01-Mar-2025

ସିନାପାଲି ବ୍ଲକ ଯୋଗାଣ ବିଭାଗ ପକ୍ଷରୁ ବିଭିନ୍ନ ପଞ୍ଚାୟତରେ  ମାଣ୍ଡିଆ ବଣ୍ଟନରେ ଅନିୟମିତତା ହୋଇଥିବା ଅଭିଯୋଗ ହେଉଛି। ଏନେଇ ଯୋଗାଣ ବିଭାଗରେ ହୋଇଥିବା ଦୁର୍ନୀତିର ଗନ୍ଧ ବାରି ହୋଇ ପଡୁଛି। ସରକାର ଗରିବ ରାସନ କାର୍ଡଧାରୀ ହିତାଧିକାରୀ ଙ୍କ ପାଇଁ ଚାଉଳ ସହିତ ମାଣ୍ଡିଆ ପ୍ରଦାନର ବ୍ୟବସ୍ଥା ରହିଛି। ଏନେଇ ଅନେକ ଯୋଜନା କରି କୋଟି କୋଟି ଟଙ୍କା ଖର୍ଚ୍ଚ କରି ପ୍ରକୃତ ରାସନକାର୍ଡ ହିତାଧିକାରୀଙ୍କୁ ସ୍ଥାନୀୟ ପଞ୍ଚାୟତ ତରଫରୁ ପିଡିଏସ ଖାଉଟି ସାମଗ୍ରୀରେ ମାଣ୍ଡିଆ ପ୍ରଦାନ କରୁଛନ୍ତି। ହେଲେ କିଛି ବିଭାଗୀୟ ଅସାଧୁ ଅଧିକାରୀ କର୍ମଚାରୀଙ୍କ ବେପରୁଆ ମନୋଭାବ ଯୋଗୁଁ  ରାସନକାର୍ଡ ହିତାଧିକାରୀ ପିଡିଏସ ଖାଉଟି ସାମଗ୍ରୀ ପାଇବାରୁ ବଞ୍ଚିତ ହେଉଛନ୍ତି। ମାସମାସ ଧରି ସାମଗ୍ରୀ ପାଇପାରୁ ନାହାନ୍ତି। ପିଡିଏସ ଖାଉଟି ସାମଗ୍ରୀ ବଣ୍ଟନ ରେ ଅନିୟମିତତା ହେଉଥିବା ନେଇ ରାସନକାର୍ଡ ହିତାଧିକାରୀଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଉଛି। ସିନାପାଲି ବ୍ଲକ ଅନ୍ତର୍ଗତ ନିଲଜି, ଟିମନପୁର, ଭରୁଆମୁଣ୍ତା, ନୂଆପଡ଼ା ପ୍ରଭୃତି ପଞ୍ଚାୟତରେ ମାଣ୍ତିଆ ବଣ୍ଟନ ହୋଇନଥିବା ଅଭିଯୋଗ ହେଉଛି। ପ୍ରକାଶ ଯୋଗ୍ୟ ଯେ ଏହି ପଞ୍ଚାୟତ ଗୁଡିକରେ ଗତ ଜାନୁଆରୀ ମାସର ମାଣ୍ତିଆ ବଣ୍ଟନ ହୋଇନଥିବା ବେଳେ ଫେବୃଆରୀ ମାସ ସରିଲାଣି । ହେଲେ ଏପର୍ଯ୍ୟନ୍ତ ଜାନୁଆରୀ, ଫେବୃଆରୀ ମାସ ର ମାଣ୍ତିଆ ବଣ୍ଟନ ହୋଇନାହିଁ। ଯାହା ଫଳ ରେ ଅଞ୍ଚଳ ର ରାସନକାର୍ଡ ହିତାଧିକାରୀଙ୍କ ମନରେ ମାଣ୍ତିଆ ଅନିୟମିତତା କରି ହରିଲୁଟ କରିବାର ଏକ ଯୋଜନା ବୋଲି ଆଶଙ୍କା ପ୍ରକାଶ ପାଇଛି। ଏହା ଏକ ଦୁର୍ନୀତିର ଗନ୍ଧ ବୋଲି ବିଭିନ୍ନ ମହଲରେ ଆଲୋଚନା ହେଉଛି। କିଛି ପଞ୍ଚାୟତରେ ପୂର୍ବରୁ ଫିଙ୍ଗର ପ୍ରିଣ୍ଟ ନିଆ ସରିଛି। ହେଲେ ଏଯାଏ ମାଣ୍ଡିଆ ଦିଆଯାଇ ନଥିବାରୁ ବିଭିନ୍ନ ମହଲରେ ପ୍ରଶ୍ନବାଚୀ ସୃଷ୍ଟି କରିଛି।ପୁଣି କିଛି ପଞ୍ଚାୟତ ରେ କାଗଜ କଲମରେ ମାଣ୍ଡିଆ ଥିବା ବେଳେ ପ୍ରକୃତରେ ମାଣ୍ଡିଆ ନଥିବା ବିଶ୍ୱସ୍ତ ସୂତ୍ରରୁ ଜଣାପଡ଼ିଛି। କିଛି ପଞ୍ଚାୟତ କାର୍ଯ୍ୟାଳୟରେ ହିତାଧିକାରୀଙ୍କୁ ମାଣ୍ଡିଆ ନଦେଇ ପଂଚାୟତ ଅଫିସରେ ସଢ଼ି ଯାଉଥିବା ଦେଖିବାକୁ ମିଳିଛି। ଏଭଳି ସ୍ଥିତିରେ ସିନାପାଲି ବ୍ଲକରେ ମାଣ୍ଡିଆ ବଣ୍ଟନ ରେ ଦୁର୍ନୀତିର ଗନ୍ଧ ବୋଲି ଆଲୋଚନା ହେଉଛି। ରାସନକାର୍ଡ ହିତାଧିକାରୀ ମାନେ ଜାନୁଆରୀ ମାସର ଚାଉଲ ନେଇ ସାରିଥିବା ବେଳେ  ଫେବୃଆରୀ ମାସର ଚାଉଲ  ନେଉଛନ୍ତି। ହେଲେ ମାଣ୍ଡିଆ ଦିଆଯାଇ ନାହିଁ। ଏନେଇ କିଛି ପଞ୍ଚାୟତ ଯୋଗାଣ ସହାୟକ ଙ୍କୁ ପଚାରିବାରୁ ମାଣ୍ତିଆ ଅଛି ହିତାଧିକାରୀ ଙ୍କ ଫିଙ୍ଗର ପ୍ରିଣ୍ଟ ନିଆ ଯାଇଛି । କିଛି ଦିନପରେ ମାଣ୍ତିଆ ବଣ୍ଟନ କରିଦେବୁ ବୋଲି କହିଛନ୍ତି। ଏନେଇ ସିନାପାଲି ଯୋଗାଣ ଅଧିକାରୀ ଦେବେନ୍ଦ୍ର ସେଠିଆଙ୍କୁ ପଚାରିବାରୁ ଦୁର୍ନୀତି ହୋଇନାହିଁ। କିଛି ଯୋଗାଣ ସହାୟକଙ୍କ ଅବହେଳା କାରଣରୁ ଏଭଳି ବ୍ୟତିକ୍ରମ ହୋଇଛି ବୋଲି ପ୍ରକାଶ କରିଥିଲେ। ଏଥିପ୍ରତି ବ୍ଲକ ତଥା ଜିଲ୍ଲା ପ୍ରଶାସନ ତୁରନ୍ତ ଦୁଷ୍ଟିଦେଇ ହିତାଧିକାରୀ ଙ୍କୁ ମାଣ୍ତିଆ ବଣ୍ଟନ କରିବା ସହ ଅନିୟମିତତା କରୁଥିବା ଦୋଷୀ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସାଧାରଣ ରେ ଦାବୀ ହେଉଛି l

(ପରମେଶ୍ୱର ମେହେର )