18-Jan-2025

ବଲାଙ୍ଗୀର (ଦେବାଶିଷ ବହିଦାର): ଆଜି ବିଶିଷ୍ଟ ସମାଜସେବୀ ଶ୍ରମିକ ନେତା ସ୍ୱର୍ଗତ ଲଳିତ ନାୟକଙ୍କ ଚତୁର୍ଥ ଶ୍ରାଦ୍ଧବାର୍ଷିକୀ l ଏହି ଅବସରରେ ବିଙ୍ଗ ହ୍ୟୁମାନ ଫାଉଣ୍ଡେସନ ତରଫରୁ ସ୍ଥାନୀୟ ଲଳିତ ନଗର ଠାରେ ଏକ ଶ୍ରଦ୍ଧାଞ୍ଜଳି ସଭା ଆୟୋଜିତ ହୋଇଥିଲା l ଏହି ଶ୍ରଦ୍ଧାଞ୍ଜଳି ସଭାରେ ସ୍ୱର୍ଗତ ନାୟକଙ୍କ ପୁତୁରା ତଥା କର୍ମଚାରୀ ସଂଘର ସଭାପତି ଦୀପକ ନାୟକ, ଯୁବ କ୍ରିୟାନୁଷ୍ଠାନ କମିଟିର ବିନୋଦ କାଲସାଏ, ନାରୀଶକ୍ତି ଫାଉଣ୍ଡେସନର ନୂତନ ଦାସ, ସ୍ବେଛାସେବୀ ସଂଗଠନର ଗୋବିନ୍ଦ ଶତପଥି, କେଏମଏମ ର ବିକାଶ ସା, ସ୍ବର୍ଗତ ନାୟକଙ୍କ ଘନିଷ୍ଠ ସହଯୋଗୀ କିଶୋର ମିଶ୍ର, ଘନ ପଶୟତ, ଅମୁଲ୍ୟ ସେଠ ସହ ନଗରବାସୀ ଏବଂ ବିଙ୍ଗ ହ୍ୟୁମାନ ଫାଉଣ୍ଡେସନର ସମସ୍ତ କର୍ମକର୍ତା ଶ୍ରଦ୍ଧାଞ୍ଜଳି ଦେବାସହ ସୃତି ଉଚ୍ଚାରଣ କରିଥିଲେ l ପରେ ଲଳିତ ନଗରର ପ୍ରତ୍ୟେକ ଘରେ ଦୀପ ପ୍ରଜ୍ବଳନ କରିଯିବା ସହ ସହରର ବିଭିନ୍ନ ସ୍ଥାନରେ ଦୀପ ପ୍ରଜ୍ବଳନ କରି ସ୍ୱର୍ଗତ ନାୟକ ଙ୍କୁ ଶ୍ରଦ୍ଧାଞ୍ଜଳି ଦିଆଯାଇଥିଲା l  ସୋମନାଥ ମିଶ୍ର ସଭା ପରିଚାଳନା କରିଥିଲେ l