24-Jan-2025

ସିନାପାଲି (ଚିନ୍ତାମଣି ନେତାମ )
 ନୂଆପଡା ଜିଲ୍ଲା ସିନାପାଲି ଗୋଷ୍ଠୀ ଶିକ୍ଷାକାର୍ଯ୍ୟାଳୟ ଠାରେ  "ଜାତୀୟ ବାଳିକା ଦିବସ "ପାଳିତ ହୋଇଯାଇଛି ।
ଜାତୀୟ ସ୍ତରରେ ନାରୀ ମାନଙ୍କର ପ୍ରତ୍ୟେକ କ୍ଷେତ୍ରରେ ଉତ୍କର୍ଷତା ଓ ଉତ୍ଥାନ ପାଇଁ ସରକାର ବିଭିନ୍ନ ପଦକ୍ଷେପ ଗ୍ରହଣ କରୁଛନ୍ତି l ବାଳିକା  ଶିଶୁ ମାନଙ୍କର ଆତ୍ମ ମର୍ଯ୍ୟାଦା ଯେପରି ଅକ୍ଷୁଣ୍ଣ ରହିବ ଓ ତା ସହିତ ସେମାନେ ସମାଜ ର ମୁଖ୍ୟ ଧାରାରେ କିପରି ସ୍ୱେଚ୍ଛନ୍ଦ,ନିର୍ଭୟ ଭାବରେ ଚଳପ୍ରଚଳ କରି ପାରିବେ ତାକୁ ପ୍ରାଧାନ୍ୟ ଦେଇ ତାଙ୍କ ମନରୁ ହୀନମନ୍ୟତା ଦୂର କରିବାର ପ୍ରୟାସ ରେ ଜାତୀୟ ବାଳିକା ଶିଶୁ ଦିବସ ପାଳନ ମୁଖ୍ୟ ଆଭିମୁଖ୍ୟ ଧାରଣ କରେ l ଏହି ଉଦ୍ଦେଶ୍ୟରେ ନୂଆପଡା ଜିଲ୍ଲା ସିନାପାଲି ବ୍ଲକ ସ୍ତରୀୟ ବାଳିକା ଶିଶୁ ଦିବସ, ସିନାପାଲି ବ୍ଲକ ଅନ୍ତର୍ଗତ ନିଲଜୀ ଉଚ୍ଚ ପ୍ରାଥମିକ ବିଦ୍ୟାଳୟ ରେ ଅନୁଷ୍ଠିତ ହୋଇ ଯାଇଛି l ଏହି କାର୍ଯ୍ୟକ୍ରମରେ ସଭାମୁଖ୍ୟ ଭାବରେ ନିଲଜୀ ଉ. ପ୍ରା. ବିଦ୍ୟାଳୟର ପ୍ରଧାନ ଶିକ୍ଷକ ଶ୍ରୀଯୁକ୍ତ ସତ୍ୟବ୍ରତ ଗହିର ସଭା ପରିଚାଳନା କରିଥିବା ବେଳେ ମୁଖ୍ୟଅତିଥି ଭାବରେ ସିନାପାଲି ସହ -ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀଯୁକ୍ତ ପ୍ରଦୀପ କୁମାର ପଣ୍ଡା ଯୋଗଦାନ କରି ଉପସ୍ଥିତ ଛାତ୍ରୀମାନଙ୍କୁ ନିଜ ଭିତରୁ ଅପାରଗ ମନୋଭାବ ଦୂର କରି, ସାମାଜିକ ତଥା ପାରିବାରିକ ଚାପ ଓ ଅସଚେତନତାର ପ୍ରଭାବରୁ ଉର୍ଦ୍ଧ୍ଵକୁ ଉଠି ଏକ ବିକଶିତ ମନୋଭାବ ପୋଷଣ କରିବାର ବାର୍ତ୍ତା ପ୍ରଦାନ କରିଥିଲେ l ସଭାରେ ଅନ୍ୟାନ୍ୟ ଅତିଥି ମାନଙ୍କ ମଧ୍ୟରେ ଶିକ୍ଷକ ଶ୍ରୀ କୁଳଚନ୍ଦ୍ର ନାୟକ, ରମାକାନ୍ତ ମେହେର, ଅରୁଣ କୁମାର ଯୋଷୀ,ହେରାମ୍ବ ଭୋଇ, ଗୋଷ୍ଠୀ ଶିକ୍ଷା କାର୍ଯ୍ୟାଳୟ ପ୍ରତିନିଧି ସନ୍ତୋଷ ବନ୍ଦୀଛୋର, ନୃସିଂହ ନାଏକ ଉପସ୍ଥିତ ଥିଲେ l ଏହା ସହ ବ୍ଲକ ର ଅନେକ ବିଦ୍ୟାଳୟ ରୁ ପ୍ରତିଭାଧାରୀ ଛାତ୍ରୀ ଏକତ୍ରିତ ହୋଇଥିବା ବେଳେ ସେମାନଙ୍କ ମଧ୍ୟରେ ବିଭିନ୍ନ ସୃଜନୀ ପ୍ରତିଯୋଗିତା ହୋଇଥିଲା l ଦେଶ ତଥା ଆମ ରାଜ୍ୟ କୁ ବିକାଶ ଦିଗରେ ଆଗେଇ ନେବା ପାଇଁ ନାରୀ ମାନଙ୍କର ଭୂମିକା କୁ ଆଧାର କରି ଚିତ୍ରାଙ୍କନ, ପ୍ରବନ୍ଧ ଲିଖନ, ଗୀତ, ସ୍ଲୋଗାନ ଓ ନୃତ୍ୟ ପ୍ରତିଯୋଗିତା ରେ ଛାତ୍ରୀ ମାନଙ୍କ ସକ୍ରିୟ ଭାଗିଦାରୀତା ଥିଲା l ପ୍ରତିଯୋଗିତା ପରିଚାଳନା ପାଇଁ ଶ୍ରୀ ଧୀରେନ୍ଦ୍ର କୁମାର ସା, ପ୍ରେମାନନ୍ଦ ମେହେର,ଶ୍ୟାମଲାଲ ବାଗ, ଜ୍ଞାନ ରଞ୍ଜନ ସୁନାନୀ, ହିମାଂଶୁ ଶେଖର ମହନ୍ତ, ଅର୍ଜୁନ ନାଏକ ପ୍ରମୁଖ ବିଚାରକ ଭାବରେ ପ୍ରତିଯୋଗିତା ପରିଚାଳନା କରିଥିଲେ l ଶେଷରେ ସମସ୍ତ କୃତି ଛାତ୍ରୀ ମାନଙ୍କୁ ପୁରସ୍କୃତ କରାଯାଇ ଥିଲା l ସି. ଆର. ସି. ସି. ଶ୍ରୀଯୁକ୍ତ ରାକେଶ କୁମାର ମିଶ୍ର କାର୍ଯ୍ୟକ୍ରମର ସଂଯୋଜନା ଦାୟିତ୍ୱ ଗ୍ରହଣ କରିଥିବା ବେଳେ ନିଲଜୀ ଉପ୍ରା ବିଦ୍ୟାଳୟ ର ସମସ୍ତ ଶିକ୍ଷକ ଓ ଛାତ୍ର ଛାତ୍ରୀ ସହଯୋଗ କରିଥିଲେ l