07-Mar-2025

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ଼ ବ୍ଲକ ଗୋବିନ୍ଦପୁର ଗ୍ରାମ ପଞ୍ଚାୟତ ସମ୍ମିଳନୀ କକ୍ଷରେ ଶୁକ୍ରବାର ସ୍ଥାନୀୟ ସରପଞ୍ଚ ପ୍ରଫୁଲ୍ଲ କୁମାର ନାଏକଙ୍କ ଅଧ୍ୟକ୍ଷତାରେ ଆନ୍ତର୍ଜାତୀୟ ମହିଳା ଦିବସ ଉପଲକ୍ଷେ ସ୍ବତନ୍ତ୍ର ଗ୍ରାମ ସଭା ଅନୁଷ୍ଠିତ ହୋଇ ଯାଇଛି ।ଉକ୍ତ ବୈଠକରେ ସୁଭଦ୍ରା ଯୋଜନାର ସଫଳ ରୂପାୟନ  ଓ କାର୍ଯ୍ୟକାରିତା ବାଲ୍ୟ ବିବାହ ସମାପ୍ତ କରିବା ,ବାଳିକା ଶିକ୍ଷା କୁ ପ୍ରୋତ୍ସାହିତ କରିବା ,ମହିଳା ସଶକ୍ତି କରଣ ଓ ଉଦ୍ୟୋଗୀ ସୃଷ୍ଟି କରିବା,ସ୍ୱାସ୍ଥ୍ୟ ପୁଷ୍ଟିକରଣ ପାଇଁ ସଚେତନତା ଭଳି ବିଷୟ ଉପରେ ଆଲୋଚନା ହୋଇଥିଲା। ପଞ୍ଚାୟତ ନିର୍ବାହୀ ଅଧିକାରୀ ଡୋଳାମଣି ପ୍ରଧାନଙ୍କ ସଂଯୋଜନାରେ ଅନୁଷ୍ଠିତ ଏହି ସଭାରେ ସିଡିପିଓ ସୁପର ଭାଇଜର ମୌସୁମୀ ରଏ,ଜିପିଏଲଫ ଝରଣା ଦାଶ,ସି.ଏଚ.ଓ କରୁଣା ବାରୁ, ମହିଳା ସ୍ୱାସ୍ଥ୍ୟ କର୍ମୀ ପଦ୍ମିନୀ ଆଚାର୍ଯ୍ୟ,ପଞ୍ଚାୟତ ଡାଟା ଏଣ୍ଟ୍ରି ଅପରେଟର ସଞ୍ଜୟ ପ୍ରଧାନ ଆଦର୍ଶ ବିଦ୍ୟାଳୟ ଶିକ୍ଷୟିତ୍ରୀ ପାର୍ବତୀ ବିଜୟା ପ୍ରମୁଖଙ୍କ ସମେତ ପଞ୍ଚାୟତ ୧୫ ରୁ ଉର୍ଦ୍ଧ୍ବ ମହିଳା ସ୍ୱୟଂ ସହାୟକ ଗୋଷ୍ଠୀର ଶତାଧିକ ସଭ୍ୟା ଯୋଗ ଦେଇଥିଲେ ।ତେବେ ସ୍ଥାନୀୟ ସରପଞ୍ଚ ଶ୍ରୀ ନାଏକ ପଞ୍ଚାୟତ ର  ପ୍ରତିଟି ବିକାଶ କାର୍ଯ୍ୟରେ ମହିଳା ମାନଙ୍କ ସହଭାଗିତା ଅତ୍ୟନ୍ତ ଜରୁରୀ ବୋଲି ଉଲ୍ଲେଖ କରି ଆନ୍ତର୍ଜାତୀୟ ମହିଳା ଦିବସ ର ଶୁଭେଚ୍ଛା ଓ ଅଭିନନ୍ଦନ ଜଣାଇଥିଲେ ।