18-Jan-2025

ଫୁଲବାଣି (କ୍ଷୀରୋଦ କୁମାର ସାହାଣୀ )  କନ୍ଧମାଳ ଜିଲାର ସ୍ଥାନୀୟ ଫୁଲବାଣୀ ସ୍ଥିତ ଗାନ୍ଧୀ ସ୍ମୃତି ଭବନରେ ଗତ ଜାନୁଆରୀ ୧୨ ତାରିଖରେ ରବିବାର, ଜାନୁଆରୀ ୧୨ ତାରିଖରେ କନ୍ଧମାଳ ଟ୍ୟାଲେଣ୍ଟ ହଣ୍ଟ ପ୍ରତି ଯୋଗିତା ଅନୁଷ୍ଠିତ ହୋଇଯାଇଛି |  ଉକ୍ତ କାର୍ଯ୍ୟକ୍ରମ "କନ୍ଧମାଳ ଟାଲେଣ୍ଟ ହଣ୍ଟ ୨୦୨୫" ଆୟୋଜିତ ହୋଇଯାଇଛି। କନ୍ଧମାଳ ଯୁଟ୍ୟୁବର୍ସ ଏବଂ ଆର୍ଟିସ୍ଟ ଆସୋସିଏସନ୍ (KYAA) ଦ୍ୱାରା ଆୟୋଜିତ ଏହି ପ୍ରତିଯୋଗିତା ରେ ଜିଲ୍ଲାର ଯୁବକ ଯୁବତୀ ମାନଙ୍କ ଭିତରେ ଥିବା ଅନେକ  ଲୁକ୍କାୟିତ ପ୍ରତିଭା ଗୁଡ଼ିକୁ  ସେମାନେ ପ୍ରଦର୍ଶନ କରି ଦେଖାଇଥିଲେ ଏଭଳି ଏକ ମହତ୍ୱ ପୂର୍ଣ୍ଣ ପ୍ରତିଭା ପ୍ରଦର୍ଶନ କାର୍ଯ୍ୟକ୍ରମ ରେ ବରେଣ୍ୟ ସମ୍ମାନନୀୟ   ଅତିଥି ଭାବେ  କନ୍ଧମାଳ ଜିଲ୍ଲାର "" ବେଞ୍ଜମୁ ମନ ସିଆନା " ର ବିଶିଷ୍ଟ କଣ୍ଠ ଶିଳ୍ପୀ ଶ୍ରୀ ଜଲନ୍ଧର ବେହେରା, ଶ୍ରୀ ଚିତ୍ତରଞ୍ଜନ ସାହୁ, ମୁନଲାଇଟ ପ୍ରୋଡକ୍ସନର CEO ଏବଂ ଓଲିଉଡ ନିର୍ମାତା ଶ୍ରୀ ସୁବ୍ରତ ମଲ୍ଲିକ,ବରିଷ୍ଠ ନୃତ୍ୟ ଗୁରୁ ତଥା ବରିଷ୍ଠ କଳାକାର ଓ ଗାୟକ ଶ୍ରୀ ରଞ୍ଜିତ ମୁଖୀ , କ୍ୟା ର ଉପାଧ୍ୟକ୍ଷ ଶ୍ରୀ ଭଗବାନ କହଁର ପ୍ରମୁଖ କାର୍ଯ୍ୟକ୍ରମ ରେ ଯୋଗଦାନ କରିଥିଲେ | ଏଭଳି ଏକ ଚିତାକର୍ଷକ ଜିଲ୍ଲା ସ୍ତରୀୟ ନୃତ୍ୟ, ଗିତ ସଂଗୀତ ପ୍ରତିଯୋଗିତାରେ  କନ୍ଧମାଳ ଜିଲ୍ଲାର ଶତାଧିକ କଳାକାର ମାନେ ଅଂଶ ଗ୍ରହଣ କରିଥିଲେ | ବିଭିର୍ଣ୍ଣ ନୃତ୍ୟ ଗିତ ସଂଗୀତ ପ୍ରତିଯୋଗିତା ରେ  ମିସ୍ ସ୍ମୃତିମୟୀ ବେହେରା, ଯେଉଁଥିରେ ଦ୍ୱିତୀୟ ସ୍ଥାନ ପାଇଛନ୍ତି ଜ୍ୟୋତିରଞ୍ଜନ ନାୟକ। ଏହା ସହ ଗାନ ପ୍ରତିଯୋଗିତାର ବିଜେତାଙ୍କୁ ଆଶୀର୍ବାଦ ଓ ପ୍ରଶଂସା ସହ ୫୦୦୦ ଓ ୩୦୦୦ ଟଙ୍କାର ଅର୍ଥ ରାଶି ପୁରସ୍କାର  ମଧ୍ୟ ମଂଚାସୀନ ଅତିଥି ମାନଙ୍କ ଦ୍ୱାରା ପ୍ରଦାନ କରାଯାଇଥିଲା ।ଏହାପରେ ନୃତ୍ୟ ବିଭାଗର ବିଚାରକ ମଣ୍ଡଳୀ ରେ   ଯୁବ ନୃତ୍ୟଗୁରୁ ଶ୍ରୀ ସୁଖରଞ୍ଜନ ସାହାଣୀ, ଅଭିନେତ୍ରୀ ମିସ୍ ପୂଜା ପଟ୍ଟନାୟକ ଏବଂ  ଯୁବ ନୃତ୍ୟ ଗୁରୁ ଓ ଅଭିନେତା ଡିଜେ ରାଜା। ସଂଗୀତ ପ୍ରତିଯୋଗିତାର ନ୍ୟାୟାଧିଶ ଭାବେ ପ୍ରତିଷ୍ଠିତ କଣ୍ଠଶିଳ୍ପୀ ଶ୍ରୀ ଅସୀତ ନନ୍ଦ,  ଯାତ୍ରା ଜଗତର ପ୍ରସିଦ୍ଧ କଣ୍ଠ ଶିଳ୍ପୀ ଶ୍ରୀ ଅମିର କୁମାର ସାହାଣି ଏବଂ ଗାୟିକା ଶ୍ରୀମତୀ ସୋନାଲି ପଟ୍ଟନାୟକ ଉପସ୍ଥିତ ଥିଲେ।
କନ୍ଧମାଳ ଟ୍ୟାଲେଣ୍ଟ ହଣ୍ଟ 2025  କାର୍ଯ୍ୟକ୍ରମର ମୁଖ୍ୟ ଆକର୍ଷଣ ଥିଲା ବାଲିଗୁଡା ଟିମ ଏବଂ ରୋୟାଲ୍ ଡାନ୍ସ ଏମ୍ପାୟର, ଫୁଲବାଣିର ଶ୍ରେଷ୍ଠ  ଦଳ ଭାବେ ପ୍ରଦର୍ଶନ କରି ଯୋଗ୍ୟ ବିବେଚିତ ହୋଇ ଥିଲେ । ଏଭଳି ଏକ ଆକର୍ଷଣୀୟ କାର୍ଯ୍ୟକ୍ରମ କୁ ଭରପୁର ଭାବେ ଉପଭୋଗ କରୁଥିବା ଉପସ୍ଥିତ ଦର୍ଶକମାନେ ବହୁତ ଆନନ୍ଦ ଉପଭୋଗ କରିଥିଲେ। କନ୍ଧମାଳ ଟାଲେଣ୍ଟ ହଣ୍ଟ ୨୦୨୫ ଏକ ଅଦ୍ଭୁତପୂର୍ବ ମନୋରଞ୍ଜନ ଧର୍ମୀ କାର୍ଯ୍ୟକ୍ରମ ହେବା ସହ ଜିଲ୍ଲାର ଗ୍ରାମାଞ୍ଚଳ ରେ ଭରି ରହିଥିବା ଟାଲେଣ୍ଟ ମାନଙ୍କୁ ଏକ ଶ୍ରେଷ୍ଠ ଜାଗତିକ ମଞ୍ଚ ପ୍ରଦାନ କରିପାରିଥିଲା।  କନ୍ଧମାଳ ୟୁଥ କଳାକାର ଆସୋଶେଶନ ( KYAA ) ର ଜିଲ୍ଲାରେ ପ୍ରଥମ ବର୍ଷର ଏଭଳି ପ୍ରୟାସ କୁ କନ୍ଧମାଳ ଜିଲ୍ଲାର ଯୁବକ ଯୁବତୀ ମାନଙ୍କ ମଧ୍ୟରେ ଲୁଚି ରହିଥିବା ପ୍ରତିଭା ପ୍ରଦର୍ଶନ ର ଏକ ମାର୍ଗ ଦର୍ଶକ, ପ୍ରେରଣା ହୋଇପାରିବା ସହିତ ଅଗଣିତ କଳାପ୍ରେମୀ ଦର୍ଶକ ମାନଙ୍କୁ ଭରପୁର ମନୋରଞ୍ଜନ ର ଖୋରାକ ଯୋଗାଇବାରେ  ସକ୍ଷମ ହୋଇପାରିଥିଲା ଓ ଏଭଳି କାର୍ଯ୍ୟକ୍ରମ କୁ କନ୍ଧମାଳ ବାସି ଭୁୟସୀ ପ୍ରଶଂସା କରିଥିଲେ ।