23-Jan-2025

ବରଗଡ:(ନିରଞ୍ଜନ ତ୍ରିପାଠୀ)-ସରସ୍ଵତୀ ଶିଶୁ ବିଦ୍ୟା ମନ୍ଦିର ବିଜେପୁରରେ ଓଡ଼ିଶାର ଦୁଇ ବରପୁତ୍ର ବୀର ସୁରେନ୍ଦ୍ର ସାଏ ଓ ସୁଭାଷ ଚନ୍ଦ୍ର ବୋଷଙ୍କ ଜୟନ୍ତୀ ପାଳିତ ହୋଇଛି । ମାନନୀୟ ଶ୍ରୀଯୁକ୍ତ ଇଲାକାନ୍ତ ମିଶ୍ର ଦୀପ ପ୍ରଜ୍ଜ୍ୱଳନ କରି ବରପୁତ୍ରଙ୍କ ଫଟୋରେ ମାଲ୍ୟାର୍ପଣ କରିଥିଲେ । ସହ-ପ୍ରଧାନ ଆଚାର୍ଯ୍ୟ ସଦାନନ୍ଦ ପଧାନ ଅତିଥି ପରିଚୟ ପ୍ରଦାନ କରିଥିବାବେଳେ ପ୍ରଧାନ ଆଚାର୍ଯ୍ୟ ଶ୍ରୀଯୁକ୍ତ ଗୋକୁଳ ଚନ୍ଦ୍ର ଷଡ଼ଙ୍ଗୀ ଉଦ୍ଦେଶ୍ୟ ଜ୍ଞାପନ କରିଥିଲେ । ଅଫୁରନ୍ତ ଶକ୍ତି ଓ ସାହସର ଉତ୍ସ ସୁଭାଷ ଥିଲେ ପ୍ରକୃତରେ ବିଶ୍ଵର ବିସ୍ମୟ ବୋଲି ବିଦ୍ୟାଳୟର ଆନନ୍ଦ ଗୁରୁଜୀ ମତବ୍ୟକ୍ତ  କରିଥିଲେ । ବଳିଷ୍ଠ ବୈପ୍ଳବିକ ଅନ୍ତଃଚେତନାରେ ଉଦ୍ଭାସିତ ଯାହାଙ୍କ ସର୍ବାଙ୍ଗ ଶରୀର ସେହି ବୀର ସଂଗ୍ରାମୀ ବୀର ସୁରେନ୍ଦ୍ର ସାଏଙ୍କ ସୁସଂଗଠିତ ଆନ୍ଦୋଳନ ବିଷୟରେ ଆଚାର୍ଯ୍ୟ ଭୈରବ ଭୁଏ ବୌଦ୍ଧିକ ପ୍ରଦାନ କରିଥିଲେ । କାର୍ଯ୍ୟକ୍ରମଟିକୁ  ଆଚାର୍ଯ୍ୟା ଗୀତାଞ୍ଜଳି ସାହୁ ସଂଯୋଜନା କରିଥିଲେ । ଛାତ୍ରୀ ଆଓଲିନା ସାୟନ୍ତିକା ସାହୁ ଶିଶୁ ବୌଦ୍ଧିକ ଦେଇଥିଲେ । ଆଚାର୍ଯ୍ୟ ଉମାକାନ୍ତ ଜାଲ ଧନ୍ୟବାଦ ଅର୍ପଣ କରିଥିଲେ ।