01-Mar-2025

ବିନିକା(ହିମାଂଶୁ ଶେଖର ପୁଟେଲ) ସ୍ବାସ୍ଥ୍ୟ ହିଁ ଅମୂଲ୍ୟ ସମ୍ପଦ । ଏହି ଉକ୍ତିକୁ ପାଥେୟ କରି ଆଜି ବିନିକାର ଅଗ୍ରଣୀ ସ୍ଵେଚ୍ଛାସେବୀ ଅନୁଷ୍ଠାନ ବିନିକା ସ୍ପୋର୍ଟସ କ୍ଲବ ଓ ମୁରଲୀ କ୍ରିଷ୍ଣା ଫାଉଣ୍ଡେସନ କ୍ରିଷ୍ଣା ବିକାଶ ହସ୍ପିଟାଲର ମିଳିତ ଆନୁକୁଲ୍ୟରେ ସ୍ଥାନୀୟ  ଟାଉନ ହଲ ଠାରେ ଆୟୋଜିତ ମେଗା ସ୍ବାସ୍ଥ୍ୟ ମେଳାରେ ୪୫୭ଜଣ ରୋଗୀ ମାଗଣାରେ ଚିକିତ୍ସା ହେବା ସହିତ ମାଗଣାରେ ଔଷଧ ପାଇ ଲାଭବାନ ହୋଇଛନ୍ତି । ମେଲାରେ ମୁଖ୍ୟ ଅତିଥି ଭାବରେ ସୁବର୍ଣ୍ଣପୁର ଅତିରିକ୍ତ ଜିଲ୍ଲାପାଳ ଅଞ୍ଜଳିନା ପ୍ରଧାନ ଯୋଗଦେଇ ଦୀପ ପ୍ରଜ୍ବଳନ କରି ଉଦ୍ଘାଟନ କରିଥିଲେ l ଅନ୍ୟ ମାନଙ୍କ ମଧ୍ୟରେ ବରିଷ୍ଟ ଆଇନଜୀବୀ ସନ୍ତୋଷ ପଣ୍ଡା, ସ୍ପୋର୍ଟସ କ୍ଲବ ସଭାପତି ସୋମନାଥ ମିଶ୍ର, ଏନଏସି ଅଧ୍ୟକ୍ଷ ସୁବାସ ଭୋଇ, ସିଦ୍ଧାର୍ଥ ଡିଗ୍ରୀ କଲେଜ ଅଧ୍ୟକ୍ଷ ଧୀରେନ୍ଦ୍ର ନାୟକ, ସିଦ୍ଧାର୍ଥ ଜୁନିଅର କଲେଜ ଅଧ୍ୟକ୍ଷା ରେଖା ପ୍ରଧାନ, ମହିଳା କଲେଜ ଅଧ୍ୟକ୍ଷ ପଞ୍ଚାନନ ସାହୁ, ଅଧ୍ୟାପିକା ବୈଜୟନ୍ତୀ ସାହୁ ପ୍ରମୁଖ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ l ସହର ସମେତ ବ୍ଲକ ଅଞ୍ଚଳରୁ ରୋଗୀ ମାନେ ନିଜ ଜୀବନର ସୁରକ୍ଷିତ ପାଇଁ ଏହି ଶିବିରକୁ ଚିକିତ୍ସା ପାଇଁ ଆସିଥିଲେ । ମୋଟ ୪୫୭ ଜଣ ତାଙ୍କର ସ୍ବାସ୍ଥ୍ୟ ପରୀକ୍ଷା କରି ଲାଭବାନ ହୋଇଥିଲେ । ଚିକିତ୍ସା ଶିବିରରେ ସର୍ଜରୀ ବିଭାଗ ବିଶେଷଜ୍ଞ ଡାକ୍ତର ଶ୍ରୀବତ୍ସ ମହାପାତ୍ର,ଶିଶୁରୋଗ ବିଶେଷଜ୍ଞ ଡାକ୍ତର ନୀଳମଣି ପାତ୍ର, ଅସ୍ଥିଶଲ୍ୟ ବିଶେଷଜ୍ଞ ଡାକ୍ତର ନାରାୟଣ ପ୍ରସାଦ ମିଶ୍ର, ମେଡିସିନ ବିଭାଗରେ ଡାକ୍ତର ମୋହିତ କୁମାର, ଫିଜିଓ ଥେରାପି ବିଭାଗରେ ଡାକ୍ତର ଅମନ ଦାସ,ଦନ୍ତରୋଗ ବିଭାଗ ରେ  ବିଶେଷଜ୍ଞ ଶ୍ରଦ୍ଧା ସୁମନ ପାଲ, ଚକ୍ଷୁ ବିଭାଗରେ ଡାକ୍ତର ଭାରତୀ କୁମ୍ଭାର, ବେବି ଜାମୁ ଦୁଲିଆ ପ୍ରମୁଖ ଉପସ୍ଥିତ ରହି ରୋଗୀ ମାନଙ୍କର ସ୍ବାସ୍ଥ୍ୟ ପରୀକ୍ଷା କରି ଔଷଧ ଦେଇ ଥିଲେ । ମୁରଲୀ କ୍ରିଷ୍ଣା ଫାଉଣ୍ଡେସନ ମୁଖ୍ୟ ଅଜିତ ବାରିକଙ୍କ ପ୍ରଚେଷ୍ଟା ଓ କାର୍ଯ୍ୟକାରୀ ସଦସ୍ୟ ସୁଶାନ୍ତ କୁଣ୍ଡୁ ଏହି ମେଳା ଆୟୋଜନର ମୁଖ୍ୟ ଦାୟିତ୍ଵ ତୁଲାଇଥିଲେ ।

ସ୍ୱାସ୍ଥ୍ୟ ମେଳାରେ ରେଜିଷ୍ଟ୍ରେସନ,ଔଷଧ ବିତରଣ,ବିଭିନ୍ନ ରୋଗର ପରୀକ୍ଷା ନିମନ୍ତେ ବିକାଶ ହସ୍ପିଟାଲ ଷ୍ଟାଫ,ନର୍ସିଂ ଛାତ୍ରଛାତ୍ରୀ ନିଯୋଜିତ ହୋଇଥିଲେ । ସେହିପରି ବିନିକା ମହିଳା ଜୁନିଅର କଲେଜ ଓ ସିଦ୍ଧାର୍ଥ ଜୁନିଅର କଲେଜ ରେଡକ୍ରସ ବିଭାଗର ସ୍ଵେଚ୍ଛାସେବୀ ମାନେ ଉପସ୍ଥିତ ରହି ରୋଗୀ ମାନଙ୍କ ଚିକିତ୍ସା ଦିଗରେ ସମ୍ପୂର୍ଣ୍ଣ ସହଯୋଗ କରିଥିଲେ । ଅନ୍ୟମାନଙ୍କ ମଧ୍ୟରେ ଅବସରପ୍ରାପ୍ତ କର୍ମଚାରୀ ପ୍ରକାଶ କୁମାର ସାହୁ,ସ୍ଵେଚ୍ଛାସେବୀ ଦିପାନ୍ନିତା ମାହାଣା,ତପସ୍ଵିନୀ ମେହେର,ଯୁବ ସଂଗଠକ ଦାଶରଥି ନନ୍ଦ, ସନ୍ତୋଷ ସାହୁ,ମିଳନ ପୁଝାରୀ,ମୁକେଶ ବଗର୍ତ୍ତି,ପୀତବାସ ମେହେରଙ୍କ ସହ ବିନିକା ସ୍ପୋର୍ଟସ କ୍ଳବର। ମନୋଜ ଦାସ,ବୁଲୁ ଦଣ୍ଡିଆ,ହିମାଂଶୁ ପୁଟେଲ,ପ୍ରତାପ ସାହୁ, କପିଳ ପାତ୍ର ପ୍ରମୁଖ ସ୍ବାସ୍ଥ୍ୟ ମେଳା ପରିଚାଳନାରେ ସହଯୋଗ କରିଥିଲେ ।