26-Dec-2024

ନୂଆପଡା ଜିଲ୍ଲା ସିନାପାଲି ବ୍ଲକ ଅନ୍ତର୍ଗତ ନୀଳଜି ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟର ଷଷ୍ଠ, ସପ୍ତମ ଓ ଅଷ୍ଟମ ଶ୍ରେଣୀର ଛାତ୍ରଛାତ୍ରୀ ମାନଙ୍କର ସହପାଠ୍ୟ କାର୍ଯ୍ୟକ୍ରମ "ବାର୍ଷିକ ବନବିହାର ଓ ପ୍ରକୃତି ପର୍ଯ୍ୟବେକ୍ଷଣ"  କାର୍ଯ୍ୟକ୍ରମ  ବିଦ୍ୟାଳୟ ର ପ୍ରଧାନଶିକ୍ଷକ ସତ୍ୟବ୍ରତ ଗହୀରଙ୍କ ମାର୍ଗଦର୍ଶନରେ  ସିନାପାଲିବ୍ଲକର ଜୀବନରେଖା ସଦୃଶ ପ୍ରବାହିତ ଉଦନ୍ତୀ ନଦୀ  ପଠା ଡ଼ୁମେରବାହାଲ ଗ୍ରାମ ନିକଟର ସାନ ଘୁମରଘାଟରେ ଅନୁଷ୍ଠିତ ହୋଇଯାଇଛି।  ବରିଷ୍ଠ ଶିକ୍ଷକ ଶ୍ରୀଯୁକ୍ତ ସେବକ ରାମ ପାତ୍ର, ବିଜ୍ଞାନ ଶିକ୍ଷକ ଶ୍ରୀଯୁକ୍ତ ଧୀରେନ୍ଦ୍ର କୁମାର ସା, ସହଶିକ୍ଷକ ଶ୍ରୀଯୁକ୍ତ ପରମାନନ୍ଦ ମାଝୀ କାର୍ଯ୍ୟକ୍ରମ ଗୁଡିକର ସୁନ୍ଦର, ସରସ ଓ ଆକର୍ଷଣୀୟ ଭାବରେ ଆୟୋଜନ ଓ ପରିଚାଳନା କରିଥିଲେ । ବିଦ୍ୟାଳୟ ପରିଚାଳନା କମିଟିର ସଭାପତି ଶ୍ରୀଯୁକ୍ତ ଶଙ୍କର ନିଆଲ  ମୁଖ୍ୟ ଅତିଥି ଭାବରେ ଯୋଗ ଦେଇଥିଲେ । ଏହିକାର୍ଯ୍ୟରେ ୧୦୨ ଜଣ ଛାତ୍ରଛାତ୍ରୀ ଅଂଶ ଗ୍ରହଣ କରି ପ୍ରକୃତିର ସୌନ୍ଦର୍ଯ୍ୟକୁ ନିକଟରୁ ଦେଖି ଆନନ୍ଦ ଉପଭୋଗ  କରିବାସହ  ପାହାଡ଼ର  ଗଛପତ୍ର, ଫୁଲଫଳ ବିଭିନ୍ନ ପ୍ରକାର ମାଟି,ପଥର ନଦୀର ବାଲି, ବାଲି ଗରଡ଼ା, ଛୋଟ ପଥରର ବ୍ୟବହାର, ଜଳ ଧାର,ଜଳଜୀବ, ନଦୀର ଉତ୍ପତି ଓ  ମଣିଷର  ଜୀବନ ଜୀବିକା ବିଷୟରେ ପ୍ରତ୍ୟକ୍ଷ ଜ୍ଞାନ  ଅର୍ଜ୍ଜନ କରିଥିଲେ   । ପରେ ବଣ ଭୋଜି ଓ ସାଂସ୍କୃତିକ କାର୍ଯ୍ୟକ୍ରମ ରେ ଅନ୍ତାକ୍ଷରୀ, ନୃତ୍ୟ ଗୀତର ଆସର

ଜମିଥିଲା l ଏହି କାର୍ଯ୍ୟକ୍ରମ ସଫଳ କରିବାରେ ଶିକ୍ଷକ ରୁପେଶ କୁମାର ମେହେର, ଶ୍ରୀଯୁକ୍ତ ଜଗନ୍ନାଥ ସୁନାନୀ ଓ ପୂର୍ବ ଶିକ୍ଷୟିତ୍ରୀ ପଙ୍କଜିନୀ ତାଣ୍ଡିଙ୍କର ସହଯୋଗ ରହିଥିଲା ।ବିଦ୍ୟାଳୟର  ତିନିଜଣ ପାଚିକା ଓ ସହାୟିକା ରୁଚିକର ଖାଦ୍ୟ ରନ୍ଧନ ଓ ପରିବେଷଣ କରିଥିଲେ । ଅଷ୍ଟମ ଶ୍ରେଣୀ ଛାତ୍ରୀ କୁମାରୀ ପୁଷ୍ପମଞ୍ଜରୀ ସା ଛାତ୍ରୀ ଓ  ସୁଜିତ ସା  ଛାତ୍ର ମାନଙ୍କର ନେତୃତ୍ୱ ନେଇଥିଲେ।

(ନୂଆପଡା ଜିଲ୍ଲା ସିନାପାଲି ବ୍ଲକରୁ ପରମେଶ୍ୱର ମେହେରଙ୍କ ରିପୋର୍ଟ)