02-Mar-2025

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ ଜିଲ୍ଲା ବରଗଡ଼ ବ୍ଲକ ଅନ୍ତର୍ଗତ ଏସ.ଡୁମ୍ବେରପାଲି ଠାରେ ଆସନ୍ତା ତା ୦୫.୦୩.୨୦୨୫ ବୁଧବାର ଠାରୁ ତା ୧୦.୦୩.୨୦୨୫ ରିଖ ସୋମବାର ଦିର୍ଘ ୬ ଦିନ ଧରି ଶ୍ରୀଶ୍ରୀ ଶନି ମନ୍ଦିର ପ୍ରତିଷ୍ଠା ମହୋତ୍ସବ ପାଇଁ କମିଟି ପକ୍ଷରୁ ବ୍ୟାପକ ପ୍ରସ୍ତୁତି ଚାଲିଛି।ଏଇ ପରିପ୍ରେକ୍ଷୀରେ ବୁଧବାର ରତ୍ନମୁଦ ଓ କଳସ ଯାତ୍ରା, ଗୁରୁବାର ମଣ୍ଡପ ସଂସ୍କାର ଓ ଅଗ୍ନି ସ୍ଥାପନ, ଶୁକ୍ରବାର ମଣ୍ଡପ ପୂଜନ ଏବଂ ଧ୍ୟାନାଭିଷେକ, ଶନିବାର ପ୍ରାଣ ପ୍ରତିଷ୍ଠା,ରବିବାର ମନ୍ଦିର ଶୈାଧ ପ୍ରତିଷ୍ଠା ଏବଂ ସିଂହାସନ ପ୍ରତିଷ୍ଠା, ସୋମବାର ବିଗ୍ରହ ପ୍ରବେଶ ସାଙ୍ଗକୁ ପୂର୍ଣ୍ଣାହୂତି କାର୍ଯ୍ୟକ୍ରମ ରହିଥିବା ବେଳେ ମହୋତ୍ସବ ସକାଶେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଯଥା ରାବଣ ଦରବାର,ଗଣନାଟ୍ୟ, ଦଣ୍ଡ ନୃତ୍ୟ, କୃଷ୍ଣଗୁରୁ ଭଜନ ସମାରୋହ ତଥା ପାରାୟଣ ଆଦି ଅନୁଷ୍ଠିତ ହେବାର କାର୍ଯ୍ୟକ୍ରମ ରହିଛି। ଏସମସ୍ତ କାର୍ଯ୍ୟକ୍ରମର ତଦାରଖ ସକାଶେ ଗ୍ରାମବାସୀ ପକ୍ଷରୁ ଏକ କମିଟି ଗଠନ କରାଯାଇଛି। ସଭାପତି ଭାବେ ଚିତ୍ତରଞ୍ଜନ ସାହୁ, ଉପସଭାପତି ନିରାକାର ସାହୁ, ସାଧାରଣ ସମ୍ପାଦକ ପ୍ରହଲ୍ଲାଦ ପାଣିଗ୍ରାହୀ,ସହ ସମ୍ପାଦକ ଦିଲିପ ସାହୁ, କୋଷାଧ୍ୟକ୍ଷ ଭାବେ ପିତାମ୍ବର ସାହୁ ଏବଂ ଉପଲ ଲୁହା, ବିଶ୍ୱନାଥ ସାହୁଙ୍କୁ ଗୁରୁଦାୟିତ୍ଵ ଦିଆଯାଇଛି। ଉକ୍ତ ପ୍ରତିଷ୍ଠା ମହୋତ୍ସବରେ ୨୦ ଜଣ ଦମ୍ପତି କର୍ତ୍ତା ଭାବରେ ଦାୟିତ୍ଵ ତୁଲାଇବାକୁ ନିଷ୍ପତ୍ତି ଗ୍ରହଣ କରାଯାଇଛି ବୋଲି ସାଧାରଣ ସମ୍ପାଦକ ଶ୍ରୀଯୁକ୍ତ ପାଣିଗ୍ରାହୀ ପ୍ରକାଶ କରିଛନ୍ତି।