31-Jan-2025

କଣ୍ଟାମାଳ(ଜୟ କୁମାରମହାରଣା): ତୃତୀୟ ଥର ପାଇଁ କଣ୍ଟାମାଳ ବଣିକ ସଂଘ ସଭାପତି ପଦ ବଜାୟ ରଖିଲେ ବଜରଙ୍ଗଲାଲ ଅଗ୍ରୱାଲ l ସେ କ୍ରମାଗତ ଭାବେ ତୃତୀୟ ଥର ପାଇଁ କଣ୍ଟାମାଳ ବଣିକ ସଂଘର ସଭାପତି ହୋଇ ହ୍ୟାଟ୍ରିକ ଅର୍ଜନ କରିଛନ୍ତି l ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ସଦର ବଣିକ ସଂଘ ସଭାପତି ବଜରଙ୍ଗଲାଲ ଅଗ୍ରୱାଲଙ୍କ ସଭାପତିତ୍ୱରେ ଏକ ବାର୍ଷିକ ସାଧାରଣ ବୈଠକ ଉଦେପୁର ମେଘା ଉଠା ଜଳସେଚନ ନିକଟ ତେଲନଦୀ କୁଳରେ ଥିବା ପାମ ଜଙ୍ଗଲ ମଧ୍ୟରେ ଅନୁଷ୍ଠିତ ହୋଇଥିଲା l  ସଭାରେ ବିଭିନ୍ନ ବିଷୟରେ ଆଲୋଚନା ହେବା ସହ ସଂଘର କାର୍ଯ୍ୟକାଳ ଶେଷ ହୋଇ ଥିବାରୁ ପୁନଃ ନୂତନ କମିଟି ଗଠନ ପାଇଁ ନିଷ୍ପତ୍ତି ହୋଇଥିଲା  l   ଏଥିରେ ବଜରଙ୍ଗଲାଲ ଅଗ୍ରୱାଲଙ୍କୁ ପୁନଃ ତୃତୀୟ ଥର ପାଇଁ ସଂଘର ସଭାପତି ଭାବେ ସର୍ବସମ୍ମତି କ୍ରମେ ମନୋନୟନ କରାଯାଇଥିଲା l ସେହିପରି ସୁଶୀଲ ଖଟୁଆଙ୍କୁ ଉପସଭାପତି, ଦୀପକ ଅଗ୍ରୱାଲ - ସମ୍ପାଦକ, ଦାମୋଦର ସ୍ୱାଇଁ - ସହ ସମ୍ପାଦକ ଏବଂ କୋଷାଧ୍ୟକ୍ଷ୍ୟ ଭାବେ ସୁଧିର କୁମାର ପାଣିଗ୍ରାହୀ ଙ୍କୁ ସର୍ବସମ୍ମତ୍ତି କ୍ରମେ ମନୋନୀତ କରାଯାଇଥିଲା l   ବରିଷ୍ଠ ଉପଦେଷ୍ଠା ସତୀଶ ମlହାନା ସମେତ ୫ଜଣଙ୍କୁ ଉପଦେଷ୍ଠା ଓ ୧୦ଜଣଙ୍କୁ କାର୍ଯ୍ୟକାରୀ ସଦସ୍ୟ ଭାବେ ଚୟନ କରାଯାଇଛି l  ଆଗାମୀ ଦିନରେ କଣ୍ଟାମାଳ ବ୍ୟବସାୟୀ ମାନଙ୍କ ବିଭିନ୍ନ ସମସ୍ୟା ଓ କଣ୍ଟାମାଳ ଅଂଚଳର ସାମଗ୍ରିକ ବିକାଶ ପ୍ରତି ସଂଘର ପ୍ରଚେଷ୍ଠା ଜାରି ରହିବ ବୋଲି ସଭାପତି ଶ୍ରୀ ଅଗ୍ରୱାଲ କହିଛନ୍ତି   l