01-Feb-2025

ବରପାଲି,(ସୁଦାମ ଦୀପ )
ଜଗବନ୍ଧୁ ଦାଶ ମହିଳା ଉଚ୍ଚ ମାଧ୍ୟମିକ ବିଦ୍ୟାଳୟ କଦଲୀପାଲି ଠାରେ ଅଧ୍ୟକ୍ଷ ପ୍ରଦୀପ କୁମାର ମେହେରଙ୍କ ଅଧ୍ୟକ୍ଷତାରେ ଭବ୍ୟ ବାର୍ଷିକ ଉତ୍ସବ *ପ୍ରେରଣା* ଅନୁଷ୍ଠିତ ହୋଇ ଯାଇଛି। ସଭାରେ
ମୁଖ୍ୟ ଅତିଥି ଭାବେ ବିଜେପୁର MLA ଶ୍ରୀଯୁକ୍ତ ସନତ ଗଡ଼ତିଆ ଓ ସମ୍ମାନିତ ଅତିଥି ତଥା ମୁଖ୍ୟ ବକ୍ତା ଭାବେ ଓଡ଼ିନାନ୍ସ ଫେକ୍ଟ୍ରୀ କେନ୍ଦ୍ରୀୟ ଉଚ୍ଚ ବିଦ୍ୟାଳୟ ବଡ଼ମାଲ, ବଲାଙ୍ଗୀରର ଶିକ୍ଷକ ଶ୍ରୀଯୁକ୍ତ ରାଜମଣୀ ସାହୁ ଯୋଗ ଦେଇଥିଲେ ।
ପ୍ରାରମ୍ଭିକ ପର୍ଯ୍ୟାୟରେ ଅଧ୍ୟାପକ ସୁରେଶ ବାରିକ ଅତିଥିଙ୍କ ସ୍ବାଗତ ତଥା ପରିଚୟ ପ୍ରଦାନ କରିଥିବା ବେଳେ ଅଧ୍ୟାପକ ସୁଧାଂଶୁ କୁମାର ଦାସ ଶେଷରେ ଧନ୍ୟବାଦ ଅର୍ପଣ କରିଥିଲେ। ପ୍ରଥମେ ଦୀପ ପ୍ରଜ୍ଜ୍ୱଳନ ପୂର୍ବକ ଛାତ୍ରୀଙ୍କ ଦ୍ଵାରା ପ୍ରାରମ୍ଭିକ ଓ ପରେ ସମାପ୍ତି ସଙ୍ଗୀତ ଗାନ କରା ଯାଇଥିଲା। ଅଧ୍ୟାପିକା ମିନତି ବାବୁ ବାର୍ଷିକ ବିବରଣୀ ପଠନ କରିଥିଲେ। ବିଦ୍ୟାଳୟର ଗତ ବାର୍ଷିକ ପରୀକ୍ଷାରେ ସର୍ବାଧିକ ମାର୍କ ରଖିଥିବା ପୂଜାରାଣୀ ବେହେରାକୁ ଶ୍ରେଷ୍ଠ ଛାତ୍ରୀ ଏବଂ ଏ ବର୍ଷ ଅନୁଷ୍ଠିତ ସାଂସ୍କୃତିକ ଓ ଖେଳ ପ୍ରତିଯୋଗିତାର ଶ୍ରେଷ୍ଠ ପ୍ରତିଦ୍ଵନ୍ଦୀଙ୍କୁ ଟ୍ରଫି ସହ ମାନପତ୍ର ପ୍ରଦାନ କରା ଯାଇଥିଲା। ମଧ୍ୟାହ୍ନ ବିରତି ପରେ ବିଦ୍ୟାଳୟର ଛାତ୍ରୀଙ୍କ ଦ୍ୱାରା ସୁନ୍ଦର ଭାବେ ଗୋଟିଏ ସମ୍ବଲପୁରୀ ନାଟକ *ସମିଆର୍ ଖେଳ୍* ଏବଂ ଅନେକ ନୃତ୍ୟ ଓ ସଙ୍ଗୀତ ପରିବେଷଣ ହୋଇଥିଲା।
ଏ ଅବସରରେ ମହାବିଦ୍ୟାଳୟର ଅଧ୍ୟାପକ ଅଧ୍ୟାପିକା ଓ କର୍ମଚାରୀ ଭାବେ ନିବେଦିତା ବେହେରା, ବନ୍ଦିତା ପଧାନ, ରବିନ୍ଦ୍ର ସାହୁ, ସୁରେନ୍ଦ୍ର ଦୀପ, ଅନ୍ତର୍ଯ୍ୟାମୀ ପଣ୍ଡା, ପ୍ରଦୀପ ମିଶ୍ର, ପ୍ରକାଶ ନନ୍ଦ, ଆନନ୍ଦ ବେହେରା, କାଲୁ କୁମ୍ବାର ଏବଂ ସମସ୍ତ ଛାତ୍ରୀମାନେ ସାମିଲ ହୋଇ  ବିଶେଷ ସହଯୋଗ କରିଥିଲେ ।