25-Jan-2025

ଲୋଇସିଂହା/ଆଗଲପୁର, (ବିନୋଦ ଦୀପ) ଆଜି ରାଜ୍ୟ ସରକାରଙ୍କ ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ଡ଼ ମୁକେଶ ମହାଳିଙ୍ଗ ଙ୍କ ଲୋଇସିଂହା ନିର୍ବାଚନ ମଣ୍ଡଳୀ ର ପୁଇଁତଲା ବ୍ଲକ ର ଗଇଁତଲା, ଲୋଇସିଂହା ବ୍ଲକ ର ଝାରମୁଣ୍ଡା ଓ ଆଗଲପୁର ବ୍ଲକ ର ପଟୁଆପାଲି ଠାରେ ପ୍ରଧାନମନ୍ତ୍ରୀ ଆବାସ ଯୋଜନା (ଗ୍ରାମୀଣ) ରେ ନୂତନ ହିତାଧିକାରୀ ଚୟନ ନିମନ୍ତେ ସର୍ଭେ କାର୍ଯ୍ୟକ୍ରମ ରେ ଯୋଗ ଦେଇଥିଲେ l ପରେ ପଟୁଆପାଲି ଠାରେ ଥିବା ପଲ୍ଲୀ ବିକାଶ ଉଚ୍ଚ ବିଦ୍ୟାଳୟ ରେ ନୂତନ ଶ୍ରେଣୀଗୃହ ର ଶୁଭ ଉଦ୍ଘାଟନ କରିଥିଲେ l ଏହି ଉଦ୍ଘାଟନୀ ଉତ୍ସବ ରେ ମୁଖ୍ୟ ଅତିଥି ଭାବରେ ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ଡ଼ ମୁକେଶ ମହାଲିଙ୍ଗ ଓ ପୂର୍ବତନ ଆଇନମନ୍ତ୍ରୀ ନରସିଂହ ମିଶ୍ର ଯୋଗ ଦେଇଥିଲେ l ଏହି ଅବସରରେ ଏକ ଉଦ୍ଘାଟନୀ ସଭା ଅନୁଷ୍ଠିତ ହୋଇଥିଲା l ଏହି ଉଦ୍ଘାଟନୀ ଉତ୍ସବ ରେ ସମ୍ମାନିତ ଅତିଥି ଭାବରେ ଆଗଲପୁର ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀ ମହାପାତ୍ର କୁଲଦୀପ ମହାନ୍ତି, ଶ୍ରୀ ଶୁଭ ବସ୍ତିଆ ପୂର୍ବତନ ସରପଂଚ ତଥା ବିଦ୍ୟାଳୟ ର ପ୍ରତିଷ୍ଠାତା, ଆଗଲପୁର ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀ ଶ୍ୟାମ ମେହେର, ଶ୍ରୀଯୁକ୍ତ ନିର୍ମଳ ଭୁଏ ସମିତି ସଭ୍ୟ ଓ ପଲ୍ଲୀ ବିକାଶ ଉଚ୍ଚ ବିଦ୍ୟାଳୟ ର ପ୍ରଧାନ ଶିକ୍ଷକ ଶ୍ରୀ ପ୍ରଶାନ୍ତ କୁମାର ପଧାନ୍ ଯୋଗ ଦେଇଥିଲେ l

ମୁଖ୍ୟ ବକ୍ତା ଭାବେ ପୂର୍ବତନ ବ୍ଲକ ଉପାଧ୍ୟକ୍ଷ ଶ୍ରୀ ମନ ମୋହନ ପଟେଲ ଯୋଗ ଦେଇଥିଲେ। ଆଜିର ଉଦ୍ଘାଟନୀ ସଭାରେ ପଟୁଆ ପାଲି ସରପଞ୍ଚ ଶ୍ରୀ ରବି ବସ୍ତିଆ ସଭା ପରିଚାଳନା କରିଥିଲେ। ପ୍ରଥମେ ମନ୍ତ୍ରୀ ଙ୍କୁ ପାଛୋଟି ଆଣି ତାଙ୍କୁ ସୁ ସ୍ବାଗତ କରା ଯାଇଥିଲା। ପରେ ପରେ ତାଙ୍କ କର କମଳ ରେ ନୂତନ ଶ୍ରେଣୀ ଗୃହ ଓ ଅଫିସ୍ ଗୃହ କୁ ଫିତା କାଟି ଶୁଭ ଉଦ୍ଘାଟନ କରିଥିଲେ। ସମସ୍ତ ଅତିଥି ମାନେ ନିଜ ନିଜ ସୂ ଚିନ୍ତିତ ମତାମତ ଦେଇ ନିଜ ନିଜ ଅଭି ଭାଷଣ ରଖିଥିଲେ। ମାନ୍ୟବର ସ୍ବାସ୍ଥ୍ୟ ମନ୍ତ୍ରୀ ମହୋଦୟ ମଧ୍ୟ ନିଜ ଅଭିଭାଷଣ ରେ ଅଞ୍ଚଳର ତଥା ବିଦ୍ୟାଳୟ ର କିପରି ବିକାଶ ହୋଇ ପାରିବ ସେ ବିଷୟରେ ନିଜ ବକ୍ତବ୍ୟ ରେ ସୂଚନା ଦେଇଥିଲେ। ସଭାରେ ସମସ୍ତ ଅତିଥି ଙ୍କୁ ଫୁଲ ତୋଡା ଓ ଉପଢୌକନ ଦେଇ ସମ୍ମାନିତ କରାଯାଇଥିଲା l