05-Mar-2025

               
  ସମ୍ବଲପୁର- (ସଂଜୀବ ପାଣିଗ୍ରାହୀ) ସମ୍ବଲପୁର ର ଅଇଁଠାପାଲି  ସ୍ଥିତ ବିର୍ସା ମୁଣ୍ଡା (ପି.ଏଚ୍.ଇ.ଡି ପଡିଆ) ରେ “ସୁଭଦ୍ରା ଶକ୍ତି ମେଳା” ର ଉଦ୍ଘାଟନୀ ଉତ୍ସବ ମହାସମାରୋହରେ ଅନୁଷ୍ଠିତ ହୋଇଯାଇଛି ।ଉକ୍ତ ଉଦ୍ଘାଟନୀ ଉତ୍ସବ ରେ  ସମ୍ବଲପୁର ଜିଲ୍ଲାପାଳ-ଶ୍ରୀ ସିଦ୍ଧେଶ୍ଵର ବଳିରାମ ବୋନ୍ଦର(ଆଇ.ଏ.ଏସ),  ଅତିରିକ୍ତ ଜିଲ୍ଲାପାଳ(ରାଜସ୍ୱ) ଶ୍ରୀ ସୁଧାଂଶୁ କୁମାର ଭୋଇ, ଜିଲ୍ଲା ମୁଖ୍ୟ ଉନ୍ନୟନ ଅଧିକାରୀ ଶ୍ରୀ ପ୍ରସନ୍ନ କୁମାର ପାତ୍ର, ଜିଲ୍ଲା ସମାଜ ମଙ୍ଗଳ ଅଧିକାରୀ ରେଣୁବାଳା ନନ୍ଦ  ପ୍ରମୁଖ ଉପସ୍ଥିତ ଥିଲେ। ଚଳିତ ମାର୍ଚ୍ଚ ମାସ ୫ ତାରିଖ  ରୁ ୧୧ ତାରିଖ ପର୍ଯ୍ୟନ୍ତ ଏହି ମେଳା ଚାଲିବ । 
                ସମ୍ବଲପୁର ଜିଲ୍ଲାପାଳ, ଶ୍ରୀ ସିଦ୍ଧେଶ୍ଵର ବଳିରାମ ବୋନ୍ଦର(ଆଇ.ଏସ.ଏ) ଉଦ୍ଘାଟନୀ ଉତ୍ସବ ରେ  ଯୋଗ ଦେଇ ନିଜ ଅଭିଭାଷଣରେ, ସୁଭଦ୍ରା ଶକ୍ତି ମେଳା ଆୟୋଜନ କରିବା ପାଇଁ ସମ୍ବଲପୁର ଜିଲ୍ଲା  କୁ ସୌଭାଗ୍ୟ ମିଳିଛି ବୋଲି କହିଥିଲେ    ।କହିଥିଲେ  ମହିଳା ସୟଂ ସହାୟକ ଗୋଷ୍ଠୀଗୁଡ଼ିକ (SHGs) ନିଜର ଉତ୍ପାଦନ ବିକ୍ରୟ କରିବା ପାଇଁ ଏକ ମଞ୍ଚ ପାଇବେ, ଯେଉଁଠି ସେ ନିଜର କୌଶଳ, ଉଦ୍ୟମିତା ପଦର୍ଶନ କରିପାରିବେ ଏବଂ peer learning ର ମଧ୍ୟ ସୁଯୋଗ ମିଳିବ । ଏଥିସହିତ ଦର୍ଶକ ମାନଙ୍କର ମନୋରଞ୍ଜନ ପାଇଁ ପ୍ରତିଦିନ ସଂନ୍ଧ୍ୟାରେ ସାଂସ୍କୃତିକ କାର୍ଯ୍ୟକ୍ରମ ସହିତ ପାରମ୍ପରିକ ନୃତ୍ୟକଳା ଆୟୋଜନ ମଧ୍ୟ ହୋଇଛି | ସୁଭଦ୍ରା ଯୋଜନା ଅନ୍ତର୍ଗତ ସମ୍ବଲପୁର ଜିଲ୍ଲାର ପ୍ରାୟ  ୨,୬୦,୦୦୦ ଜଣ beneficiary ଅଛନ୍ତି ।   ଓଡିଶା ସରକାର ଆସନ୍ତା ମାର୍ଚ୍ଚ ମାସ ୮ ତାରିଖରେ ସୁଭଦ୍ରା ଯୋଜନା ର ଦ୍ଵିତୀୟ କିସ୍ତି ମହିଳା ହିତାଧିକାରୀଙ୍କୁ ପ୍ରଦାନ କରିବେ ବୋଲି ଜିଲ୍ଲାପାଳ ସୂଚନା ଦେଇଥିଲେ।

                     ସାତ ଦିନ ବ୍ୟାପି ହେବାକୁ ଥିବା ଏହି ମେଳାରେ ୧୫୦ ଷ୍ଟଲରେ ରାଜ୍ୟସାରା ବିଭିନ୍ନ ପ୍ରକାର ଦ୍ରବ୍ୟ ବିକ୍ରି ହେବ । ଏହି ମେଳାରେ ଓଡିଶାର ସମସ୍ତ ଜିଲ୍ଲା ରୁ ମହିଳା ସୟଂ ସହାୟକ ଗୋଷ୍ଠୀ / ଉତ୍ପାଦକ ଗୋଷ୍ଠୀ, ବୁଣାକାର, କାରିଗର ଓ ଶିଳ୍ପୀ ମାନଙ୍କ ଦ୍ବାରା ପ୍ରସ୍ତୁତ ଦ୍ରବ୍ୟ,ହସ୍ତଶିଳ୍ପ ଓ କଳାକୃତି, ମିଲେଟ, ଅର୍ଗାନିକ ଉତ୍ପାଦ ଓ ପାରମ୍ପରିକ ସୁସ୍ବାଦୁ ଖାଦ୍ୟ ଯଥା ଆରିସା ପିଠା,ମଣ୍ଡା ପିଠା, ବୁନ୍ଦି ଖଜା, କାକରା, ମାଲପୁଆ, ରସବରା,  ଲସତଲା ପିଠା ଆଦି ର ପ୍ରଦର୍ଶନୀ ଏବଂ ବିକ୍ରୟ କରିବେ।