ଏଥି ସହିତ ଆଗାମୀ ଦିନ ରେ ବହୁ ଭାଷୀ  କବି ବିଷ୍ଣୁ ଚରଣ ପ୍ରଧାନ ଙ୍କ ଦ୍ଵାରା ପ୍ରକାଶିତ ହେବାକୁ ଥିବା ୧୦୨ କବିତା ସନ୍ନିବେଶିତ ବହୁ ଭାଷୀ କବିତା ପୁସ୍ତକ "ଲହର " ର ସଫଳତା ପାଇଁ ଶୁଭେଛା ବାର୍ତ୍ତା ମଧ୍ୟ ପ୍ରଦାନ କରିଛନ୍ତି ।ତେବେ ପଡୋଶୀ ରାଜ୍ୟ ର ମୁଖ୍ୟମନ୍ତ୍ରୀ ଙ୍କୁ ଭେଟି ଆମ ଅଞ୍ଚଳ ର ସାହିତ୍ୟ ଓ ସଂସ୍କୃତି ସମ୍ବଳିତ ପୁସ୍ତକ ପ୍ରଦାନ କରାଯାଇଥିବାରୁ କବି ବିଷ୍ଣୁ ଚରଣ ପ୍ରଧାନ ଙ୍କୁ ପଶ୍ଚିମ ଓଡ଼ିଶା କଳାକାର ମହାସଂଘ ସମେତ ବରଗଡ଼ ଜିଲ୍ଲା ର ବିଭିନ୍ନ ସାହିତ୍ୟ ଅନୁଷ୍ଠାନ ତରଫରୁ ତାଙ୍କ ଉଦ୍ୟମ କୁ ଭୂୟସୀ ପ୍ରଶଂସା କରାଯାଇଛି ।