26-Feb-2025

ବଲାଙ୍ଗୀର(ପ୍ରେରଣା ଖବର): ଗତକାଲି ଜିଲ୍ଲା ଲେଖକ ପରିଷଦର ବଲାଙ୍ଗୀର ବହିହାଟର ଦ୍ବିତୀୟ ସନ୍ଧ୍ୟାର ଗଳ୍ପ ଆଲୋଚନାଚକ୍ରରେ ଯୋଗ ଦେଇଥିବା ମୁଖ୍ୟ ଅତିଥି  ଓ ଆଲୋଚକ ମାନଙ୍କ ବକ୍ତବ୍ଯରେ ଏହା ଅନ୍ୟାନ୍ୟ ରାଜ୍ୟସ୍ତରୀୟ ସାହିତ୍ୟ ସଭାର ସମକକ୍ଷ ବୋଲି ମତବ୍ଯକ୍ତ କରାଯାଇଛି । ଏଥିରେ ମୁଖ୍ୟଅତିଥି ଭାବେ ଯୋଗଦେଇଥିବା ସମ୍ବାଦ ଜୁଗାରର ସମ୍ପାଦକ ତଥା ସମ୍ବାଦର ବରିଷ୍ଠ ଅଧିକାରୀ ଅରବିନ୍ଦ ଦାସ ତାଙ୍କର ଅନ୍ତରଙ୍ଗ ବକ୍ତବ୍ଯରେ ସ୍ଥାନୀୟ କୃତୀସନ୍ତାନ ଓ ଐତିହ୍ୟକୁ ଉପସ୍ଥାପନ କରିବାରେ ଲେଖକଙ୍କ ଭୂମିକା ଜରୁରୀ ବୋଲି ମତବ୍ଯକ୍ତକରି ବଲାଙ୍ଗୀରରେ ବୁଦ୍ଧିଜିବୀଙ୍କ ନୀରବତାକୁ ଆହ୍ବାନ କରିଥିଲେ । 

ପରିଷଦର ସଭାପତି ମଳୟ ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଆଲୋଚନାଚକ୍ରରେ ଗାଳ୍ପିକା ଡା ମଞ୍ଜୁବାଳା ପଣ୍ଡା, ଗାଳ୍ପିକ ମନୋଜ ପୂଜାରୀ, ଗାଳ୍ପିକ କୃଷ୍ଣଚନ୍ଦ୍ର ବାରିକ, ଗାଳ୍ପିକା ଚନ୍ଦ୍ରାବତୀ ପାଣ୍ଡେ ଓ ଗାଳ୍ପିକ ଡ ବିଶ୍ବନାଥ ସାହୁ ପ୍ରମୁଖ ଯୋଗ ଦେଇ ଆଧୁନିକ ଓଡିଆ ଗଳ୍ପର ଘଟଣା, ଚରିତ୍ର ଓ ଶୈଳୀ ଉପରେ ସାରଗର୍ଭକ ବକ୍ତବ୍ଯ ଦେଇଥିଲେ। ପରିଷଦର ସମ୍ପାଦକ କପିଳେଶ୍ବର ଖମାରୀ ସ୍ବାଗତ ଭାଷଣ ଦେଇଥିବା ବେଳେ ଅନୁପ୍ରିୟା ମିଶ୍ର ଅତିଥି ପରିଚୟ ପ୍ରଦାନ କରିଥିଲେ । ଅପରାହ୍ନରେ ଅନୁଷ୍ଠିତ ବିଭିନ୍ନ ପ୍ରତିଯୋଗିତାରେ କୃତୀ ଛାତ୍ରଛାତ୍ରୀମାନଙ୍କୁ ମୁଖ୍ୟଅତିଥି ଓ ଅତିଥିମାନେ ପୁରସ୍କୃତ କରିଥିଲେ । ଶେଷରେ ସହସମ୍ପାଦକ ରଘୁନନ୍ଦନ ସିଂହ ଧନ୍ୟବାଦ ଦେଇଥିଲେ ।

ଆଜି ଅପରାହ୍ନ ୨ଟା ରେ କୋଶଳ କଳା ମଣ୍ଡଳ ପଡିଆର ପୁରୁଣା ମଞ୍ଚରେ ଅଷ୍ଟମ  ଓ ଦଶମ ଶ୍ରେଣୀ ର ଛାତ୍ରଛାତ୍ରୀ ମାନଙ୍କୁ ନେଇ ଏକ ଚିତ୍ରାଙ୍କନ ଓ ପ୍ରବନ୍ଧ ପ୍ରତିଯୋଗିତା ଅନୁଷ୍ଠିତ ହେବ l

ସେହିପରି ବହିହାଟ ର ତୃତୀୟ ଦିନ ସନ୍ଧ୍ୟା ରେ 'କବିତାର ଦିଗନ୍ତ' ଶୀର୍ଷକ ବିଷୟ ଉପରେ ଏକ ସlରସ୍ୱତ ଆଲୋଚନାଚକ୍ର ଅନୁଷ୍ଠିତ ହେବ l ଏଥିରେ ବହୁ ସଂଖ୍ୟାରେ କବି, ସାହିତ୍ୟିକ ଓ ବୁଦ୍ଧିଜୀବୀ ତଥା ସାମ୍ବାଦିକ ମାନେ ଯୋଗ ଦେବାକୁ ଜିଲ୍ଲା ଲେଖ କ ପରିଷଦ ତରଫରୁ ଅନୁରୋଧ କରାଯାଇଛି l