05-Mar-2025

ବଲାଙ୍ଗିର:(ପ୍ରେରଣା)-ଦେଶ ଓ ସମାଜ ର ଉନ୍ନତି ପାଇଁ ଶିକ୍ଷା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ବେଲପଡ଼ା ବ୍ଲକର ମଣ୍ଡଳ ଗ୍ରାମର  ଶ୍ରୀ ଅଭୟ ପ୍ରସାଦ ଠାକୁର ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟର ବାର୍ଷିକ ଉତ୍ସବ ତା ୪.୦୩.୨୫ ରିଖ ଦିନ ୧୦ ଟା ସମୟରେ ବିଦ୍ୟାଳୟ ପରିସରରେ ଅନୁଷ୍ଠିତ ହୋଇଯାଇଛି । ସ୍କୁଲର ପ୍ରଧାନ ଶିକ୍ଷକ ବୁଲୁ ବଗର୍ତ୍ତିଙ୍କ ଅଧ୍ୟକ୍ଷତା ଓ ଯୁବକବି, ଗାଳ୍ପିକ,ଶ୍ରୀଯୁକ୍ତ - ଆଶୁତୋଷ ଠାକୁରଙ୍କ ପରିଚାଳନାରେ ଅନୁଷ୍ଠିତ ସଭା ରେ ମୁଖ୍ୟ ଅତିଥି ଭାବରେ ବେଲପଡ଼ା ବିଡ଼ିଓ ରାଜେଶ ମେହେର,ଓ ସମ୍ମାନୀତ ଅତିଥି ଭାବରେ ବ୍ଲକ ଶିକ୍ଷାଧିକାରୀ ଅଭିନବ ମିଶ୍ର,ଗ୍ରୁରୁ ଶ୍ରୀ ମୋହନ ଦାସ ଠାକୁର,ବିଶ୍ବମ୍ବର ଠାକୁର ଯୋଗ ଦେଇ ଥିଲାବେଳେ ମୁଖ୍ୟ ବକ୍ତା ଭାବରେ ଶିକ୍ଷ୍ୟାବିତ ମନୋରଞ୍ଜନ ପୁରୋହିତ ଯୋଗ ଦେଇ ସମାଜ ଓ ଦେଶର ଉନ୍ନତି ଉପରେ ଶିକ୍ଷାର ଭୂମିକା ଗୁରୁତ୍ୱପୂର୍ଣ୍ଣ  କହି ଛାତ୍ରଛାତ୍ରୀଙ୍କୁ ବିଭିନ୍ନ ହିତୋପଦେଶ ଦେଇଥିଲେ। ସଭାରେ ସ୍ଵତନ୍ତ୍ର ଅତିଥି ଭାବରେ ବିଧାୟକ ପ୍ରତିନିଧି  ତନ୍ମୟ ଦାସ, ସାଂସଦ ପ୍ରତିନିଧି କୁନୁ ମୁଣ୍ଡା, ସମେତ ସ୍କୁଲ ପରିଚାଳନା କମିଟି ସଭାପତି ଓ ସଭ୍ୟ ମାନେ ଯୋଗଦେଇଥିଲେ । ସଭା ପୂର୍ବରୁ ଅତିଥିଗଣ ସ୍କୁଲର ପ୍ରତିଷ୍ଠାତା ସ୍ଵର୍ଗତ ଅଭୟ ପ୍ରସାଦ ଠାକୁରଙ୍କ ପ୍ରତିମୂର୍ତ୍ତିରେ  ମାଲ୍ୟାର୍ପଣ କରି ସ୍ଵାଗତ ଠାକୁର ଶିକ୍ଷାର ବିକାଶ ପାଇଁ ଅଞ୍ଚଳରେ ତାଙ୍କ ଭୂମିକା ଉପରେ ସ୍ମୂତିଚାରଣ କରିଥିଲେ । ସଭା ପରେ ବିଦ୍ୟାଳୟରେ ଅନୁଷ୍ଠିତ ବିଭିନ୍ନ ପ୍ରତିଯୋଗୀତାର କୃତି ମାନଙ୍କୁ ଅତିଥି ଗଣ ମାନପତ୍ର ଓ ପୁରସ୍କାର ଦେଇ ସମ୍ମାନୀତ କରିଥିଲେ । ପରେ ଛାତ୍ରୀଛାତ୍ରଙ୍କ ଦ୍ଵାରା ବିଭିନ୍ନ ପ୍ରକାରର ସାଂସ୍କୃତିକ କାର୍ଯକ୍ରମ ହୋଇଥିଲା । ଏହି କାର୍ଯ୍ୟକ୍ରମରେ ବିଦ୍ୟାଳୟର ଶିକ୍ଷକ ଶିକ୍ଷୟତ୍ରୀ  ଓ ସ୍କୁଲ ପରିଚାଳନା କମିଟିର ସଭ୍ୟ ମାନେ ସହଯୋଗ କରିଥିଲେ । ଶେଷରେ ଶିକ୍ଷକ ଜଗଜୀବନ ଖମାରୀ ଧନ୍ୟବାଦ ଅର୍ପଣ କରିଥିଲେ।