01-Mar-2025

ବୌଦ୍ଧ(ଦୁର୍ଯ୍ଯୋଧନ ବିଶି):  ଭାରତକୁ ବିକଶିତ କରିବା ପାଇଁ ଚଳିତ ବର୍ଷ କେନ୍ଦ୍ର ତଥା ରାଜ୍ୟ ସରକାର ଯେଉଁ ଏଇତିହାସିକ ବଜେଟ ଉପସ୍ଥାପନା କରିଛନ୍ତି ତାହା ବୁଦ୍ଧିଜୀବୀ ସମ୍ମିଳନୀରେ ଆଲୋଚନା ହୋଇଛି l ଆଜି ସନ୍ଧ୍ୟାରେ ସ୍ଥାନୀୟ ଟାଉନହଲ ଠାରେ ଜ଼ିଲ୍ଲା ବିଜେପି ପକ୍ଷରୁ ବୁଦ୍ଧିଜୀବୀ ସମ୍ମିଳନୀର ଆୟୋଜନ କରାଯାଇଥିଲା l ସମ୍ମିଳନୀରେ ମୁଖ୍ୟ ଅତିଥି ଭାବେ ବୌଦ୍ଧ ବିଧାୟକ ତଥା ସରକାରିଦଳ ମୁଖ୍ୟ ସଚେତକ ସରୋଜ କୁମାର ପ୍ରଧାନ ଯୋଗଦେଇ କେନ୍ଦ୍ର ତଥା ରାଜ୍ୟ ସରକାରଙ୍କ ଚଳିତ ବଜେଟକୁ ସର୍ବସ୍ପର୍ଶୀ ଓ ସମାବେଶି ବୋଲି ମତପୋଷଣ କରିଥିଲେ l ଗୋଟିଏ ଶିଶୁ ଜନ୍ମ ନେବାଠାରୁ ଆରମ୍ଭ କରି ଉଚସ୍ତରୀୟ ଗବେଷଣା ଓ ଦକ୍ଷତା ବୃଦ୍ଧି ପର୍ଯ୍ୟନ୍ତ ତଥା ମାନବ ପୁଞ୍ଜିର ସର୍ବାଙ୍ଗୀନ ବିକାଶ ଏହି ବଜେଟରେ ରହିଛି ବୋଲି ପ୍ରକାଶ କରିଥିଲେ l ମୁଖ୍ୟ ବକ୍ତା ଭାବେ ଚାଚାଡ଼ ଏକାଉଟେଣ୍ଡ ସୁନ୍ଦର ପ୍ରକାଶ ଏହି ବଜେଟ ଏକ ଭବିଷ୍ୟତ ବାଦୀ ଓ ଦୁରଦୃଷ୍ଟି ସମ୍ପନ୍ନ ବଜେଟ ଏଥିରେ ମଧ୍ୟ୍ୟବିତ୍ତ ଶ୍ରେଣୀ ଲୋକଙ୍କ ପାଇଁ ଅନେକେ ସୁବିଧା ରହିଛି ବୋଲି ଆଲୋଚନା କରିଥିଲେ l ଦଳର ପୂର୍ବତନ ସଭାପତି ବିପ୍ର ଚରଣ ମହାନ୍ତିଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସମ୍ମିଳନୀରେ ସମ୍ମାନିତ ଅତିଥି ଭାବେ କନ୍ଧମାଳ ସାଂସଦଙ୍କ ପ୍ରତିନିଧି ରବି ପ୍ରଧାନ ଯୋଗ ଦେଇଥିଲେ l ବରିଷ୍ଠ କାର୍ଯ୍ୟକର୍ତ୍ତା ଶ୍ୟାମସୁନ୍ଦର ପୁରୋହିତ କାର୍ଯ୍ୟକ୍ରମକୁ ସଂଯୋଜନା କରିଥିଲେ l ଏହି ସମ୍ମିଳନୀରେ ବୁଦ୍ଧିଜୀବୀ, ସାମ୍ବାଦିକ, ତଥା ଦଳର ସଦସ୍ୟ, କାର୍ଯ୍ୟକର୍ତ୍ତା, ମହିଳା ଓ ଯୁବ ଗୋଷ୍ଠୀ ଯୋଗ ଦେଇଥିଲେ l