17-Jan-2025

ଆଗଲପୁର:(ପ୍ରେରଣା ନିଉଜ) ବଲାଙ୍ଗୀର ଜିଲ୍ଲା ଆଗଲପୁର ଅନ୍ତର୍ଗତ ଭରସୁଜାସ୍ଥିତ କଲେଜ ଛକରେ ନିର୍ମିତ ବାରିକ ସମାଜ ଭବନର ପ୍ରତିଷ୍ଠା ଓ ଶୁଭ ଉଦଘାଟନ ହୋଇଯାଇଅଛି।ଏହି ଉଦଘାଟନ ଉତ୍ସବରେ ମୁଖ୍ୟ ଅତିଥି ବଲାଙ୍ଗୀର ଜିଲ୍ଲା ଜିଲ୍ଲା ପରିଷଦ ଅଧ୍ୟକ୍ଷା ଶ୍ରୀମତୀ ଦେବକୀ ସାହୁ, ସମ୍ମାନୀତ ଅତିଥି ଆଗଲପୁର ପଞ୍ଚାୟତ ସମିତିର ଅଧ୍ୟକ୍ଷା ଶ୍ରୀମତୀ ଗୀତାଞ୍ଜଳି ଦାସ,ଆଗଲପୁର ବ୍ଲକ ଦ୍ଵିତୀୟ ଜୋନର ଜିଲ୍ଲା ପରିଷଦ ସଦସ୍ୟା ଶ୍ରୀମତୀ ବୀଣାପାଣି ଦାସ,ଆଗଲପୁର ବ୍ଲକର ଉପାଧ୍ୟକ୍ଷା ଶ୍ରୀମତୀ ନିରୁପମା ପଧାନ, ଭରସୁଜା ଗ୍ରାମପଞ୍ଚାୟତର ସରପଞ୍ଚ ଶ୍ରୀମତୀ ପ୍ରମିଳା ସାହୁ, ସମାଜ ସେବୀ ପଞ୍ଚୁ ପଧାନ, ବଶିଷ୍ଠ ଆଇନଜିବୀ ବିଜୟ ଦାସ,ଲୋଇସିଂହା ବାରିକ ସମାଜ ସଭାପତି ଶ୍ରୀଯୁକ୍ତ କିଶୋର ବାରିକ,ଶିକ୍ଷାବିତ୍  ଶ୍ରୀଯୁକ୍ତ ଆନନ୍ଦ ପଶାୟତ, ମୁଖ୍ୟ ବକ୍ତା ଶ୍ରୀଯୁକ୍ତ ସନ୍ତୋଷ ପଶାୟତ ମଞ୍ଚାସୀନ ଥିବାବେଳେ ବଲାଙ୍ଗିର ଜିଲ୍ଲା ବାରିକ ସମାଜ ସଭାପତି ଶ୍ରୀଯୁକ୍ତ କଙ୍ଗାଲୁ ବାରିକ ସଭାରେ ସଭାପତିତ୍ବ କରିଥିଲେ ଓ ଶ୍ରୀ ସଞ୍ଜୟ ବାରିକ ମଞ୍ଚ ପରିଚାଳନା କରିଥିଲେ। ମୁଖ୍ୟ ଅତିଥି ଶ୍ରୀମତୀ ସାହୁ ଭବନର ଶୁଭ ଉଦଘାଟନ କରି ମାନବ ସମାଜରେ ବାରିକ ସମାଜ ଏକ ପ୍ରଭାବଶାଳୀ ଓ ଜନ ପ୍ରିୟ ଜାତି ବୋଲି ମତ ରଖିଥିଲେ। ଆଗଲପୁର ପଞ୍ଚାୟତ ସମିତିର ଅଧ୍ୟକ୍ଷା ଶ୍ରୀମତୀ ଦାସ ବାରିକ ସମାଜ ଆମ ମାନବ ସମାଜର ପ୍ରତ୍ୟେକ ସ୍ଥାନରେ ଆବଶ୍ୟକ ହୁଏ ଓ ତାଙ୍କ ଉନ୍ନତି ପାଇଁ ଯଥାସାଧ୍ୟ ସହଯୋଗ ରହିବ ବୋଲି ମତ ଦେଇଥିଲେ। ଆଗଲପୁର ବ୍ଲକ ଦ୍ଵିତୀୟ ଜୋନର ଜିଲ୍ଲା ପରିଷଦ ସଦସ୍ୟା ବାରିକ ସମାଜର ବିଶିଷ୍ଟ ପ୍ରତିଷ୍ଠିତ ସମାଜ ବୋଲି କହିଥିବା ବେଳେ ସରପଞ୍ଚ ଶ୍ରୀମତୀ ସାହୁ ବାରିକ ସମାଜର ଭାଇମାନେ ସମସ୍ତଙ୍କ ପ୍ରିୟ ଓ ଘନିଷ୍ଠ ବୋଲି ମତ ରଖିଥିଲେ। ମୁଖ୍ୟବକ୍ତା ଶ୍ରୀଯୁକ୍ତ ପଶାୟତ ବାରିକ ସମାଜର ଇତିହାସ ସମ୍ପର୍କରେ ନିଖୁଣ ଭାବରେ ବର୍ଣ୍ଣନା କରିଥିଲେ। ନିମନ୍ତ୍ରଣ   ରକ୍ଷାକରି ବଲାଙ୍ଗିର ଜିଲ୍ଲାର ସମସ୍ତ ବ୍ଲକରୁ ଆସିଥିବା ସଭାପତି ଓ ସଂପାଦକ ମାନଙ୍କୁ ଆଗଲପୁର ବ୍ଲକ ସମାଜର ସଂପାଦକ ଶ୍ରୀଯୁକ୍ତ ବିବେକାନନ୍ଦ ବାରିକ ସମ୍ବର୍ଦ୍ଧିତ କରିଥିଲେ। ଏହି ଉପଲକ୍ଷେ ବ୍ୟାସ ପିତାମ୍ବର ପଶାୟତଙ୍କ ଦ୍ଵାରା ସୁନ୍ଦରା କାଣ୍ଡ ପାରାୟଣ ହୋଇଥିଲା।ଶେଷରେ ଆଗଲପୁର ବାରିକ ସମାଜ ସଭାପତି ଶ୍ରୀଯୁକ୍ତ ମିତ୍ରଭାନୁ ବାରିକ ଧନ୍ୟବାଦ ଅର୍ପଣ କରିଥିଲେ। ବାରିକ ସମାଜର ଡାକ୍ତର ବାରିକ,ପ୍ରେମକାନ୍ତ ବାରିକ,ରାଜ ବାରିକ, କନ୍ଦର୍ପ ବାରିକ,ସଦାନନ୍ଦ ବାରିକ, ରମେଶ ବାରିକ, ଜେହେରୁ ବାରିକ,ଦିଲେଶ୍ୱର ବାରିକ, ଇନ୍ଦ୍ରଜିତ ବାରିକ,ମୁକେଶ ବାରିକ, ସୁପାଲ ବାରିକ,ବିଭୂତି ବାରିକ, ଅମିତ ପଶାୟତ,ସରୋଜ ବାରିକ, ଦ୍ଵିତୀୟା ପଶାୟତ,ରମେଶ ପଶାୟତ,ନିମେଈ ପଶାୟତ, କୃପାସିନ୍ଧୁ ପଶାୟତ,ନରେଶ ପଶାୟତ , ହିମାଂଶୁ ବାରିକ, ତୁଳସୀ ବାରିକ, ହଳଧର ବାରିକ ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ। ବାରିକ ସମାଜର ଏହି ଭବନ ପ୍ରତିଷ୍ଠା ଏ ଅଞ୍ଚଳ ପାଇଁ ଆଲୋଚନାର ବିଷୟ ହୋଇଥିବା ବେଳେ ଏହି ଭବନ ନିର୍ମାଣ ଓ ଏହି ଭବ୍ୟ ସମାରୋହରେ ଗୁରୁ ଦାୟିତ୍ବ ତୁଲାଇଥିବାରୁ  ଡାକ୍ତର ବାରିକ, ସଞ୍ଜୟ ବାରିକ ଓ ପ୍ରେମାକାନ୍ତ ବାରିକଙ୍କୁ ଅଞ୍ଚଳବାସୀ ଭୂୟସୀ ପ୍ରଶଂସା କରିଥିଲେ।