23-Jan-2025

ଯାଜପୁର ଜିଲ୍ଲା ବରୀ ବ୍ଲକ ଅନ୍ତର୍ଗତ ଭଅଁରା ପଞ୍ଚାୟତର ଏକ ଉପାନ୍ତ ଅଞ୍ଚଳ ଭଅଁରା ଗ୍ରାମରେ ୧୯୨୯ ମସିହାରେ ସ୍ଵର୍ଗତଃ ବୈଷ୍ଣବ ଚରଣ ଜେନା ଜନ୍ମଗ୍ରହଣ କରି ଏକାଧାରରେ ଜଣେ ଆଦର୍ଶ ଶିକ୍ଷକ, ନାଟ୍ୟକାର ଓ ସମାଜସେବା ଭଳି ବହୁ ପ୍ରତିଭାର ଅଧିକାରୀ ହୋଇ ଜଣେ ପ୍ରତିଷ୍ଠିତ ବ୍ୟକ୍ତି ଭାବେ ସ୍ଵତନ୍ତ୍ର ପରିଚୟ ସୃଷ୍ଟି କରିପାରିଥିଲେ। ଆଜି ତାଙ୍କର ଶ୍ରାଦ୍ଧୋତ୍ସବ ଉପଲକ୍ଷେ ସକାଳ ୯ ଟାରେ ବରୀ ପ୍ରାଣୀଧନ ଚିକିତ୍ସାଧିକାରୀ  ନିର୍ମଳ କୁମାର ପଣ୍ଡା, ଗୋ ମିତ୍ର ଧୀରେନ୍ଦ୍ର କୁମାର ଯେନା, ସହଯୋଗୀ ଭାବେ ଦୀପକ କୁମାର ଯେନା ଯୋଗଦେଇ ଶତାଧିକ ଗୋରୁଗାଈ,ଛେଳି ମେଣ୍ଢା ଆଦି ପଶୁ ମାନଙ୍କର ମାଗଣା ଚିକିତ୍ସା କରିଥିଲେ। ଏହା ସହିତ  ସର୍ବଧର୍ମ ସଭା,ଗୀତା ପାଠ,ପ୍ରାର୍ଥନା କରିଥିଲେ l ବିଶ୍ଵନାଥ ତ୍ରିପାଠୀ ଙ୍କ ଦ୍ଵାରା ମାଗଣା ହୋମିଓପାଥି ଚିକିତ୍ସା ଶିବିର ଅନୁଷ୍ଠିତ ହୋଇଯାଇଛି l ଏହି କାର୍ଯ୍ୟକ୍ରମରେ ଶିକ୍ଷାବିତ୍ କୁଞ୍ଜବିହାରୀ ଦାଶ, ଅବସରପ୍ରାପ୍ତ ଶିକ୍ଷକ ବିଜୟ କୁମାର ଜେନା, ଶରତ ଚନ୍ଦ୍ର ଜେନା, ବିଶ୍ଵଭୂଷଣ ଜେନା, ନିରଞ୍ଜନ ଜେନା, ବରିଷ୍ଠ ସାମ୍ବାଦିକ ଦେବେନ୍ଦ୍ର କୁମାର ପାଢୀ  ଙ୍କ ସମେତ ବହୁ ସଂଖ୍ୟକ ଲୋକ ଯୋଗଦାନ କରିଥିଲେ।

(ରଞ୍ଜିତ ମହାନ୍ତିଙ୍କ ରିପୋର୍ଟ)