15-Jan-2025

ଡୁଙ୍ଗୁରିପାଲି,(ପ୍ରେରଣା ଖବର) : ସୋନପୁର ଜିଲ୍ଲାର ଡୁଙ୍ଗୁରିପାଲି ବ୍ଲକ୍ ଅନ୍ତର୍ଗତ ପଞ୍ଚାୟତ ଉଚ୍ଚ ବିଦ୍ୟାଳୟ ମାୟା ବର୍ହା ଠାରେ ଆଜି ଦଶମ ଶ୍ରେଣୀ ଛାତ୍ର ଛାତ୍ରୀଙ୍କ ପାଇଁ ପରୀକ୍ଷା ସମୟରେ କିପରି ପିଲାମାନେ ଅଧୈର୍ଯ୍ୟ ନ ହୋଇ ସ୍ଥିର ଚିତ୍ତରେ ପରୀକ୍ଷା ଦେଇ ଭଲ ନମ୍ବର ରଖି ପାରିବେ ସେଥିପାଇଁ ପ୍ରଧାନଶିକ୍ଷକ ରବିଚନ୍ଦ୍ର ପାସାୟତଙ୍କ ସଭାପତିତ୍ବ ରେ ଏକ ସଭା ଅନୁଷ୍ଠିତ ହୋଇ ଯାଇଛି।ଉକ୍ତ ସଭାରେ ବିଦ୍ୟାଳୟର ପୂର୍ବତନ ସଂସ୍କୃତ ଶିକ୍ଷକ ତଥା ବିଖ୍ୟାତ ହସ୍ଟରେଖା ବିଶାରଦ ଯ୍ୟୋଟିଷ୍କର ପଣ୍ଡା ଯୋଗଦାନ କରି ପିଲାମାନେ କିପରି ନିର୍ଭୟରେ ପରୀକ୍ଷା ପାଇଁ ପ୍ରସ୍ତୁତ ହୋଇ ପାରିବେ ମାର୍ଗ ଦର୍ଶନ କରିଥିଲେ। ଏହି କାର୍ଯ୍ୟକ୍ରମରେ ସମାଜସେବୀ ଶଙ୍କର ସାହୁ ଯୋଗଦେଇ ଛାତ୍ର ଛାତ୍ରୀମାନେ ପରୀକ୍ଷାରେ ଭଲ ନମ୍ବର ରଖି ନିଜ ବାପା ମାଙ୍କ  ସ୍ବପ୍ନ ସାକାର କରନ୍ତୁ ବୋଲି ନିଜ ବକ୍ତବ୍ୟରେ ମତବ୍ୟକ୍ତ କରିଥିଲେ। ଛାତ୍ର ଛାତ୍ରୀ ମାନଙ୍କ ମଧ୍ୟରୁ ଲିପ୍ସା, ଜଣନିକା, ରେଖା,ଅର୍ଚ୍ଚିତା, ସୁଜିତ୍ ପ୍ରଭୁତି ନିଜନିଜ ସମସ୍ୟା ଉପସ୍ଥାପନ କରି ସନ୍ତୋଷ ଜଣକ ଉତ୍ତର ପାଇଥିଲେ ।

କାର୍ଯ୍ୟକ୍ରମ କୁ ଶିକ୍ଷକ ଦୀନବନ୍ଧୁ ପ୍ରଧାନ ସଂଯୋଜନା କରିଥିବା ବେଳେ ନରେନ୍ଦ୍ର ସାହୁ,ମନୋଜ ପୂଜାରୀ, ସଞ୍ଜୀବ ପୂଜାରୀ, ଲିପି, କିରଣ, ବିଭୀଷଣ, ମୀନକେତନ,ସୁରଜ୍ ଓ ସମୀର ସହଯୋଗ କରିଥିଲେ।