05-Mar-2025

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ଼ର ଦାତବ୍ୟ ଅନୁଷ୍ଠାନ ଫିଡ୍ ତରଫରୁ ଅତାବିରା ବ୍ଲକ ଅନ୍ତର୍ଗତ  ଗଡତିଆ ପାଲି ଗ୍ରାମର ବିଜୟା ମହାନନ୍ଦଙ୍କୁ ତାଙ୍କର ବି.ଟେକ ପ୍ରଥମ ବର୍ଷରେ ପାଠ ପଢା ନିମନ୍ତେ ସାହାଯ୍ୟ କ୍ରମେ  ଦଶ ହଜାର ଟଙ୍କାର ସହାୟତା ରାଶି ଯୋଗାଇ ଦିଆ ଗଲା। 
ମେଧାବୀ ଛାତ୍ରୀ  ବିଜୟା ସିଭିଲ ଟ୍ରେଡ୍ ରେ ଡିପ୍ଲୋମା ରେ ଉତ୍ତୀର୍ଣ୍ଣ ହେଲା ପରେ  ବ୍ରହ୍ମପୁର ସହରରେ ପାରଳା ମହାରାଜା ଇଂଜିନିୟରିଂ କଲେଜରେ ବି.ଟେକ ରେ ପ୍ରଥମ ବର୍ଷ ଅଧ୍ୟୟନ କରୁଛନ୍ତି। ତେବେ ପାଠ ପଢୁଥିବା ସମୟରେ ତାଙ୍କୁ ପାଠ୍ୟପୁସ୍ତକ, ଖାଇବା ଖର୍ଚ୍ଚ ଏବଂ ହଷ୍ଟେଲ ଫି  ଇତ୍ୟାଦି ଖର୍ଚ୍ଚ ପାଇଁ  ଆବଶ୍ୟକ ଅର୍ଥ ତାଙ୍କର ପରିବାରବର୍ଗ ଯୋଗାଇ ପାରୁ ନଥିବାରୁ ବିଜୟା ଙ୍କ ବାପା ଶ୍ରୀ ସଜବନ୍ତ ମହାନନ୍ଦ ଆର୍ଥିକ ସହାୟତା ନିମନ୍ତେ ଫିଡ୍ ଟ୍ରଷ୍ଟ ର ଦ୍ବାରସ୍ଥ ହୋଇଥିଲେ।  ଫିଡ୍ ଟ୍ରଷ୍ଟ ର ଚେୟାର ମେନ୍ ଶ୍ରୀ ଫଣିନ୍ଦ୍ର କୁମାର ତାଣ୍ଡିଙ୍କ ନେତୃତ୍ୱରେ  ଏକ ଟିମ୍  ଗଡତିଆ ପାଲିରେ ପହଞ୍ଚି ବିଜୟା ଙ୍କ ପରିବାର ର ହାଲ ଚାଲ୍ ପଚାରି ବୁଝି ଥିଲେ ଏବଂ ସେଇଠି ତାଙ୍କୁ ଦଶ ହଜାର ଟଙ୍କାର ସହାୟତା ରାଶି ପ୍ରଦାନ କରି ଥିଲେ। ଏହି ସମୟରେ ବିଜୟା ଙ୍କର ପିତାମାତା ସହିତ ଫିଡ୍ ର ଚେୟାରମେନ  ଫଣିନ୍ଦ୍ର କୁମାର ତାଣ୍ଡି , ଉପଦେଷ୍ଟା ଗୁରୁଚରଣ ହରିପାଲ ଓ ଫିଡ ର ସଦସ୍ୟ ସୁବାସ ତାଣ୍ଡି  ପ୍ରମୁଖ ଉପସ୍ଥିତ ଥିଲେ। ପ୍ରକାଶ ଥାଉ କି ବିଜୟା ଙ୍କ ଆଡ଼ମିଶନ ସମୟରେ ମଧ୍ୟ ତାଙ୍କୁ ୨୦୦୦୦/- ଟଙ୍କାର ସହାୟତା ପ୍ରଦାନ କରା ଯାଇ ଥିଲା।
 ଫିଡ୍ ର ଏହି ଉଦ୍ୟମକୁ ସମସ୍ତ ମହଲରେ ପ୍ରଶଂସା କରା ଯାଉଛି।