18-Jan-2025

  ବ୍ରହ୍ମପୁର(ଝିଲ୍ଲି କୁମାରୀ ସାହୁ): ବ୍ରହ୍ମପୁର ଅନ୍ଧପସରା ରୋଡ ମୀନାକ୍ଷୀ ନଗର  ସ୍ଥିତ ସେଣ୍ଟଜାଭିୟୟର୍ସ ସ୍କୁଲ ପକ୍ଷରୁ ସ୍କାଉଟ ଓ ଗାଇଡ କ୍ୟାପଟେନ୍ ରଶ୍ମିତା ଦଳେଇଙ୍କ ତତ୍ୱାବଧାନରେ ସଡ଼କ ସୁରକ୍ଷା ସପ୍ତାହ ଅଭିଯାନ ଆରମ୍ଭ ହୋଇଥିଲା । ଏହି ବର୍ଷର ପ୍ରଥମ ଅଭିଯାନ ଯାହାକି  ସଡ଼କ ସୁରକ୍ଷା ସପ୍ତାହ ରୂପେ ସଚେତନ ବାର୍ତ୍ତା ଦେବା ପାଇଁ ଅନୁଷ୍ଠିତ ହୋଇଛି ।ଏହି  କାର୍ଯ୍ୟକ୍ରମ ରେ ପ୍ରାୟ ୩୦ଜଣ ଛାତ୍ର ଛାତ୍ରୀ ଯୋଗଦେଇଥିଲେ । ହାତରେ ଫ୍ଲାଗ କାର୍ଡ ଧରି ସଡ଼କ ସୁରକ୍ଷା ର ନାରା ଦେଇ  ସେଣ୍ଟଜାଭିୟର୍ସ ସ୍କୁଲ ଠାରୁ ପଦଯାତ୍ରା ଆରମ୍ଭ କରି  ବ୍ରହ୍ମପୁର ର ବିଭିନ୍ନ ସ୍ଥାନ ଭ୍ରମଣ କରିଥିଲେ। ପଦଯାତ୍ରା ସମୟରେ ବିଭିନ୍ନ ଦୋକାନ ଓ ଜନଗହଳି ସ୍ଥାନ ଏବଂ ଯାତ୍ରୀ ମାନଙ୍କୁ ସଡ଼କ ସୁରକ୍ଷା ନିୟମ ସମ୍ପର୍କ ରେ ବୁଝାଇଥିଲେ। ଉକ୍ତ ସମୟ ରେ କିଛି ଟ୍ରାଫିକ ପୋଲିସ ମଧ୍ୟ ଏହି ସଚେତନତା ଅଭିଯାନ ରେ ଯୋଗ ଦେଇଥିଲେ ।ଉକ୍ତ ଅବସରରେ ମୁଖ୍ୟ ଅତିଥି ରୂପେ ସ୍କୁଲ ଅଧ୍ୟକ୍ଷ କାହ୍ନୁ ଚରଣ  ପଣ୍ଡା ପତାକା ଦେଖାଇ ଏହାର ଶୁଭାରମ୍ଭ କରିଥିଲେ । ସହନିର୍ଦ୍ଦେଶକ କୁନାଲ କୌଶିକ ପଣ୍ଡା ଙ୍କ ସମେତ ସ୍କୁଲ ର ସମସ୍ତ ଛାତ୍ର /ଛାତ୍ରୀ ଏହି ଅବସରରେ ଉପସ୍ଥିତ ଥିଲେ । ଗାଡ଼ି ଚାଳନା ସମୟରେ ହେଲମେଟ ବ୍ୟବହାର କରିବା, ମୋବାଇଲ୍ ବ୍ୟବହାର ନକରିବା, ଡ୍ରାଇଭିଂ ଙ୍ଗ ଲାଇସେନ୍ସ ପାଖରେ ରଖିବା, ସଡ଼କ ନିୟମ ମାନି ଗାଡ଼ି ଚଲେଇ ବା, ଗାଡ଼ିରେ ତିନି ଜଣ ଙ୍କୁ  ନ ବସେଇ ଚଲେଇବା ଆଦି ସ୍ଲୋଗାନ ଓ ପ୍ଲାଗ କାର୍ଡ ମାଧ୍ୟମରେ ସଚେତନ କରାଯାଇଥିଲା ।