01-Mar-2025

ବରଗଡ:(ନିରଞ୍ଜନ ତ୍ରିପାଠୀ)-ସ୍ଥାନୀୟ ସରକାରୀ ବାଳିକା ଉଚ୍ଚ ବିଦ୍ୟାଳୟ ଠାରେ ପ୍ରଧାନ ଶିକ୍ଷୟିତ୍ରୀ ସୂ  ଶ୍ରୀ ଶାନ୍ତି ସୁନା ଙ୍କ ସଭାପତିତ୍ୱ ରେ ପାଳିତ ହୋଇଯାଇଛି ଜାତୀୟ ବିଜ୍ଞାନ ଦିବସ l  ତେବେ ଏହି ଅବସରରେ ମୁଖ୍ୟ ଅତିଥି ଭାବେ ଯୋଗ ଦେଇ ଉକ୍ତ ବିଦ୍ୟାଳୟ ର ଅବସର ପ୍ରାପ୍ତ ବିଜ୍ଞାନ ଶିକ୍ଷୟିତ୍ରୀ ଶ୍ରୀମତୀ ଦୁତି ସାହୁ ପ୍ରଖ୍ୟାତ ବୈଜ୍ଞାନିକ ମାନଙ୍କର ମାନବ ସମାଜ ପ୍ରତି ଅବଦାନ ଉପରେ ବିସ୍ତୃତ ଭାବରେ ବର୍ଣନା କରିଥିଲେ l  ଏବଂ ଛାତ୍ରୀ ମାନଙ୍କୁ ବିଜ୍ଞାନ ର ସଦୁପଯୋଗ କରିବାପାଇଁ ଉପଦେଶ ମଧ୍ୟ ଦେଇଥିଲେ l  ତେବେ ଉକ୍ତ ବିଦ୍ୟାଳୟ ର ବିଜ୍ଞାନ ଶିକ୍ଷୟିତ୍ରୀ ସୌମ୍ୟା ରାଣୀ ଷଡ଼ଙ୍ଗୀ ଦିବସର ତତ୍ପର୍ଯ୍ୟ ତଥା ସି. ଭି  ରମଣ ଙ୍କ ପ୍ରଭାବ କେଉଁ କେଉଁ କ୍ଷେତ୍ର ରେ ଉପଯୋଗ ହେଉଛି ଛାତ୍ରୀ ମାନଙ୍କୁ ସଚେତନ କରାଇଥିଲେ l  ବିଦ୍ୟାଳୟ ର ବିଜ୍ଞାନ ଓ ଗଣିତ କ୍ଲବ ପକ୍ଷରୁ ଆଲୋଚନା ଚକ୍ର,   କୁଇଜ,   ପୋଷ୍ଟର ମେକିଙ୍ଗ,  ଏବଂ ବିଜ୍ଞାନ ପ୍ରକଳ୍ପ ତିଆରି ପ୍ରତିଯୋଗିତା ଅନୁଷ୍ଠିତ କରାଯାଇଥିଲା l  ଏହି ପ୍ରତିଯୋଗିତା ରେ କୃତି ପ୍ରତିଯୋଗୀ ମାନଙ୍କୁ ମୁଖ୍ୟ ଅତିଥି ଙ୍କ ଦ୍ୱାରା ପୁରସ୍କୃତ କରାଯାଇଥିଲା l  ତେବେ ଛାତ୍ରୀ ମାନେ ବିଜ୍ଞାନ ଓ ଗଣିତ ଶିକ୍ଷୟିତ୍ରୀ ଙ୍କ ନିର୍ଦ୍ଧେଶିତ ଏକ ବିଜ୍ଞାନ ଧର୍ମୀ ନାଟକ "ଆର୍ଟିଫିସିଆଲ ଇଣ୍ଟେଲିଜେନ୍ସ ଓ ମାନବ "ପରିବେଷଣ କରାଯାଇଥିଲା ଏବଂ ଛାତ୍ରୀମାନେ ନିଜର ଉତ୍କୃଷ୍ଟ ଅଭିନୟ ର ପରିଚୟ ଦେଇଥିଲେ l  ବରିଷ୍ଠ ଶିକ୍ଷକ ବିବେକାନନ୍ଦ ଅଦାବର ପ୍ରଦର୍ଶିତ ନାଟକରେ ସମାଜ ପ୍ରତି ଏକ ହିତକର ସନ୍ଦେଶ ରହିଥିବା ମତବ୍ୟକ୍ତ କରି ଶେଷରେ ଧନ୍ୟବାଦ ଅର୍ପଣ କରିଥିଲେ l